Derketin 23:31 - Kurmanji Încîl

³¹ “Ezê sînorên te ji Derya Sor heta Derya Filîstiyan, ji beriyê heta Feratê deynim. Ezê şêniyên welêt bidim destên we ku tê ji pêş xwe biqewitînî.

Derketin 23:31 ပူးပေါင်းရင်းမြစ်များ

Destpêk 15:18

Wê rojê Xudan bi Avram re peyman çêkir û got: “Ezê welatê ku ji Çemê Misrê heta Çemê Mezin –ku Ferat e– berfireh e, bidim ziriyeta te

Padîşah I, 11:2

Ew ji wan miletan bûn ku Xudan ji gelê Îsraêl re gotibû: “Hûnê nekevin nav wan û ewê jî nekevin nav we. Çimkî wê dilên we bizivirînin îlahên xwe.” Silêman bi hezkirin bi wan ve girêdayî bû.

Padîşah I, 20:13

Pêxemberek nêzîkî Ahavê Padîşahê Îsraêlê bû û got: “Xudan wiha dibêje: ‘Te ev artêşa mezin dît? Va ye, îro ezê wê bidim destê te û wî çaxî tê bizanibî ku ez Xudan im.’”

Padîşah I, 4:21

Silêman, ji Feratê heta welatê Filîstiyan, heta sînorê Misrê jî, li ser hemû padîşahiyan serwer bû. Wan bac anîn û di tevahiya jiyana xwe de xizmeta Silêman kirin.

Padîşah I, 4:24

Ji ber ku li tevahiya herêma ji aliyê rojava yê Feratê, ji Tîfsahê heta Xezayê li ser tevahiya padîşahên aliyê rojava yê Feratê serweriya xwe dajot. Li dorhêlê aştî hebû.

Padîşah I, 8:65

Silêman û tevahiya gelê Îsraêl heft rojan li hizûra Xwedayê me Xudan cejn kir. Civîneke pir mezin a mirovên ji Levo-Hamatê heta Geliyê Misrê bûn. Wan li pey hev du caran cejnên heft rojan kirin ku dikin cejna çardeh rojan.

Zebûr 72:8

Ji deryayê heta deryayê, Ji Firatê, heta kujê dinê yê din serwerî bajo!

Hejmartin 21:34

Xudan ji Mûsa re got: “Jê netirse, çimkî min ew, tevahiya artêşa wî û welatê wî da destê te. Tişta ku te anî serê Sîhonê Padîşahê Amoriyan ê li Heşbonê dima, tê bînî serê wî jî.”

Hejmartin 34:2

“Li gelê Îsraêl emir bike û ji wan re bêje: ‘Gava hûn ketin welatê Kenanê yê ku wê bi milkî para we bikeve, wê sînorên we wiha bin:

Dubarekirina Şerîetê 1:7

De rabin bi rê bikevin. Herin herêma çiyayî ya Amoriyan û gelên derdorê –Erava, herêma çiyayî, Şefêla, Negev û keviya Derya Spî– welatê Kenaniyan û Lubnanê û heta ber Çemê mezin ê Feratê.

Dubarekirina Şerîetê 1:8

Va ye min ev welat da ber we. Herin wî welatî ji xwe re bikin milk ku min ji bav û kalên we Îbrahîm, Îshaq û Aqûb re sond xwaribû ku ez bidim ziriyeta wan.’

Dubarekirina Şerîetê 11:24

Her cihê pehniya piyê we lê bikeve, wê bibe ya we. Wê sînorên we ji beriyê heta Lubnanê, ji Çemê Feratê heta Derya Spî dirêj bibin.

Dubarekirina Şerîetê 2:33

Xwedayê me Xudan ew danî ber me. Me ew, kurên wî û hemû gelê wî tune kirin.

Dubarekirina Şerîetê 2:36

Ji Eroêra li keviya Geliyê Arnonê heta bajarê Gîlada ku di gelî de bû, tu bajarekî zor û zehmet nema ku me nestand. Xwedayê me Xudan hemû danîn ber me.

Dubarekirina Şerîetê 20:16

“Lê hûnê li bajarên van gelên ku Xwedayê we Xudan bi milkî dide we, tiştekî hilmê dide û distîne sax nehêlin.

Dubarekirina Şerîetê 3:2

Xudan ji min re got: ‘Jê netirse, çimkî min ew, tevahiya artêşa wî û welatê wî da destê te. Tişta ku te anî serê Sîhonê Padîşahê Amoriyan ê li Heşbonê dima, tê bînî serê wî jî.’

