Destpêk 6:7 - Kurmanji Încîl

⁷ Xudan got: “Ezê mirovên ku min afirandine, tevî heywan, afirîdên bi erdê ve dişêlin û teyrên ezmanan ji ser rûyê erdê rakim. Çimkî ez poşman bûm ku min ew afirandin.”

Destpêk 6:7 ပူးပေါင်းရင်းမြစ်များ

Destpêk 6:6

Xudan ji afirandina mirovan poşman bû û dilê wî êşiya.

Destpêk 7:21

Hemû beşera ku li ser rûyê erdê tevdigere helak bû; teyr, heywanên kedî, heywanên çolê, afirîdên dişêlin û hemû mirov.

Destpêk 7:4

Çimkî piştî heft rojan, ezê çil şev û çil rojan baranê bibarînim û hemû jîndarên ku min çêkirine, ji ser rûyê erdê rakim.”

Destpêk 8:21

Xudan bi bêhna xweş a qurbanên şewitandinê kêfxweş bû û got: “Tevî ku meyla dilê mirov ji zarokatiyê ve bi ser xerabiyê ve ye, êdî ezê careke din ji ber mirovan vê axê nalet nekim. Wekî min niha kir, êdî ezê careke din her jîndarî tune nekim.

Zebûr 37:20

Belê wê xerab tune bibin; Dijminên Xudan, wê biçilmisin wek kulîlkên çolan, Wê telef bibin wek mijan.

Methelokên 10:27

Tirsa Xudan emrê mirovan dirêj dike, Lê salên kesên xerab kêm dibin.

Methelokên 16:4

Xudan her tiştî ji bo armancekê afirand, Kesê xerab jî, ji bo roja xerab.

Îşaya 27:11

Gava guliyên wê hişk bibin, Wê bên jêkirin. Wê jin werin û wan bişewitînin. Çimkî ev gel fêm nake. Loma wê afirandarê wan Li ber wan nekeve, Yê ku şikil daye wan, Wê rehmê li wan neke.

Hoşêya 4:3

Ji ber vê yekê welat şînê dike, Her kesê lê rûdine ziwa dibe. Heywanên çolê, teyrên ezmanan, Masiyên deryayê jî tune dibin.

Amos 7:3

Li ser vê yekê Xudan fikra xwe guhert û got: “Wê ev yek çênebe.”

Amos 7:6

Li ser vê yekê Reb Xudan fikra xwe guhert û got: “Wê ev jî çênebe.”

Sefanya 1:18

Wê di roja xezeba Xudan de Zîvên wan jî, zêrên wan jî Wê nikaribe wan rizgar bike. Di agirê xîreta Xudan de Wê tevahiya welêt bê daqurtandin. Çimkî wê hemû şêniyên welêt ber bi dawiyê, Ber bi dawiyeke tirs û sawê ve bibe.

Sefanya 1:2

“Ezê her tiştî ji ser rûyê erdê rakim.” Ev e gotina Xudan.

Sefanya 1:3

“Ezê mirov û heywanan rakim, Ezê teyrên ezmanan û masiyên deryayan, Zilamên xerab û dafikên wan ên gunehan rakim. Ezê ji ser rûyê erdê mirovan helak bikim.” Ev e gotina Xudan.

Dubarekirina Şerîetê 28:63

Wê wisa bibe ku çawa Xudan bi qenckirin û zêdekirina we şa bû, wê di tunekirin û helakirin we de jî ewqas şa bibe. Hûnê ji ser wê axa ji bo ku ji xwe re bikin milk diçinê, bên rakirin û avêtin.

Dubarekirina Şerîetê 29:20

Wê Xudan nexwaze kesekî wiha bibexişîne. Wê hêrs û xîreta Xudan wekî dûyê li dijî wî bilind bibe û hemû naletên di vê nivîsê de hatiye nivîsandin bên serê wî. Wê Xudan navê wî ji ser rûyê erdê rake.

Samûêl I, 15:11

“Ez poşman bûm ku min Şawûl kir padîşah. Çimkî êdî ji pey min vegeriya û gotinên min bi cih neanî.” Hêrsa Samûêl rabû û tevahiya şevê hewar û gaziyê xwe bir Xudan.