Derketin 32:15 - Kurmanji Încîl

¹⁵ Mûsa zivirî, di destan de du lewheyên peymanê ku emir li ser nivîsandî bûn, ji çiyê berjêr bû. Herdu aliyên lewheyan jî nivîsandî bûn.

Derketin 32:15 ပူးပေါင်းရင်းမြစ်များ

Zebûr 19:7

Tekûz e şerîeta Xudan, can dide can, Dilsoz e şehadeta Xwedê, Şehrezayî dide şaşan.

Derketin 16:34

Çawa ku Xudan li Mûsa emir kiriye, Harûn ji bo ku Manê veşêre danî ber Lewheyên Şahidiyê.

Derketin 24:12

Xudan ji Mûsa re got: “Tu hilkişe çiyê, were ba min û li vir bimîne. Ezê lewheyên kevirîn ên ku min ji bo hînkirinê emir û şerîet li ser nivîsandine, bidim te.”

Derketin 24:18

Mûsa ket nav ewr û hilkişiya çiyê. Ew çil şev û çil rojan li serê çiyê ma.

Derketin 31:18

Gava Xwedê li Çiyayê Sînayê gotinên xwe bi Mûsa re xilas kirin, wî du lewheyên kevirîn ên şahidiyê ku Xwedê bi tiliya xwe li ser wan nivîsîbûn dan wî.

Derketin 32:16

Lewhe karê Xwedê bûn, nivîsa qewirandî ya li ser lewheyan a Xwedê bû.

Derketin 34:29

Mûsa di destê wî de du lewheyên peymanê ji Çiyayê Sînayê hat xwarê. Ji ber ku bi Xudan re peyivîbû rûyê wî dibiriqî. Lê haya wî ji vê tunebû.

Derketin 40:20

Wî Lewheyên Şahidiyê hildan û xistin hundirê sindoqê. Destiyên sindoqê lê xistin, derxûn ji jor ve danî ser sindoqê.

Korîntî II, 3:3

Diyar e ku hûn nameyeke Mesîh in, ku bi xizmeta me hatiye amadekirin. Ew ne bi hibrê, lê bi Ruhê Xwedayê jîndar, ne li ser nivîsdekên kevirîn, lê li ser nivîsdekên dil ên ji goşt hatiye nivîsîn.

Korîntî II, 3:7

Û eger xizmeta ku mirin aniye, yanî Şerîeta ku bi herfan li ser ferşan hatiye kolan bi rûmet hatibe – wisa ku zaryên Îsraêl, ji ber biriqîna rûyê Mûsa ya ku dibihûrî, nikaribûn bi baldarî li rûyê wî binêrîna –

Dubarekirina Şerîetê 5:22

“Xudan ev gotin li çiyê, ji nav êgir, ji nav ewr û tariya kûr, ji tevahiya civaka we re bi dengekî bilind gotin. Wî tiştekî din lê zêde nekir. Wî ev gotin li ser du lewheyên kevirîn nivîsîn û dan min.

Dubarekirina Şerîetê 9:15

“Ez zivirîm, ji çiyê berjêr bûm. Çiya bi êgir dişewitî. Du lewheyên peymanê di herdu destên min de bûn.

Îbranî 9:4

Gorîgeha zêrîn ya şewitandina bixûrê û Sindoqa Peymanê ya ku ji her aliyî ve zêrkirî bû tê de bûn. Di hundirê sindoqê de şerbikê Manna yê zêrîn, şivdarê Harûn ê bişkivî û nivîsdekên Peymanê hebûn.

Peyxam 5:1

Hingê min di destê rastê yê wî yê ku li ser text rûdinişt de nivîsara lihevpêçayî dît. Ew ji herdu aliyan ve hatibû nivîsîn û bi heft moran hatibû morkirin.