Destpêk 7:4 - Kurmanji Încîl

⁴ Çimkî piştî heft rojan, ezê çil şev û çil rojan baranê bibarînim û hemû jîndarên ku min çêkirine, ji ser rûyê erdê rakim.”

Destpêk 7:4 ပူးပေါင်းရင်းမြစ်များ

Destpêk 2:5

hê li erdê tu şitlekî çolê tunebû û tu giyayekî çolê şîn nebûbû. Çimkî Xwedê Xudan hê baran bi ser erdê ve nebarandibû û mirovê erdê bajo jî tunebû.

Destpêk 6:13

Xwedê ji Nûh re got: “Dawiya hemû beşerê hat ber min. Çimkî ji rûyê wan zordarî zêde bû. Ezê tevli wan, rûyê erdê jî tune bikim.

Destpêk 6:17

Va ye, ezê li ser rûyê erdê tofanê rakim û hemû jîndarên di bin ezmanan de ku hilma jiyanê bi wan re heye tune bikim. Wê her bedena li ser rûyê erdê helak bibe.

Destpêk 6:3

Xudan got: “Wê Ruhê min her û her bi mirov re nemîne, çimkî ew xwîn û goşt e û wê jiyana wî sed û bîst sal be.”

Destpêk 6:7

Xudan got: “Ezê mirovên ku min afirandine, tevî heywan, afirîdên bi erdê ve dişêlin û teyrên ezmanan ji ser rûyê erdê rakim. Çimkî ez poşman bûm ku min ew afirandin.”

Destpêk 7:10

Piştî heft rojan tofan rabû.

Destpêk 7:12

Çil roj û çil şev baran bariya.

Destpêk 7:17

Tofan çil rojan berdewam kir. Av gelekî zêde bû û gemî ji erdê bilind kir.

Destpêk 7:3

û ji her cure teyrên ezmanan heft cot nêr û mê hilde ku hebûna xwe li ser tevahiya rûyê erdê berdewam bike.

Destpêk 8:10

Nûh heft rojên din jî sekinî û careke din kevok berda.

Destpêk 8:12

Heft rojên din ma û dîsa kevok şand. Lê vê carê kevok venegeriya.

Destpêk 8:2

Kaniyên kûrahiyê û kulekên ezmanan hatin girtin. Baran sekinî.

Eyûb 22:16

Beriya dema wan hat, ew hatin rakirin, Lehiyê bingeha wan bir.

Eyûb 28:25

Gava wî hêz da bayê Û bi pîvekê av pîva,

Zebûr 69:28

Bila bên xîjkirin ji deftera jîndaran, Bi rastan re neyên nivîsandin!

Yêremya 28:16

Loma Xudan wiha dibêje: ‘Ezê te ji ser rûyê erdê bişînim. Ji ber ku te li dijî Xudan hînê serhildanê kir, tê îsal bimirî.’”

Amos 4:7

“Hê ji dema palehiyê re sê meh hebû, Min baran ji ser we birî. Min bi ser bajarekî de barand, Lê bi ser bajarê din de nebarand. Bi ser zeviyekê de baran hat, Lê zeviya ku baran bi ser de nehat ziwa bû.

Peyxam 3:5

Ewê ku bi ser dikeve bi vî awayî wê bi cilên spî bê wergirtin. Û ez navê wî ji Kitêba Jiyanê tu caran xîş nakim, lê ezê navê wî li ber Bavê xwe û li ber milyaketên wî eşkere bikim.