Derketin 28:3 - Kurmanji Încîl

³ Tê ji wan hemû kesên ku min jêhatîbûn daye wan re bêjî ku ji Harûn re kincan çêkin ku wî bi kahintiya min pîroz bikin.

Derketin 28:3 ပူးပေါင်းရင်းမြစ်များ

Padîşah I, 7:14

Hîram, ji eşîra Neftelî kurê jinebiyekî bû, bavê wî yekî Sûrî bû û hosteyekî tûncan bû. Ew di tevahiya karên çêkirina tûncê de, şehreza, fêmdar û bihuner bû. Ew hat ba Silêmanê Padîşah û hemû karên wî kirin.

Derketin 35:10

“Wê hemû kesên jêhatî yên nav we bên û her tiştên ku Xudan emir kiriye bikin;

Derketin 35:25

Hemû jinên jêhatî, rîsê tayên sor, binevşî û şînê tarî û kitanê tenikê ku bi destê xwe honandibûn anîn.

Derketin 35:30

Mûsa ji gelê Îsraêl re got: “Binêrin, Xudan bi navê wî gazî Besalêlê kurê Ûrîyê kurê Hûrê ku ji eşîra Cihûda ye kir.

Derketin 35:31

Wî ew bi Ruhê Xwedê, bi şehrezayî, fêmdarî, zanîn û bi her cure hostetiyê tije kir

Derketin 35:35

Wî dilê wan bi şehrezayî tije kir ku ew di her karê ku hosteyî jê re dixwaze de, di karê necarî, di karê çêkirina rîsê tayên sor, binevşî û şînê tarî û kitanê tenik de, di karê honandin û nexişandinê de, di her cure hostiyê de afirîner bin.

Derketin 36:1

“Besalêl û Oholîav û hemû kesên jêhatî yên ku Xudan feraset û fêmdarî daye wan ku di avakirina pîrozgehê de kar bikin, wê li gorî her tiştê ku Xudan li wan emir kiriye bixebitin.”

Derketin 36:2

Mûsa gazî Besalêl û Oholîav û her kesê jêhatî kir ku Xudan feraset dayê, her kesê ku dilê wî ji bo xebatê lê dixe.

Methelokên 2:6

Çimkî yê ku şehrezayiyê dide Xudan e, Ji devê wî zanabûn û fêmdarî dibare.

Îşaya 11:2

Wê Ruhê Xudan, Ruhê şehrezabûn û fêmdariyê, Ruhê şîret û hêzdariyê, Ruhê zanîn û tirsa Xudan li ser wî be.

Efesî 1:17

da ku Xwedayê Xudanê me Îsa Mesîh, Bavê rûmetê, ruhê peyxam û şehrezayiyê bide we, ku hûn wî hê çêtir nas bikin;

Dubarekirina Şerîetê 34:9

Yêşûyê kurê Nûn bi ruhê şehrezayî tije bû. Çimkî Mûsa destê xwe danîbû ser wî. Çawa ku Xudan li Mûsa emir kiribû, gelê Îsraêl guhdariya Yêşû dikir.

یعقوب 1:17

Her dayîna qenc û her diyariya bêkêmahî ji jor e, ji Bavê ronahiyan tê xwarê. Li ba wî guherîn û siya zivironekiyê tune.