Derketin 23:23 - Kurmanji Încîl

²³ “Çimkî wê milyaketê min li pêşiya te here û te bibe nav Amorî, Hîtîtî, Perîzzî, Kenanî, Hîwî û Yevûsiyan. Ezê jî wan tune bikim.

Derketin 23:23 ပူးပေါင်းရင်းမြစ်များ

Destpêk 24:7

Xwedayê Ezmanan Xudanê ku ez ji mala bavê min, ji welatê ku ez lê çêbûbûm anîme, sond xwar û got: ‘Ezê vê herêmê bidim ziriyeta te.’ Wê milyaketê xwe bişîne pêşiya te ku tu karibî ji wê derê jinekê ji kurê min re bînî.

Destpêk 34:2

Çaxê Şexemê kurê Hamorê Hîwiyê mîrê herêmê ew dît, girt bi zorê pê re raza û nizim kir.

Derketin 18:8

Mûsa her tiştê ku Xudan ji bo xatirê Îsraêliyan bi Firewn û Misriyan kiriye, tengasiyên ku di rê de kişandibûn û Xudan ew çawa rizgar kirine, yek bi yek ji xezûrê xwe re gotin.

Derketin 23:20

“Va ye, ez li pêşiya te milyaketekî dişînim ku di rê de te biparêze û te bibe axa ku min amade kiriye.

Derketin 3:17

Min soz da, ezê we ji tengasiya Misrê rizgar bikim û we derînim welatê Kenanî, Hîtîtî, Amorî, Perîzzî, Hîwî û Yevûsiyan ê ku şîr û hingiv jê diherike.’

Derketin 32:2

Harûn ji wan re got: “Guharên zêrîn ên ku di guhê jinên we, lawên we û keçên we de ne derxin û wan ji min re bînin.”

Îşaya 5:13

Gelê min ji ber nezaniyê wê sirgûn bibe. Zilamên wan ên rûmetdar wê ji birçîbûnê bimirin, Gelê wan ji tîbûnê ziwa bibe.

Dubarekirina Şerîetê 9:3

Îro bizanibin, yê ku li pêşiya we wekî agirekî ku dixwe û tune dike, Xwedayê we Xudan e. Wê wan tune bike û li ber we nizim bike. Çawa ku Xudan ji we re got, hûnê zû wan biqewitînin û tune bikin.

Yêşû 23:9

Çimkî Xudan li ber we miletên mezin û hêzdar qewitandin û tu kes heta îro li pêşberî we nesekiniye.

Yêşû 5:13

Gava Yêşû nêzîkî Erîhayê bû, serê xwe rakir û dît, yekî ku şûrê xwe kişandiye li pêşiya wî disekine. Yêşû çû ba wî û jê re got: “Tu ji me yî yan ji dijmin î?”

Yêşû 9:1

Gava hemû padîşahên li rojavayê Çemê Şerîayê, li herêma çiyayî, li Şefêlayê û ji pêşberî Lubnanê heta keviyên Derya Spî diman –Hîtîtî, Amorî, Kenanî, Perîzzî, Hîwî û Yevûsî– ev yek bihîst,