Destpêk 13:2 - Kurmanji Încîl

² Avram gelek dewlemend bû. Keriyên wî, zêr û zîvên wî hebûn.

Destpêk 13:2 ပူးပေါင်းရင်းမြစ်များ

Destpêk 12:16

Ji bo xatirê Serayê Firewn qencî bi Avram kir. Pez, dewar, kerên nêr û mê, deve, xulam û xadim dan wî.

Destpêk 13:6

Erd têra wan nedikir ku bi hev re bijîn, çimkî hebûna wan ewqas pir bû ku nikaribûn bi hev re bimînin.

Destpêk 24:1

Îbrahîm kal bûbû û bi salan ve çûbû. Xudan ew bi hemû awayî pîroz û bereket kiribû.

Destpêk 24:35

Xudan malxweyê min gelek pîroz kir û ew dewlemend bû. Xudan pez û dewar, zêr û zîv, xulam û xadim, deve û ker dan wî.

Destpêk 26:14

Keriyên pez û dewarên wî çêbûn û ew bû xweyê gelek xulaman. Loma jî Filîstî hesûdiya wî kirin.

Destpêk 30:43

Êdî Aqûb gelek dewlemend bûbû. Gelek keriyên pez û dewar, xulam, xadim, deve û kerên wî çêbûn.

Eyûb 1:10

Ma te ew, mala wî û her tiştê wî ji her alî ve sinc nekir? Te karên destê wî bereket kirin. Hebûna wî li welêt zêde bû.

Eyûb 1:3

Heft hezar pezên wî, sê hezar deveyên wî, pênc sed cot gayên wî, pênc sed kerên wî û gelek zêde xulamên wî hebûn. Li rojhilat, mirovê herî mezin ew bû.

Methelokên 10:22

Bereketa Xudan dewlemend dike, Ew kederê lê zêde nake.

Metta 6:33

Lê hûn berî her tiştî li Padîşahiya Xwedê û li rastdariya wî bigerin û ev hemû tişt jî wê ji we re bên dayîn.

Dubarekirina Şerîetê 8:18

Xwedayê xwe Xudan bi bîr bînin ku ji bo civandina wî mal û milkî hêz daye we. Wî li gorî wê peymanê kir ku ji bav û kalên we re sond xwaribû û îro jî girêdayî dimîne.

Tîmotʼêyo I 4:8

Çimkî îdmana bedenî bi kêrî hindik tiştî tê, lê jiyana xwedayî bi kêrî her tiştî tê; soza wê hem ji bo jiyana vê dinyayê û hem jî ji bo jiyana wê dinyayê heye.

Samûêl I, 2:7

Ew hem belengaz dike, hem jî dewlemend, Hinekan dadixe, hinekan radike.