Dubarekirina Şerîetê 6:19

û çawa ku Xudan gotibû, hemû dijminên we li ber we biqewitîne.

Dubarekirina Şerîetê 9:3

Îro bizanibin, yê ku li pêşiya we wekî agirekî ku dixwe û tune dike, Xwedayê we Xudan e. Wê wan tune bike û li ber we nizim bike. Çawa ku Xudan ji we re got, hûnê zû wan biqewitînin û tune bikin.

Yêşû 1:4

Wê ji beriyê heta herêma çiyayî ya Lubnanê, ji Çemê Mezin ê Feratê bigire –tevahiya welatê Hîtîtiyan jî di nav de– wê aliyê rojava heta Derya Spî bibe sînorên we.

Yêşû 10:19

Lê hûn li wir nemînin. Bidin pey dijminên xwe û ji paş ve êrîşî wan bikin. Nehêlin ku bikevin bajarên xwe, çimkî Xwedayê we Xudan ew dan destê we.”

Yêşû 10:8

Xudan ji Yêşû re got: “Ji wan netirse. Min ew dan destê te. Wê tu kes ji wan nikaribe li ber te bisekine.”

Yêşû 13:6

Ezê hemû şêniyên herêma çiyayî ya ji Lubnanê heta Mîsrefot-Mayîmê û hemû Saydayiyan, ji ber gelê Îsraêl biqewitînim. Tenê çawa ku min li te emir kiriye, tu van deran bi riya pişkê di nava gelê Îsraêl de parve bike.

Yêşû 2:24

Wan ji Yêşû re got: “Xudan bi rastî jî tevahiya welêt da destê me. Dilê hemû şêniyên welêt li ber me ji tirsa heliya.”

Yêşû 21:44

Çawa ku wî ji bav û kalên wan re sond xwaribû, Xudan ji her alî ve aramî da wan. Ji dijminên wan, tu kes li ber wan nesekinî. Xudan hemû dijminên wan dan destê wan.

Yêşû 23:14

“Niha ez diçim wê riya ku hemû dinya diçê. Hûn hemû jî bi hemû dilê xwe û bi hemû canê xwe dizanin ku ji hemû tiştên baş ên ku Xwedayê we Xudan li ser we got, tu tişt jî vala derneket. Hemû jî pêk hatin, tiştekî vala derneket.

Yêşû 24:11

Gava hûn ji Çemê Şerîayê derbas bûn û hatin Erîhayê, gelê Erîhayê li dijî we şer kir. Wisa jî Amorî, Perîzzî, Kenanî, Hîtîtî, Gîrgaşî, Hîwî û Yevûsiyan li dijî we şer kir. Min ew hemû dan destê we.

Yêşû 24:12

Min ji pêşiya we mozebeş şandin û wan herdu padîşahên Amoriyan ji ber we qewitandin. Ev yek bi şûr û kevanê we çênebû!

Yêşû 24:18

Xudan ji pêş me Amorî û hemû miletên ku li welêt rûdinin qewitandin. Emê ji Xudan re xulamiyê bikin. Ew Xwedayê me ye.”

Yêşû 24:8

min hûn anîn welatê Amoriyên ku li aliyê din ê Çemê Şerîayê diman. Wan li dijî we şer kir, min ew dan destê we û we welatê wan ji xwe re kir milk. Min ew ji pêş we tune kirin.

Yêşû 8:18

Xudan ji Yêşû re got: “Rima di destê xwe de ber bi aliyê Ayê ve bilind bike. Ez wê derê didim destê te.” Yêşû rima di destê xwe de ber bi aliyê bajêr ve bilind kir.

Yêşû 8:7

hûnê ji kozik û çeperên xwe derkevin û bajêr desteser bikin. Wê Xwedayê me Xudan bajêr bide destê we.

Yêşû 9:7

Lê Îsraêliyan ji Hîwiyan re got: “Dibe ku hûn li nêzîkî me rûdinin. Gelo emê çima bi we re peymanekê çêkin?”

Dadger 1:4

Cihûdayî çûn û Xudan Kenanî û Perîzzî dan destê wan. Li Bezeqê, wan deh hezar Kenanî têk birin.

Dadger 11:21

“‘Xwedayê Îsraêl Xudan, Sîhon û hemû gelê wî dan destê gelê Îsraêl û wan ew têk birin. Bi vî awayî gelê Îsraêl tevahiya welatê Amoriyan bi milkî stand.

Samûêl I, 23:4

Li ser vê yekê Dawid careke din bi Xudan şêwirî. Xudan jê re careke din got: “Rabe, here Qeîlayê! Çimkî ezê Filîstiyan bi destê xwe radestî te bikim.”