Derketin 20:24 - Kurmanji Încîl

²⁴ “‘Tê ji bo min ji axê gorîgehê çêkî. Tê qurbanên xwe yên aştiyê û şewitandinê, pez û dewarên xwe li wê derê serjê bikî. Li her dera ku ez navê xwe bi bîr tînim, ezê bêm ba te û te pîroz bikim.

Derketin 20:24 ပူးပေါင်းရင်းမြစ်များ

Destpêk 12:2

“Ezê te bikim miletekî mezin û te pîroz û bereket bikim. Ezê nav û dengê te derxim û tê bibî kaniya bereketê.

Samûêl II, 6:12

Ji Dawidê Padîşah re hat gotin: “Xudan ji ber Sindoqa Xwedê Ovêd-Edom, hemû malbata wî û her tiştê wî pîroz kir.” Bi vî awayî Dawid çû û Sindoqa Xwedê ji mala Ovêd-Edom bi kêfxweşî anî Bajarê Dawid.

Padîşah I, 8:29

Bila çavê te bi şev û roj li ser vê Malê be. Dera ku te got: ‘Bila navê min tê de be,’ ev e. Loma duaya ku xulamê te ber bi vî cihî ve dike, bibihîze.

Padîşah I, 8:43

li ezmanan, li warê xwe bibihîze. Li gorî hemû tiştên ku xerîb ji te lava dikin bike ku hemû gelên dinyayê navê te nas bikin, çawa ku gelê te Îsraêl ji te ditirse, ew jî, ji te bitirsin û bizanibin di vê Mala ku min ava kir de, bi navê te hat gazîkirin.

Padîşah I, 9:3

Xudan jê re got: “Min dua û lavakirina te bihîst ku te li ber min kir. Min ev Mala ku te ji bo navê min heta hetayê tê de bimîne ava kiriye, pîroz kir. Çav û dilê min wê herdem li wir bin.

Padîşah II, 5:17

Naeman got: “Lava dikim, qet nebe bila barê du hêstiran ax ji bo min bê dayîn. Çimkî êdî wê ev xulamê te, ji bilî Xudan, wê ji tu îlahekî re, ne qurbana şewitandinê ne jî qurbaneke din pêşkêş bike.

Ezra 6:12

Bila Xwedayê ku ev der hilbijart ku navê wî tê de be, her gel û padîşahê ku dixwaze vê fermanê biguhere û vê Mala Xwedê ya li Orşelîmê xera bike, tune bike. Ez Daryûs im, ez vê fermanê didim. Bila ev fermana min bêqisûr pêk were!”

Nehemya 1:9

Lê heke hûn li min vegerin, emrên min bikin û pêk bînin, ezê kesên we yên hatine sirgûnkirin, li binê ezmanan jî bin, ji wir berhev bikim û bînim cihê ku ji bo navê min bi cih bibe, min hilbijartiye.’

Zebûr 101:2

Ezê bi şehrezayî di riya tekûziyê de herim, Tê kîngê werî ba min? Di hundirê mala xwe de bi tekûziya dil bigerim.

Zebûr 122:2

Lingên me li ber derên te disekinin, Ey Orşelîm!

Zebûr 128:5

Xudan te li Sîyonê pîroz bike! Di hemû rojên jiyana xwe de, Tu firehiya Orşelîmê bibînî.

Zebûr 134:3

Xudanê ku erd û ezman afirand, Bila ji Sîyonê, te pîroz ke.

Zebûr 74:7

Agir berdan perestgeha te, Warê navê te, Kirin erdê û murdar kirin.

Zebûr 76:2

Holika wî li Salemê ye, Dera lê rûdinê li Sîyonê,

Zebûr 78:68

Tenê Cihûda eşîra xwe, Çiyayê Sîyonê yê ku jê hez dike bijart.

Derketin 10:25

Lê Mûsa got: “Wî çaxî tê qurbanên şewitandinê û qurbanên din bidî me ku em wan ji Xwedayê xwe Xudan re serjê bikin.

Derketin 18:12

Piştre Yîtroyê xezûrê Mûsa qurbanên şewitandinê û qurbanên din ji Xwedê re anîn. Harûn û hemû rîspiyên gelê Îsraêl, ji bo ku bi xezûrê Mûsa re li hizûra Xudan xwarinê bixwin hatin.

Derketin 20:25

Lê heke tu ji bo min gorîgeheke kevirîn çêkî, wê ne ji kevirên necirandî be. Çimkî amûrê tê bixebitînî, wê gorîgehê mirdar bike.

