Derketin 5:2 - Kurmanji Încîl

² Firewn got: “Ma Xudan kî ye ku ez guhdariya dengê wî bikim û gelê Îsraêl berdim? Ez Xudan nas nakim, gelê Îsraêl jî bernadim.”

Derketin 5:2 ပူးပေါင်းရင်းမြစ်များ

Padîşah II, 18:35

Di nava hemû îlahên welatan de, îlahên ku welatên xwe ji destê min rizgar kirine kî ne ku Xudan Orşelîmê ji destê min rizgar bike?’”

Nehemya 9:10

Te li dijî Firewn, tevahiya xulamên wî û tevahiya gelê welatê wî nîşan û keramet pêk anîn. Çimkî te dizanibû wan çiqas zilm û zorî li ser wan kir. Herwekî îro, te nav û dengê xwe belav kir.

Eyûb 15:25

Çimkî wî destê xwe li dijî Xwedê rakiribû, Li dijî Karîndar quretî kiribû,

Eyûb 15:26

Bi mertalê xwe yê stûr û gilover, Bi serhişkî bi ser wî de beziyabû.

Eyûb 21:15

Yê Karîndar kî ye ku em jê re xulamiyê bikin? Wê karê me çi be em jê re duayê bikin?’

Zebûr 10:4

Bi pozbilindiya xwe, yê xerab nagere li Xudan, Hergav dibê «Xwedê tune» ev e ya wî, hemû raman.

Zebûr 12:4

Ew ku «Em bi zimanê xwe serdest derdikevin, Lêvên me yên me ne, Kî efendiyên me ne?» dibêjin.

Zebûr 12:5

Ji ber bindestiya mexdûran, Ji nalîna feqîran, Xudan dibêje: «Niha ezê rabim, Aştiya ku wan bêrî kiriye ava kim.»

Zebûr 14:1

Yê bêaqil di dilê xwe de, «Xwedê tune» dibêje. Mirov xera bûn, karê xerab serî hildan û çûn. Nema kesî qencîker.

Derketin 3:19

Lê ez dizanim, heta ku ji aliyê destekî hêzdar ve neyê zorkirin, wê Padîşahê Misrê destûr nede we ku hûn herin.

Derketin 7:17

Xudan wiha dibêje: Tê bi vê yekê bizanibî ku ez Xudan im. Ezê gopalê destê xwe li ava Nîlê bixim û wê bibe xwîn.

Methelokên 30:9

Neke ku ez têr bim, te înkar bikim û bêjim: “Xudan kî ye?” Ne jî bike ku ez feqîr bim, bidizim Û navê Xwedayê xwe xerab bikim.

Yêremya 42:13

“Lê heke hûn guhdariya dengê Xwedayê xwe Xudan nekin û berdewamiya van gotinan bikin: ‘Emê li vî welatî nemînin,

Yêremya 48:26

“Ji ber ku li dijî Xudan xwe mezin kir, Moavê serxweş bikin. Bila di nav vereşîna xwe de Biperpite û ew jî bibe pêkenok!

Daniyêl 3:15

Gava hûn dengê boriyê, neyê, lîrê, qanûnê, çengê, defê û dengên her cure amûrên muzîkê bibihîzin, hûn deverû herin erdê û biperizin gelek baş e! Lê heke hûn neperizin, hûnê yekser bên avêtin nav tenûra sincirî! Wî çaxî emê bibînin, wê kîjan îlah we ji destê min rizgar bike?”

Yûhenna 16:3

Wê van bikin, çimkî wan ne Bav nas kir û ne jî ez.

Romayî 1:28

Ji ber ku wan naskirina Xwedê hêja nedît, Xwedê ew dan destê fikrên xerab, wisa ku ew tiştên ne li ser rê bikin.

Selanîkî II, 1:8

hingê ewê heyfê ji wan ên ku Xwedê nas nakin û ji wan ên ku bi ya Mizgîniya Xudanê me Îsa nakin, bistîne.

Dadger 2:10

Piştî ku tevahiya wî nifşî mir û gihîşt bav û kalên xwe, nifşekî din rabû ku Xudan û ya ku wî ji bo gelê Îsraêl kiriye nizanibû.

Samûêl I, 2:12

Kurên Elî gelek xerab bûn, wan Xudan nas nedikir.

Samûêl I, 25:10

Lê Naval bersiveke wiha da xulamên Dawid: “Dawid kî ye? Kî ye ev kurê Yêşa? Van rojan gelek xulam xweyên xwe dihêlin û direvin.