Destpêk 39:4 - Kurmanji Încîl

⁴ dilê wî bi Ûsiv xweş bû û ew kir xizmetkarê xwe yê taybet. Potîfar ew kir serkarê mala xwe û her tiştê xwe da destê wî.

Destpêk 39:4 ပူးပေါင်းရင်းမြစ်များ

Destpêk 15:2

Lê Avram got: “Ya Reb Xudan, tê çi bidî min? Va ye ez bêziret im. Kesê malê min jê re bimîne, ev Êliyezerê Şamî ye.”

Destpêk 18:3

Paşê got: “Ezbenî, heke dilê te bi min xweş be, di ser xulamê xwe re derbas nebe.

Destpêk 19:19

Dilê te bi xulamê te xweş e û bi rizgarkirina canê min, te qenciya mezin bi min kir. Lê ez nikarim birevim çiyê. Wê ev felaket bigihîje min û ezê bimirim.

Destpêk 24:2

Îbrahîm ji serxulamê xwe yê ku berpirsê her tiştê wî bû re got: “Destê xwe deyne ser ranê min.

Destpêk 32:5

Min ga, ker, pez, xulam û xadim qezenc kirin. Niha ez vê xeberê ji xweyê xwe re dişînim ku dilê wî bi min xweş be.’”

Destpêk 33:10

Aqûb got: “Nexêr ji kerema xwe, heke dilê te bi min xweş be, tu vê diyariya min qebûl bike. Dîtina rûyê te, wekî dîtina rûyê Xwedê ye. Çimkî te ez bi serbilindî qebûl kirim.

Destpêk 33:8

Esaw pirsî û got: “Ev koma ku ez lê rast hatim, tê çi wateyê?” Aqûb got: “Ji bo ku dilê xweyê min bi min xweş be.”

Destpêk 39:8

Lê Ûsiv red kir û got: “Bi serkariya min, xweyê min meraqa tu tiştekî li malê nake. Wî her tiştê xwe daye destê min.

Padîşah I, 16:9

Xulamê wî Zîmriyê fermandarê nîvê erebeyên wî yên şer, fen lê kir. Ela wî çaxî li Tîrsayê li mala Arsayê berpirsê qesrê vexwaribû û serxweş bûbû.

Ester 2:9

Hêgay Ester eciband û bala xwe zêdetir da ser wê. Ji bo xwarin û bedewiya wê, wî her tiştê ku lazim bû da wê. Herwiha wî ji qesra padîşah heft xizmetkarên bijare dan xizmeta wê. Wî Ester û xizmetkarên wê, li cihê herî xweş ê haremê bi cih kirin.

Methelokên 14:35

Padîşah ji xulamê biaqil razî ye, Lê ew li kesê şermê tîne hêrs dibe.

Methelokên 16:7

Gava Xudan ji riyên mirovan razî be, Dike ku bi dijminên wan re jî aş be.

Methelokên 17:2

Koleyê biaqil, ji kurê dişermîne re dibe serwer Û di nav birayan de ji mîrasê par distîne.

Methelokên 22:29

Te ew mirovê di karê xwe de serketî ye dîtiye? Ew kes li ber padîşahan disekine, Ne li ber beredayî û bêkêran.

Methelokên 27:18

Kesê darhejîrê xweyî dike, ji berê wê dixwe, Kesê li xweyê xwe xweyî dike, birûmet dibe.

Methelokên 3:4

Wî çaxî tê li ber çavê Xwedê û mirovan, Navdar û keremdar bî.

شُله رسولا 20:28

Îcar hay ji xwe û ji hemû keriyê ku Ruhê Pîroz hûn di nav de kirine çavdêr, hebin. Şivantiya civîna bawermendan a Xwedê bikin a ku wî bi xwîna Kurê xwe bi dest xistiye.

Nivîsa Rûta Pîrika Dawidê Padîşah 2:6

Xulamê li ser serê paleyan got: “Ev ew jinika ciwan a Moavî ye. Ew ji welatê Moavê bi Naomî re hatibû.”

Samûêl I, 16:22

Şawûl ji Yêşa re got: “Hêvî dikim, bila Dawid li ba min de bimîne. Çimkî dilê min pê xweş e.”

Samûêl I, 2:26

Samûêlê biçûk her ku diçû mezin dibû û li Xudan û li mirovan xweş dihat.