Derketin 36:1 - Kurmanji Încîl

¹ “Besalêl û Oholîav û hemû kesên jêhatî yên ku Xudan feraset û fêmdarî daye wan ku di avakirina pîrozgehê de kar bikin, wê li gorî her tiştê ku Xudan li wan emir kiriye bixebitin.”

Derketin 36:1 ပူးပေါင်းရင်းမြစ်များ

Padîşah I, 7:14

Hîram, ji eşîra Neftelî kurê jinebiyekî bû, bavê wî yekî Sûrî bû û hosteyekî tûncan bû. Ew di tevahiya karên çêkirina tûncê de, şehreza, fêmdar û bihuner bû. Ew hat ba Silêmanê Padîşah û hemû karên wî kirin.

Dîrok I, 2:20

Hûr bavê Ûrî bû. Ûrî bavê Besalêl bû.

Dîrok I, 28:21

Ji bo tevahiya xizmeta Mala Xwedê, beşên kahin û Lêwiyiyan, va ne li vir in. Her zilamê hoste û dilxwaz, wê di her cure karî de bi te re be. Tevahiya serek û gelê te, li benda fermanên te ne.”

Zebûr 119:6

Gava min bi cih anîn hemû emrên te, Hingê ez şermî nabim li ber te.

Derketin 12:28

Ew çûn û çawa ku Xudan li Mûsa û Harûn emir kiribû, wisa kirin.

Derketin 25:8

“Wê ji bo min pîrozgehek çêkin ku ez di nav wan de bi cih bim.

Derketin 28:3

Tê ji wan hemû kesên ku min jêhatîbûn daye wan re bêjî ku ji Harûn re kincan çêkin ku wî bi kahintiya min pîroz bikin.

Derketin 31:11

rûnê kifşkirinê û bixûra bêhnxweş a ji bo Cihê Pîroz, bi awayê ku min li te emir kiriye, çêkin.”

Derketin 36:2

Mûsa gazî Besalêl û Oholîav û her kesê jêhatî kir ku Xudan feraset dayê, her kesê ku dilê wî ji bo xebatê lê dixe.

Derketin 38:23

Oholîavê kurê Ahîsamakê ji eşîra Dan jî jê re bû alîkar. Ew necar, di rîsê tayên sor, binevşî û şînê tarî û kitanê tenik de nexişkarekî hoste bû.

Derketin 39:1

Ji bo xizmeta li Cihê Pîroz, bi tayên sor, binevşî û şînê tarî kincên tenik honandî çêkirin. Çawa ku Xudan li Mûsa emir kiriye, wan ji Harûn re kincên pîroz çêkirin.

Hejmartin 7:9

Lê wî tiştek neda Qohatiyan. Çimkî xizmeta wan, li ser milan hilgirtina taximên pîroz bû.

Metta 28:20

hemû tiştên ku min li we emir kirine, hînî wan bikin, da ku pêk bînin. Va ye, ez herdem heta dawiya dinyayê bi we re me.»

Lûqa 1:6

Û herdu jî li ba Xwedê rast bûn û li gor hemû emir û qanûnên Xudan bê kêmahî rêve diçûn.

Îbranî 8:2

Ew karbidestê pîrozgehê, yanî konê rastîn e, ku ne mirovan, lê Xudan daniye.