Derketin 20:20 - Kurmanji Încîl

²⁰ Mûsa ji wan re got: “Netirsin, çimkî Xwedê ji bo we biceribîne hat ku tirsa wî di dilê we de hebe û hûn gunehan nekin.”

Derketin 20:20 ပူးပေါင်းရင်းမြစ်များ

Destpêk 20:11

Îbrahîm got: “Min ji xwe re got ku bi rastî li vir tirsa Xwedê tuneye û wê ji ber jina min, min bikujin.

Destpêk 22:1

Piştî van tiştan Xwedê Îbrahîm ceriband. Xwedê got: “Îbrahîm!” Wî got: “Keremke!”

Destpêk 22:12

Milyaket got: “Dest nede kurik! Tiştekî pê neke. Niha ez dizanim tu ji Xwedê ditirsî. Te kurê xwe yê yekta jî, ji min texsîr nekir.”

Nehemya 5:15

Waliyên beriya min li ser gel bûn bar û ji wan, ji bilî nan û şerabê, 40 şekel zîv jî distandin. Xulamên wan jî bûbûn bela serê gel. Lê ji tirsa Xwedê, min wisa nekir.

Eyûb 28:28

Wî ji mirov re got: “Va ye, tirsa Reb! Ev e şehrezayî! Fêmdarî jî, xwedûrxistina ji xerabiyê ye.”

Derketin 14:13

Mûsa ji wan re got: “Netirsin, li cihê xwe bisekinin û rizgarkirina ku wê Xudan îro ji we re bîne bibînin. Çimkî Misriyên hûn îro dibînin, hûnê tu caran nebînin.

Methelokên 1:7

Tirsa Xudan destpêka zanînê ye, Lê kesên ehmeq, şîret û şehrezayiyê kêm dibînin.

Methelokên 16:6

Bi dilsozî û dilovanî xerabî tê nixamtin Û bi tirsa Xudan, mirov ji xerabiyê dûr dibin.

Methelokên 3:7

Xwe di çavê xwe de şehreza nebîne. Ji Xudan bitirse, ji xerabiyê xwe bide alî.

Îşaya 41:10

Tu netirse, çimkî ez bi te re me. Tu nebizde, çimkî Xwedayê te ez im. Ezê te bişidînim, alîkariya te bikim. Ezê bi destê rastê yê edaleta xwe Ji te re bibim destek.

Îşaya 41:13

Çimkî ez, Xwedayê te Xudan, Bi destê te yê rastê digirim. Yê ku ji te re dibêje: ‘Netirse, ezê ji te re bibim alîkar’ ez im.

Îşaya 8:13

“Tenê Xudanê Karîndar pîroz bikin. Ji wî bitirsin, bila xofa we ew be.

Dubarekirina Şerîetê 10:12

“Ya gelê Îsraêl! Xwedayê we Xudan niha ji we çi dixwaze? Tenê vê dixwaze: Hûn ji Xwedayê xwe Xudan bitirsin, di riyên wî de bimeşin, jê hez bikin, bi hemû dilê xwe û bi hemû canê xwe xulamiya wî bikin

Dubarekirina Şerîetê 13:3

wê gavê hûnê guh nedin wî pêxemberî yan wî kesê xewnan dibîne. Çimkî Xwedayê we Xudan we diceribîne ku bizanibe ka hûn bi hemû dilê xwe û bi hemû canê jê hez dikin an na.

Dubarekirina Şerîetê 4:10

Wê roja ku hûn li Horêvê li pêş Xwedayê xwe Xudan sekinîn, bi bîr bînin. Wî çaxî Xudan ji min re got: ‘Ji bo ku peyvên min guhdarî bikin gel bicivîne û bila di tevahiya jiyana xwe de ji min bitirsin û vê hînî zarokên xwe jî bikin.’

Dubarekirina Şerîetê 6:2

Di tevahiya rojên xwe de hûn, zarok û neviyên we, wê ji Xwedayê xwe Xudan bitirsin û hemû emir û qanûnên wî yên ku min ji we re got pêk bînin ku emrê we dirêj be.

Dubarekirina Şerîetê 6:24

Wî ev qanûn li me emir kirin û xwest ku em ji Xwedayê xwe Xudan bitirsin ku qencî her û her bi me bê kirin û wekî îro em sax bimînin.

Dubarekirina Şerîetê 8:16

Xwedayê xwe Xudan ji bîr nekin ku li beriyê Mana bav û kalên we nizanibûn bi we da xwarin. Wî hûn xistin tengasiyê û hûn ceribandin ku di dawiyê de ji bo we qenc bibe.

Dubarekirina Şerîetê 8:2

Wê rêwîtiya dirêj a ku Xwedayê we Xudan çil salan hûn li beriyê gerandî bînin bîra xwe. Wî hûn xistin tengasiyê û ceribandin ku ya di dilê we de heye û ka hûn emrên wî pêk tînin an na, xuya bibe.

Yêşû 24:14

“Loma niha ji Xudan bitirsin. Bi kamilî û dilsozî jê re xulamiyê bikin. Îlahên ku bav û kalên we li aliyê din ê Çemê Feratê û li Misrê xulamiya wan dikirin bavêjin û xulamiya Xudan bikin.

Samûêl I, 12:20

Samûêl ji gel re got: “Netirsin, rast e we ev hemû xerabî kir. Lê dîsa jî dev ji riya Xudan bernedin. Bi hemû dilê xwe xulamiyê ji Xudan re bikin.