Derketin 24:4

Mûsa hemû gotinên Xudan nivîsî. Ew serê sibê zû rabû û wî li qûntara çiyê gorîgehek çêkir. Wî li gorî duwanzdeh eşîrên Îsraêl, duwanzdeh kevirbel çikandin.

Derketin 24:5

Piştre wî xortên gelê Îsraêl şandin ku qurbanên şewitandinê pêşkêşî Xudan bikin û wekî qurbanên aştiyê conegayan serjê bikin.

Derketin 27:1

“Tê gorîgehê ji dara aqasyayê çargoşe çêkî. Wê dirêjî û berfirehiya wê pênc gaz, bilindahiya wê sê gaz be.

Îşaya 64:5

Tu têyî ba kesên bi şahî rastiyê dikin, Kesên di riyên te de te bi bîr tînin. Lê gava me demeke dirêj Li dijî wan riyan guneh kir, tu hêrs bûyî. Ma emê çawa rizgar bin?

Lêwiyî 17:9

û ji bo ku wê pêşkêşî Xudan bike, neyîne ber deriyê Konê Hevdîtinê, wê ji nav gelê xwe bê avêtin.

Melaxî 1:11

Ji rojhilat heta rojava wê navê min li nav miletan mezin be! Wê li her derî li ser navê min bixûr were pêxistin û diyariyên paqij werin pêşkêşkirin. Çimkî wê navê min li nav miletan mezin be!” Xudanê Karîndar dibêje.

Metta 18:20

Çimkî li ku derê dido an sisê bi navê min bên ba hev, li wir ez jî di nav wan de me.»

Metta 28:20

hemû tiştên ku min li we emir kirine, hînî wan bikin, da ku pêk bînin. Va ye, ez herdem heta dawiya dinyayê bi we re me.»

Dubarekirina Şerîetê 12:11

wê gavê hûnê her tiştên ez li we emir dikim bînin dera wê Xwedayê we Xudan ji bo navê wî tê de be hilbijêre. Hûnê qurbanên şewitandinê, qurbanên xwe yên din, dehyekên xwe, bexişandinên xwe û hemû nedrên xwe yên bijare yên sozdanê bînin wê derê.

Dubarekirina Şerîetê 12:21

Heke dera ku wê Xwedayê we Xudan ji bo navê wî tê de be hilbijêre ji we pir dûr be, bi awayê ku min li we emir kiriye, hûnê ji pez û dewarên ku Xudan daye we, li bajarên xwe serjê bikin û têra xwe jê bixwin.

Dubarekirina Şerîetê 12:5

Lê divê hûn herin wê derê ku wê Xwedayê we Xudan ji bo navê wî tê de be, ji nav hemû eşîrên we hilbijêre.

Dubarekirina Şerîetê 14:23

Hûnê dehyeka dexlê xwe, şeraba xwe û rûnê zeyta xwe, pez û dewarên xwe yên pêşî, li hizûra Xwedayê xwe Xudan, li dera ku ji bo navê wî tê de be hilbijêre, bixwin û bi vî awayî hîn bibin ku herdem divê hûn ji Xwedayê xwe Xudan bitirsin.

Dubarekirina Şerîetê 16:11

Hûnê li hizûra Xwedayê xwe Xudan, bi kur û keçên xwe, xulam û xadimên xwe, Lêwiyiyên li bajarên xwe, xerîbên nav xwe û bi sêwî û jinebiyên xwe re li dera ku wê Xudan ji bo navê wî tê de be hilbijêre, şa bibin.

Dubarekirina Şerîetê 26:2

hûnê ji hemû berê pêşî yê axa Xwedayê te Xudan dide we bicivînin û bixin selikekê. Piştre hûnê herin dera ku wê Xwedayê we Xudan ji bo navê wî tê de be hilbijêre.

Dubarekirina Şerîetê 7:13

Wê ji we hez bike, we pîroz û bereket bike û we zêde bike. Wê li welatê ku ji bo dayîna we ji bav û kalên we re sond xwaribû, berê zikê we û berê axa we; dexil, şeraba nû, zeyt, golikên dewaran û karik û berxikên pezê we pîroz û bereket bike.

Tîmotʼêyo I 2:8

Loma ez dixwazim ku zilam li her derê destên xwe yên ji guneh bêrî hildin, bê hêrs û bê gotûbêj dua bikin.