Destpêk 7:11 - Kurmanji Încîl

¹¹ Di şeş sed saliya Nûh de, di roja hivdehê meha diduyan de hemû kaniyên kûrahiya erdê derbûn û kulekên ezmanan vebûn.

Destpêk 7:11 ပူးပေါင်းရင်းမြစ်များ

Destpêk 1:7

Xwedê qûbeyek çêkir û ava bin qûbeyê, ji ava li serê wê veqetand. Wisa jî bû.

Destpêk 6:17

Va ye, ezê li ser rûyê erdê tofanê rakim û hemû jîndarên di bin ezmanan de ku hilma jiyanê bi wan re heye tune bikim. Wê her bedena li ser rûyê erdê helak bibe.

Destpêk 7:6

Gava ava tofanê li ser erdê rabû, Nûh şeş sed salî bû.

Destpêk 8:14

Di roja bîst û heftê meha diduyan de, erd bi tevahî ziwa bû.

Destpêk 8:2

Kaniyên kûrahiyê û kulekên ezmanan hatin girtin. Baran sekinî.

Padîşah II, 7:19

Fermandar, bersiva zilamê Xwedê dabû û gotibû: “Heke Xudan di ezmanan de pencereyan jî veke, ma wê ev pêk bê?” Êlîşa jî gotibû: “Tê bi çavên xwe bibînî, lê tê jê nexwî.”

Padîşah II, 7:2

Fermandarê ku padîşah xwe dispartê, ji zilamê Xwedê re got: “Heke Xudan di ezmanan de pencereyan jî veke, ma wê ev tişt bibe?” Êlîşa got: “Tê bi çavên xwe bibînî, lê tê jê nexwî.”

Eyûb 12:15

Gava ew avê dide sekinandin, her der hişk dibe, Gava avê berdide, dinyayê serobino dike.

Eyûb 28:4

Dûrî dera kes lê dijî, ew kanan dikolin, Li dera lingê mirov jî, ji bîr kiriye, Ji her kesî dûr xwe davêje werîs û dihejîne.

Eyûb 38:16

“Ma tu gihîştî heta ber kaniyên deryayê? Yan tu di avên kûr de geriyayî?

Eyûb 38:37

Kî ewqas şehreza ye ku ewran bijmêre? Kî dikare meşkên ezmanan vala bike,

Zebûr 33:7

Ew avên deryayê li hev dicivîne, Avên kûr di sarincan de bi ser hev tîne.

Zebûr 74:15

Te kanî û lehiyan rakir, Çemên ku hergav diherikin ziwa kir.

Methelokên 3:20

Bi zanabûna wî kûrahiyên deryayan ji hev veqetiyan Û ji ewran xunav dibare.

Îşaya 24:18

Kesê ji ber hewara sawê bireve, wê bikeve çalê, Wê kesê ji çalê derkeve jî bikeve dafikê. Çimkî kulekên ezmanan vebûn Û bingeha dinyayê dilerize.

Îşaya 24:19

Dinya bi tevahî perçiqî, Dinya bi tevahî qelişî, Dinya bi tevahî hejiya.

Yêremya 5:22

Gotina Xudan ev e: “Ma hûn ji min natirsin? Hûnê li pêş min nelerizin? Min sêlak kir sînorê deryayê û qanûneke herheyî Ku ew jê nikare derbas bibe. Pêlên wê rabin jî, nikare bi ser bikeve, Bike xuşîn jî, nikare derbas bike.

Yêremya 51:16

Gava ew dengê xwe dike, li ezmanan av dixuşe Û ew ji binê dinyayê jî ewran bilind dike. Ji bo baranê brûskan çêdike, Ew ji embarên xwe bayê dertîne.

Melaxî 3:10

Xudanê Karîndar dibêje: “Tevahiya dehyekên xwe bînin embarê ku xwarin li mala min hebe û bi vî awayî min biceribînin. Binêrin ka ezê pencereyên ezmanan ji we re vekim an na? Ezê bi ser we de, bi têra we bereketê bibarînim an na?

Metta 24:38

Çimkî di wan rojên beriya tofanê de, mirovan dixwar û vedixwarin, jin dianîn û mêr dikirin; heta wê roja ku Nûh ket gemiyê,

Selanîkî I, 5:3

Gava xelk dibêjin: «Dinya aştî û ewledarî ye», hingê wek êşa jina bizaro, helak wê ji nişkê ve bê ser wan û qet nikarin birevin.

Petrûs II 3:6

Û bi avê, dinya berê bi tofanê helak bû.