Destpêk 20:9 - Kurmanji Încîl

⁹ Avîmelek gazî Îbrahîm kir û jê re got: “Te çi bi me kir? Min çi neheqî bi te kir ku te ev gunehê mezin anî serê min û padîşahiya min. Te tiştê nebûyî bi min kir.”

Destpêk 20:9 ပူးပေါင်းရင်းမြစ်များ

Destpêk 12:18

Firewn gazî Avram kir û got: “Ev çi ye te anî serê min? Te çima negot: ‘Ew jina min e’?

Destpêk 20:10

Avîmelek berdewam kir û got: “Armanca te çi bû ku te ev kir?”

Destpêk 20:8

Avîmelek serê sibê zû rabû û hemû karmendên xwe civandin. Çaxê wî her tişt ji wan re got, ew gelek tirsiyan.

Destpêk 26:10

Avîmelek got: “Ev çi bû ku te bi me kir? Hindik mabû ji zilaman yek bi jina te re raza û te sûc bi ser me de bianiya.”

Destpêk 29:25

Çaxê bû sibe, Aqûb dît ku Lêa ye! Wî ji Lavan re got: “Ev çi bû ku te bi min kir? Ez ji bo Rahêlê li ba te xebitîbûm. Çima te ez xapandim?”

Destpêk 34:7

Di vê navberê de kurên Aqûb ji çolê vedigeriyan. Gava wan ev yek bihîst, gelek dilêş û hêrs bûn. Çimkî Şexem bi keça Aqûb re razabû û li welatê Îsraêl kirêtî kiribû. Divê ev yek qet nehata kirin.

Destpêk 38:24

Piştî sê mehan ji Cihûda re hat gotin: “Bûka te Tamarê zina kiriye û niha bizaro ye.” Cihûda got: “Wê derxin derve û bişewitînin!”

Destpêk 39:9

Di vê malê de kes ji min mezintir tuneye. Ji bilî te, malxweyê min tu tiştek ji min texsîr nake. Çimkî tu jina wî yî. Ez çawa dikarim xerabiyeke wiha bikim û li dijî Xwedê guneh bikim?”

Samûêl II, 12:5

Dawid li mirovê dewlemend pir hêrs bû, ji Natan re got: “Bi navê Xudanê Jîndar, kesê ku wiha kiriye mirinê heq dike!

Samûêl II, 13:12

Lê Tamarê got: “Na, birayê min, zorê nede min! Nabe ku li welatê Îsraêl tiştekî wiha bibe? Lava dikim vê kirêtiyê neke!

Derketin 32:21

Mûsa ji Harûn re got: “Vî gelî çi bi te kir ku te ev gunehê mezin bi serê wan de anî?”

Derketin 32:35

Xudan gel ceza kir, çimkî wan bi Harûn golik dabû çêkirin.

Methelokên 28:10

Kesê berê dilrastan dide riyên xerab, Wê bi xwe bikeve çala ku kolaye, Lê qencî, mîrasa mirovên kamil e.

Lêwiyî 20:10

“‘Heke zilam bi jina kesekî din re zinayê bike, wê hem ew zilam, hem ew jin esse bên kuştin.

Romayî 2:11

Çimkî li ba Xwedê xatirgirtin tune ye.

نامَ بُ تیتوس 1:11

Divê devê wan bê girtin, çimkî ew ji bo qezenca xwe ya qirêjî tiştên ku divê neyên hînkirin, hîn dikin û malan bi tevahî xera dikin.

Îbranî 13:4

Bila her kes bi hurmet li zewacê binêre û bila nivîna zewacê bêleke be. Çimkî Xwedê wê dîwana fuhûşkar û zînakaran bike.

Yêşû 7:25

Yêşû got: “Te çima em xistin tengasiyê? Wê Xudan jî îro te bixe tengasiyê.” Piştre hemû gelê Îsraêl Exan da ber keviran. Wan her tiştên wî dan ber keviran û şewitandin.