Derketin 32:27 - Kurmanji Încîl

²⁷ Wî ji wan re got: “Xwedayê Îsraêl Xudan wiha dibêje: ‘Bila herkes şûrê xwe li pişta xwe girê bide, li artêşgehê ji deriyekî here ber deriyê din, birayê xwe, hevalê xwe û cîranê xwe bikuje.’”

Derketin 32:27 ပူးပေါင်းရင်းမြစ်များ

Padîşah II, 10:25

Gava Yêhû qurbana şewitandinê qedand, ji leşkerên peya û şervanan re got: “Bikevin hundir û wan bikujin, bila tu kes ji wan nefilite.” Wan ew dan ber şûran. Leşkerên peya û şervanan ew avêtin derve. Paşê ketin beşê navê yê perestgeha Baal.

Derketin 32:26

Mûsa li dergehê artêşgehê sekinî û got: “Kesên li alî Xudan in bila werin ba min.” Li ser vê yekê tevahiya Lêwiyiyan li ba wî kom bûn.

Derketin 32:28

Lêwiyiyan bi awayê ku Mûsa ji wan re got kirin û wê rojê ji gel bi qasî sê hezar kes hatin kuştin.

Derketin 32:29

Mûsa got: “Îro, ji bo ku pîroziyê bide we, xwe ji Xudan re veqetînin. Çimkî herkes li dijî kurê xwe û birayê xwe rabû.”

Hejmartin 25:5

Li ser vê yekê Mûsa ji dadgerên gelê Îsraêl re got: “Her yekî ji we, mêrên ku xwe bi Baal-Peor ve girê dane bikujin.”

Lûqa 14:26

«Eger yek bê ba min û ji dê û bavê xwe, ji jin û zarok, xwişk û birayên xwe, erê, heta ji jiyana xwe bi xwe nefret neke, ew nikare bibe şagirtê min.

Korîntî II, 5:16

Êdî em ji niha û pê ve li gor fikra mirovan tu kesî nas nakin. Eger me Mesîh li gor fikra mirovan nas kiribe jî, êdî em niha wisa nas nakin.

Dubarekirina Şerîetê 13:10

Wî xwest we ji riya Xwedayê we Xudan derxe ku hûn ji welatê Misrê, ji warê koletiyê deranîn. Loma hûnê wî bidin ber keviran û bikujin.

Dubarekirina Şerîetê 13:6

“Heke kesek, birayê te, kurê diya te, kur an keça te, jina paşila te, hevalê te yê ku wekî canê te ye, ji rê derdixe û bi dizî dibêje: ‘Em herin biperizin îlahan’ ku hûn û bav û kalên we pê nizanin,