Derketin 24:3 - Kurmanji Încîl

³ Mûsa hat û hemû gotin û rêbazên Xudan ji gel re gotin. Tevahiya gel bi dengekî bersiv da û got: “Hemû tiştên ku Xudan gotin, emê bikin.”

Derketin 24:3 ပူးပေါင်းရင်းမြစ်များ

Zebûr 50:5

«Li pêş min bicivînin evdên min ên dilsoz, Yên ku bi gorîdanê ji min re dane soz.»

Derketin 19:8

Tevahiya gel bi hev re bersiv da û got: “Her tiştê ku Xudan gotiye emê bikin.” Mûsa bersiva gel gihand Xudan.

Derketin 24:2

Divê Mûsa bi tenê nêzîkî min bibe, yên din nêzîk nebin. Gel pê re neyê.”

Derketin 24:7

Piştre nivîsa peymanê hilda û ji gel re xwend. Paşê gel got: “Emê bi her gotina Xudan bikin û guhê xwe bidinê.”

Yêremya 11:4

Roja min bav û kalên we ji welatê Misrê, ji êtûna helandina hesin deranî, min li wan emir kir û got: Guh bidin dengê min û her tiştê ku li we emir dikim pêk bînin ku hûn bibin gelê min û ez jî bibim Xwedayê we.

Yêremya 34:13

“Xwedayê Îsraêl Xudan wiha dibêje: ‘Roja ku min bav û kalên we ji welatê Misrê, ji mala koletiyê deranîn, min bi wan re peymanek çêkir û got:

Hagay 2:5

“‘Gava hûn ji Misrê derketin, min li ser vê yekê soz da we. Ruhê min di nav we de ye. Netirsin!’

Melaxî 2:10

Qey bavê me hemûyan ne yek e? Gelo Xwedayê ku em afirandine ne tekane ye? Madem wisa ye, çima em bêbextiya birayê xwe dikin û peymana bav û kalên xwe xera dikin?

Dubarekirina Şerîetê 11:1

“Hûnê ji Xwedayê xwe Xudan hez bikin û emir, peywir, qanûn û rêbazên wî herdem pêk bînin.

Dubarekirina Şerîetê 4:1

“Gelê Îsraêl! Niha qanûn û rêbazên ez hînî we dikim bibihîzin ku hûn bijîn, bikevin welêt û wî ji xwe re bikin milk ku Xwedayê bavkalên me Xudan dide we.

Dubarekirina Şerîetê 4:45

Şîret, qanûn û rêbazên ku Mûsa gava ew ji Misrê derketin ji gelê Îsraêl re got ev in.

Dubarekirina Şerîetê 4:5

“Va ye, çawa ku Xwedayê min Xudan li min emir kir, niha ez qanûn û rêbazan hînî we dikim ku li wî welatê hûn bikevinê û ji xwe re bikin milk, pêk bînin.

Dubarekirina Şerîetê 5:1

Mûsa gazî tevahiya gelê Îsraêl kir û ji wan re got: “Ya gelê Îsraêl! Guh bidin qanûn û rêbazên ku îro ji we re dibêjim. Hûnê hînê wan bikin. Hay ji van tiştan hebin û pêk bînin.

Dubarekirina Şerîetê 5:31

Lê tu li vir li ba min bisekine. Ezê hemû emir, qanûn û rêbazên ku tê hînî wan bikî, ji te re bibêjim ku li wî welatê ezê bi milkî bidim wan, pêk bînin.’

Dubarekirina Şerîetê 6:1

“Emir, qanûn û rêbazên ku Xwedayê we Xudan ji bo hînkirina we li min emir kir ku li welatê hûnê ji xwe re bikin milk pêk bînin, ev in.

Yêşû 24:21

Gel ji Yêşû re got: “Na! Emê tenê ji Xudan re xulamiyê bikin.”

Yêşû 24:22

Loma wî ji gel re got: “Hûn bi xwe şahid in. We ji bo xwe Xudan hilbijart ku hûn jê re xulamiyê bikin.” Wan got: “Erê, em şahid in.”

Yêşû 24:24

Gel ji Yêşû re got: “Emê xulamiya Xwedayê xwe Xudan bikin û guh bidin dengê wî.”