Derketin 19:11 - Kurmanji Încîl

¹¹ Bila ew ji bo roja sisêyan amade bin. Çimkî ezê wê rojê li ber çavê hemûyan dakevim Çiyayê Sînayê.

Derketin 19:11 ပူးပေါင်းရင်းမြစ်များ

Destpêk 11:5

Xudan daket jêr, ji bo ku bajêr û birca mirovan çêdikirin bibîne.

Nehemya 9:13

“Tu daketî ser Çiyayê Sînayê û bi wan re ji ezmanan peyivî. Te rê û rêbazên dirust û Şerîeta rast, qanûn û emrên qenc dane wan.

Zebûr 144:5

Ya Xudan, ezmanan biqelêşe û dakeve, Xwe bi çiyayan bike, da ku pêkevin.

Zebûr 18:9

Ezman qelaşt û daket, Tariya reş di bin lingê wî de bû.

Derketin 19:16

Roja sisêyan serê sibê brûsk lê xist û ewrekî giran ser çiyê girt. Dengê boriyeke hêzdar hat bihîstin. Hemû kesên li artêşgehê lerizîn.

Derketin 19:18

Ji her dera Çiyayê Sînayê dû bilind dibû, çimkî Xudan di nav êgir de daketibû serê çiyê. Wekî dûyê ji êtûnekê rabe, ji serê çiyê dû bilind dibû û hemû çiya dilerizî.

Derketin 19:20

Xudan daket ser serê Çiyayê Sînayê, gazî Mûsa kir ku were serê çiyê. Mûsa rabû hat serê çiyê.

Derketin 24:16

Rûmeta Xudan li ser Çiyayê Sînayê bi cih bû. Ewr şeş rojan çiya nixamt. Roja heftan, Xudan ji nav ewr gazî Mûsa kir.

Derketin 24:17

Rewnaqiya rûmeta Xudan li serê çiyê di çavê gelê Îsraêl de wekî agirekî xuya dikir ku dixwe û tune dike.

Derketin 3:8

Loma ez hatim ku wan ji destê Misriyan rizgar bikim. Ez hatim ku wan ji wî welatî derînim û bişînim welatê Kenanî, Hîtîtî, Amorî, Perîzzî, Hîwî û Yevûsiyan, wî welatê xweş û fireh ê ku şîr û hingiv jê diherike.

Derketin 34:2

Şeveqê amade be û serê sibê hilkişe Çiyayê Sînayê û li ser serê çiyê, li ber min bisekine.

Derketin 34:5

Xudan bi ewr re daket, li wir pê re ma û navê xwe, navê Xudan eşkere kir.

Hejmartin 11:17

Ezê werim xwarê û li wir bi te re bipeyivim. Ezê ji ruhanîtiya li ser te hilînim û bidim wan. Ji bo ku tu tenê hilnegirî, wê gel vî barî bi te re hilgire.

Yûhenna 3:13

Ji bilî Kurê Mirov ê ku ji ezmên hatiye, tu kes derneketiye ezmên.

Yûhenna 6:38

Çimkî ez ji ezmên hatim xwarê, ne ji bo ku ez daxwaza xwe bikim, lê ji bo ku ez daxwaza yê ku ez şandime bikim.

Dubarekirina Şerîetê 33:2

û got: “Xudan ji Çiyayê Sînayê hat, Ji Çiyayê Seîrê li ser gelê xwe hilat. Ew li Çiyayê Paranê biriqî, Ew bi deh hezar pîrozan re hat, Di destê wî yê rastê de pêtên êgir hebûn.

Dubarekirina Şerîetê 4:10

Wê roja ku hûn li Horêvê li pêş Xwedayê xwe Xudan sekinîn, bi bîr bînin. Wî çaxî Xudan ji min re got: ‘Ji bo ku peyvên min guhdarî bikin gel bicivîne û bila di tevahiya jiyana xwe de ji min bitirsin û vê hînî zarokên xwe jî bikin.’

Yêşû 3:5

Yêşû ji gel re got: “Xwe pîroz bikin, çimkî wê sibê di nav we de Xudan kerametan bike.”