Derketin 22:25 - Kurmanji Încîl

²⁵ Heke tu pere bi deyn bidî bindestên nav xwe –gelê min– tê wekî selefxuran bi wan re nedî û nestînî. Tê faîzê nedî ser ya ku we daye wan.

Derketin 22:25 ပူးပေါင်းရင်းမြစ်များ

Padîşah II, 4:1

Jina yekî ji koma pêxemberan, ji Êlîşa lava kir û got: “Xulamê te, mêrê min mir. Tu dizanî ku ew xulamê te ji Xudan ditirsiya. Kesê ku em deyndarê wî ne, hat ku herdu kurên min wek kole ji xwe re hilde û bibe.”

Padîşah II, 4:7

Jinik hat, ji Êlîşayê zilamê Xwedê re hal û mesele got. Êlîşa lê vegerand: “Here, zeytê bifiroşe, deynê xwe bide, bi pereyê mayî tu û kurên xwe bijîn.”

Nehemya 5:7

Bi dilê xwe şêwirîm, min pêşeng û peywirdar sûcdar kirin û got: “Tevahiya we ji birayên xwe faîzê distînin.” Min li dijî wan komeke mezin ava kir

Zebûr 15:5

Perê xwe nade faîzê, Li hember bêsûc bertîlê nastîne. Yê ku vana dike wê tu car veneleqe.

Methelokên 28:8

Kesê bi faîz û selefxwariyê hebûna xwe zêde dike, Wî ji bo kesê li ber belengazan dikeve, kom dike.

Yêremya 15:10

Ax dayika min! Wey li min ku te ez anîm dinyayê! Ez bi tevahiya welêt re pevçûn û berberiyê dikim! Ne min bi deyn stand, ne jî min bi deyn da, Lê herkes nifir li min dike.

Amos 2:8

Ew li ba her gorîgehê, Li ser cilê ku gerew hatiye standin radizin. Li mala îlahên xwe, Şeraba ku hatiye bexişandin vedixwin.

Metta 25:27

Nexwe diviya te perên min danîna banqê, gava ku ez vegeriyam minê bi fayiza wan ve bistanda.

Lûqa 19:23

nexwe çima te perê min neda pereguhêran? Çaxê ez vegeriyam, minê ew bi fayiza wî ve bistanda.›

Dubarekirina Şerîetê 15:7

“Heke birayekî ku di nav we de li bajarên welatê ku Xwedayê we Xudan dide we hejar hebe, hûnê dilê xwe hişk nekin. Destê xwe ji birayê xwe yê hejar re negirin,

Dubarekirina Şerîetê 24:13

Gava roj diçe ava, tê esse gerewa te jê standiye lê vegerînî. Wê bi ebayê xwe razê û ji bo te dua bike. Wî çaxî wê ev yek, li pêş Xwedayê te Xudan ji te re wekî rastiyê bê hesibandin.