Derketin 31:18 - Kurmanji Încîl

¹⁸ Gava Xwedê li Çiyayê Sînayê gotinên xwe bi Mûsa re xilas kirin, wî du lewheyên kevirîn ên şahidiyê ku Xwedê bi tiliya xwe li ser wan nivîsîbûn dan wî.

Derketin 31:18 ပူးပေါင်းရင်းမြစ်များ

Padîşah II, 11:12

Wî kurê padîşah derxist derve, tac danî serê wî û Şerîet spart wî. Wan ew kir padîşah. Yehoyada û kurên wî ew rûn kir, li çepikan xist û got: “Her bijî padîşah!”

Derketin 24:12

Xudan ji Mûsa re got: “Tu hilkişe çiyê, were ba min û li vir bimîne. Ezê lewheyên kevirîn ên ku min ji bo hînkirinê emir û şerîet li ser nivîsandine, bidim te.”

Derketin 24:18

Mûsa ket nav ewr û hilkişiya çiyê. Ew çil şev û çil rojan li serê çiyê ma.

Derketin 8:19

Sêrbazan ji Firewn re got: “Tiliya Xwedê di vî karî de heye!” Lê wekî Xudan gotibû, dilê Firewn hişk bû û guhdariya wan nekir.

Yêremya 31:33

Lê gotina Xudan ev e: “Peymana ku ezê piştî wan rojan bi Mala Îsraêl re çêkim, ev e: Ezê Şerîeta xwe bixim nav wan û li ser dilê wan binivîsim. Ezê bibim Xwedayê wan û wê bibin gelê min.

Metta 12:28

Îcar, eger ez bi Ruhê Xwedê cinan derdixim, hingê Padîşahiya Xwedê gihîştiye we.

Lûqa 11:20

Lê eger ez bi tiliya Xwedê cinan derdixim, nexwe hingê Padîşahiya Xwedê gihîştiye we.

Korîntî II, 3:3

Diyar e ku hûn nameyeke Mesîh in, ku bi xizmeta me hatiye amadekirin. Ew ne bi hibrê, lê bi Ruhê Xwedayê jîndar, ne li ser nivîsdekên kevirîn, lê li ser nivîsdekên dil ên ji goşt hatiye nivîsîn.

Dubarekirina Şerîetê 10:4

Xudan wekî berê careke din li ser van lewheyan heman gotin, Deh Emir nivîsandin ku wî di roja civînê de ji nav êgir ji we re gotibû û dan min.

Dubarekirina Şerîetê 4:13

Wî peymana xwe ragihand we. Erê wî emir li we kir ku hûn Deh Emran pêk bînin û ew li ser du lewheyên kevirîn nivîsandin.

Dubarekirina Şerîetê 5:22

“Xudan ev gotin li çiyê, ji nav êgir, ji nav ewr û tariya kûr, ji tevahiya civaka we re bi dengekî bilind gotin. Wî tiştekî din lê zêde nekir. Wî ev gotin li ser du lewheyên kevirîn nivîsîn û dan min.

Îbranî 9:4

Gorîgeha zêrîn ya şewitandina bixûrê û Sindoqa Peymanê ya ku ji her aliyî ve zêrkirî bû tê de bûn. Di hundirê sindoqê de şerbikê Manna yê zêrîn, şivdarê Harûn ê bişkivî û nivîsdekên Peymanê hebûn.