Derketin 23:13 - Kurmanji Încîl

¹³ “Hay jê hebin, hûnê her gotina ez ji we re dibêjim pêk bînin. Hûnê navê îlahan bi bîr neyînin û navê wan ji devê xwe dernexin.

Derketin 23:13 ပူးပေါင်းရင်းမြစ်များ

Zebûr 16:4

Yên ku li pey îlahên din digerin, wê derdê wan zêde be. Ezê goriyên wan ên xwînê nerêjim. Navê wan bi devê xwe nebêjim.

Zebûr 39:1

Min got, «Ezê li riyên xwe miqate bim, Bi zimanê xwe guneh nekim; Heta li pêş min be zilamê xerab, Ezê devê xwe girêdim, nedim cewab.»

Derketin 23:24

Tê li pêş îlahên wan neçî ser çokan. Tê xulamiya wan nekî û karên wan nekî. Lê divê tu îlahên wan hilweşînî û kevirbelên wan perçe bikî.

Derketin 23:32

Tê bi wan û bi îlahên wan re tu peymanekê çênekî.

Yêremya 10:11

“Tê ji wan re wiha bêjî: ‘Îlahên ku erd û ezman neafirandine, Wê ji erdê û ji bin ezmanan tune bibin.’”

Hoşêya 2:17

Ezê ji devê wê navê Baalan bavêjim, Wê careke din navê wan neyê ser ziman.

Zekeriya 13:2

Gotina Xudanê Karîndar ev e: “Wê rojê ezê ji welêt navê pûtan rakim. Wê careke din navê wan neyê bibîranîn. Ezê pêxemberên derewîn û ruhê qirêjî ji welêt dûr bixim.

Hejmartin 32:38

Nebo, Baal-Meon –hinek nav hatin guhertin– û Sîvma. Wan navên nû li bajarên ku çêkirin danîn.

Efesî 5:12

Çimkî tiştên ku ew bi dizî dikin, eyb e ku bên gotin jî.

Efesî 5:15

Loma bala xwe bidinê ka hûn çawa rêve diçin, ne wek ên neşehreza, lê belê wek ên şehreza herin.

Dubarekirina Şerîetê 12:3

Hûnê gorîgehên wan hilweşînin, kevirbelan perçe bikin, pûtên wan ên Aşêrayê bişewitînin, pûtên îlahên wan bidin ber biviran û li wan deran navê wan ji holê rakin.

Dubarekirina Şerîetê 4:15

“Ji ber ku gava Xudan li Horêvê ji nav êgir bi we re peyivî, we sûretek nedît, baş hay ji canê xwe man

Dubarekirina Şerîetê 4:23

Hay ji xwe hebin ku hûn peymana ku Xwedayê we Xudan bi we re çêkir ji bîr nekin û wekî ku Xwedayê we Xudan qedexe kiriye, pûtekî di sûretê tiştekî de ji xwe re çênekin.

Dubarekirina Şerîetê 4:9

“Lê hay ji xwe, hay ji canê xwe baş hebin ku tiştên we bi çavê xwe dîtin ji bîr nekin û di hemû rojên jiyana xwe de ji dilê xwe dernexin. Van bi zarok û neviyên xwe bidin zanîn.

Dubarekirina Şerîetê 6:1

“Emir, qanûn û rêbazên ku Xwedayê we Xudan ji bo hînkirina we li min emir kir ku li welatê hûnê ji xwe re bikin milk pêk bînin, ev in.

Tîmotʼêyo I 4:16

Hay ji xwe û ji hînkirina xwe hebe. Di nav wan de berdewam bike, çimkî eger tu wisa bikî, tê hem xwe û hem jî guhdarên xwe xilas bikî.

Îbranî 12:15

Hay ji xwe hebin, bila tu kes ji kerema Xwedê nemîne. Bila di nav we de tu rayê tehl ê ku we aciz bike û gelek pê murdar bibin, dernekeve.

Yêşû 22:5

Hay jê hebin ku hûn emir û Şerîeta Mûsayê xulamê Xudan li we kiriye baş pêk bînin. Ji Xwedayê xwe Xudan hez bikin, di riya wî de bimeşin, emrên wî pêk bînin, pê re dilsoz bin û bi hemû dilê xwe û bi hemû canê xwe xulamiya wî bikin.”

Yêşû 23:11

Baş hay ji xwe hebin ku hûn ji Xwedayê xwe Xudan hez bikin.

Yêşû 23:7

Bi miletên di nav we de dimînin re tevlihev nebin. Navên îlahên wan hilnedin û bi wan sond nexwin. Xulamiya wan nekin û li ber wan neçin ser çokan.