Destpêk 32:4 - Kurmanji Încîl

⁴ Wî li wan emir kir û got: “Ji xweyê min Esaw re wiha bêjin: ‘Xulamê te Aqûb dibêje: Ez li ba Lavan wekî xerîbekî mam û heta niha jî wisa me.

Destpêk 32:4 ပူးပေါင်းရင်းမြစ်များ

Destpêk 23:6

“Ezbenî, tu guhê xwe bide me. Tu di nav me de mîrekî xweyîxatir î. Miriyê xwe li goristana me, di cihê herî qenc de veşêre. Wê tu kes ji me nebêje em gorên xwe nadin te ku tu miriyên xwe lê veşêrî.”

Destpêk 25:30

Esaw ji Aqûb re got: “Ez lava dikim, hinek ji vê şorba sor bide min ez bixwim. Ez ji nêza ketim.” Ji ber vê yekê navê din ê Esaw bû Edom.

Destpêk 27:29

Bila gel ji te re xulamiyê bikin Û netewe serî li ber te deynin. Bibe serwerên birayên xwe, Bila kurên diya te serî li ber te bitewînin. Yên ku nifirê li te dikin, bila nifir li wan be. Kesên ku te pîroz dikin, pîroz bibin.”

Destpêk 27:37

Îshaq lê vegerand û got: “Min ew kir serwerê te û min hemû birayên wî jê re kirin xulam. Min ew bi dexil û şeraba nû xweyî kir. Ma ez dikarim ji bo te çi bikim, lawo?”

Destpêk 31:41

Bi vî awayî bîst salan min xulamiya te kir. Ez ji bo du keçên te çardeh û ji bo pezê te jî şeş salan xebitîm. Te deh caran deynê min guhert.

Destpêk 32:18

Tê bêjî: ‘Ev keriyên xulamê te Aqûb in. Ew wan wekî diyarî ji xweyê xwe Esaw re dişîne û va ye ew jî li pey me tê.’”

Destpêk 32:5

Min ga, ker, pez, xulam û xadim qezenc kirin. Niha ez vê xeberê ji xweyê xwe re dişînim ku dilê wî bi min xweş be.’”

Destpêk 33:14

Bila xweyê min li pêşiya xulamê xwe here. Ezê li gorî rêveçûna heywan û zarokan hêdî hêdî bêm, heta ku ez li Seîrê bigihîjim te.”

Destpêk 33:8

Esaw pirsî û got: “Ev koma ku ez lê rast hatim, tê çi wateyê?” Aqûb got: “Ji bo ku dilê xweyê min bi min xweş be.”

Destpêk 36:8

Esaw ango Edom, li herêma çiyayî ya Seîrê rûnişt.

Destpêk 36:9

Qeyda ziriyeta Esawê bavkalê Edomiyên ku li herêma çiyayî ya Seîrê diman ev e:

Destpêk 4:7

Heke tu ya rast bikî, ma ezê te qebûl nekim? Lê heke tu ya rast nekî, guneh li ber deriyê te, di kozikê de li benda te ye. Lê divê tu bi ser guneh bikevî.”

Padîşah I, 20:32

Bi navtenga xwe ve çûx û bi serê xwe ve werîs girêdan û çûne ba Padîşahê Îsraêlê û gotin: “Xulamê te Ben-Hadad dibêje: ‘Ez lava dikim, min nekuje.’” Ahav lê vegerand û got: “Ma hê jî ew dijî? Nexwe ew birayê min e.”

Derketin 32:22

Harûn got: “Hêrs nebe xweyê min, tu dizanî meyla gel li ser xerabiyê heye.

Methelokên 15:1

Bersiva nerm hêrsê datîne, Lê gotina hişk kela xezebê radike.

Methelokên 25:15

Hikûmdar bi sebrê tê qanekirin Û zimanê nerm hestî dişikêne.

Methelokên 6:3

Loma lawo, vê bike û xwe rizgar bike: Here xwe bavêje ber piyê wî, lavayî wî bike. Çimkî tu ketî destê cîranê xwe.

Waiz 10:4

Heke hêrsa serwer li dijî te rabûbe, Tu bêhna xwe fireh bike, Çimkî nermbûn sûcên mezin dinixême.

Îşaya 21:11

Peyama li ser Dûmayê: Yek ji Seîrê gazî min dike: Nobedaro, şev çiqas ma? Nobedaro, şev çiqas ma?

Lûqa 14:11

Çimkî her kesê ku xwe bilind bike, wê bê nizimkirin û her kesê ku xwe nizim bigire, wê bê bilindkirin.»

Petrûs I 3:6

Bi vî awayî Sarayê bi ya Birahîm kir û jê re got: «Mîrzayê min.» Eger hûn jî qenciyê bikin û ji tu tiştî nebizdin, hûn keçên wê ne.

Dadger 5:4

“Ya Xudan, gava tu ji Seîrê derketî, Çaxê di axa Edomê re meşiyayî, Erd hejiya, ezmanan av rijand. Erê, ewran baran barand.

Samûêl I, 26:17

Şawûl ev deng nas kir û got: “Dawid, lawo ev tu yî?” Dawid got: “Belê ezbenî, padîşahê min, ez im.