Derketin 7:23 - Kurmanji Încîl

²³ Firewn ji xwe re nekir xem û berê xwe da qesra xwe.

Derketin 7:23 ပူးပေါင်းရင်းမြစ်များ

Eyûb 7:17

“Mirov çi ye ku tu wî mezin bikî, Çi ye ku dilê xwe pê mijûl bikî

Zebûr 62:10

Pişta xwe nedin zordariyê, pesnê xwe nedin bi talanê, Serwet zêde bibe jî, dilê xwe pê ve girê nedin.

Derketin 7:22

Sêrbazên Misrê jî bi sêra xwe heman tiştî kirin. Çawa ku Xudan gotibû, dilê Firewn hişk bû û guhdariya wan nekir.

Derketin 7:24

Misriyan li kêleka çêm dest bi kolanê kir. Çimkî nikaribûn ji ava çêm vexwin.

Derketin 9:20

Karmendên Firewn ji gotina Xudan ditirsiyan, yekser kole û keriyên xwe anîn malê.

Derketin 9:21

Kesên guhê xwe nedan gotina Xudan, kole û keriyên xwe li derve hiştin.

Methelokên 22:17

Guh bide, gotinên şehrezayan bibihîze! Meyla xwe bide ser hînkirina min.

Methelokên 24:32

Min dît û ez kûr fikirîm, Min nihêrî û min jê şîret girt.

Methelokên 28:14

Xwezî bi wî kesî ku herdem ji Xwedê ditirse, Lê kesê serhişk, dikeve belayê.

Methelokên 29:1

Mirovê gelek caran tê erzşikandin Û dîsa serhişkiyê dike, Wê jinişkave bişikê û şifayê nebîne.

Îşaya 26:11

Ya Xudan, destê te bilind bû, Lê ew nabînin. Bila ew xîreta te ya ji bo gel Bibînin û şerm bikin. Wê agir neyarên te daqurtîne.

Îşaya 47:7

Te got: ‘Ezê her û her şahbanû bim’ Û te ev nekir dilê xwe Dawiya vê yekê neanî bîra xwe.

Yêremya 36:24

Padîşah û xulamên wî bi bihîstina van gotinan netirsiyan, ne jî cilên xwe çirandin.

Yêremya 5:3

Ya Xudan, ma çavê te ne li ser rastiyê ye? Te li wan xist, lê ew li ber xwe neketin, Te ew qedandin, lê wan terbiye qebûl nekir. Wan rûyê xwe ji kevir hişktir kir û nexwest vegerin.

Habaqûq 1:5

“Li miletan binêrin! Şaş û metel bimînin! Çimkî ezê di rojên we de tiştekî wisa bikim, Gava bê gotin, hûnê bawer nekin.

Melaxî 2:2

Xudanê Karîndar dibêje: “Heke hûn guhdar nekin, heke dilê we tuneye ku hûn navê min birûmet bikin, ezê naletê bi ser we de bişînim. Ezê bereketên xwe bikim nalet. Va ye min êdî ew nalet kirin. Çimkî dilê we tuneye ku hûn navê min birûmet bikin.

Dubarekirina Şerîetê 32:46

ji wan re got: “Vê şerîeta ku ez îro pê we hişyar dikim bixin dilê xwe. Li zarokên xwe emir bikin ku ew hay ji hemû gotinên vê Şerîetê hebin û wan pêk bînin.

Samûêl I, 4:20

Gava li ber mirinê bû, jinên ku alîkariya wê dikirin, got: “Netirse, kurek ji te re bû” lê wê guh neda, bersiv jî neda.