Derketin 17:7 - Kurmanji Încîl

⁷ Wî navê vê derê Massa û Merîva danî. Çimkî gelê Îsraêl li vir bi Mûsa re devjenî kir: “Gelo Xudan bi me re ye yan na?” Bi vî awayî wan Xudan ceribandin.

Derketin 17:7 ပူးပေါင်းရင်းမြစ်များ

Zebûr 106:32

Li keviyên ava Merîva, wan cardin hêrs kir Xudan, Bela hat serê Mûsa, ji rûyê wan;

Zebûr 78:18

Xwarina ku dilê wan diçûyê xwestin, Di dilê xwe de Xwedê ceribandin.

Zebûr 81:7

Te di tengahîyê de bang kir, min te azad kir, Piştî avêtina birûskê min tu bersîvand, Di ava Merîvayê de min tu ceriband.

Zebûr 81:8

Gohdar be ey gelê min, ez te hişyar dikim; Ey Îsraêl, te ez gohdarî bikirama!

Zebûr 95:8

Wek li Merîbayê û wek roja Massayê li çolê, Dilê xwe hişk nekin.

Derketin 17:2

Gel bi Mûsa re devjenî kir û got: “Avê bide me em vexwin.” Mûsa got: “Hûn çima bi min re devjeniyê dikin? Hûn çima Xudan diceribînin?”

Derketin 34:9

Wî got: “Ya Reb, heke dilê te bi min xweş be, ez hêvî dikim, kerem bike bi me re were. Çimkî ev miletekî serhişk e. Neheqî û gunehên me bibexişîne û me bike mîrasa xwe.”

Îşaya 12:6

Ya xelkê Siyonê biqîre û şa be! Çimkî Pîrozê Îsraêl ê nav we mezin e.”

Mîxa 3:11

Serekên bajêr bi bertîlan serweriyê dikin, Kahinên wî bi pere hîn dikin, Pêxemberên wî jî bi pere falbazî dikin. Lê wekî ku xwe spartibûn Xudan, Dibêjin: “Ma qey Xudan ne bi me re ye? Wê tiştek neyê serê me!”

Hejmartin 14:22

Ev kesên ku rûmeta min û nîşanên min li Misrê û li beriyê min raber kirin dîtin û dîsa jî deh caran ez ceribandim û guhdariya dengê min nekir,

Hejmartin 20:13

Ev ava Merîvayê bû. Çimkî gelê Îsraêl li wê derê bi Xudan re devjenî kir û Xudan pîroziya xwe nîşan da.

Hejmartin 20:24

“Wê Harûn bimire û bigihîje pêşiyên xwe. Wê nekeve welatê ku min da gelê Îsraêl. Çimkî hûn li ser ava Merîvayê li dijî fermana devê min derketin.

Hejmartin 27:14

Çimkî li Beriya Zînê, gava civakê di nav avê de serî li dijî min rakir, hûn li Beriya Zînê li dijî fermana devê min rabûn. We li ber avê, rûmeta pîroziya min negirt.” –Ev li Beriya Zînê, li Qadêşê ava Merîvayê ye.–

Yûhenna 1:14

Û Peyv bû xwîn û goşt, bi kerem û rastiyê tije di nav me de konê xwe danî. Me rûmeta wî, yanî rûmeta Kurê yekta yê ku ji Bav tê dît.

Dubarekirina Şerîetê 31:17

Wê rojê wê hêrsa min li dijî wan rabe. Ezê wan berdim û rûyê xwe ji wan veşêrim. Wê bên daqurtandin. Wê gelek xerabî û tengasî bên serê wan û wê rojê wê bêjin: ‘Ji ber ku Xwedayê me ne bi me re ye, ev xerabî têne serê me.’

Dubarekirina Şerîetê 33:8

Wî ji bo Lêwî wiha got: “Ya Xudan, bila Tûmmîm û Ûrîma te, Ji dilsozê te re be Ku te li Massayê ew ceriband Û li ava Merîvayê pê re devjenî kir.

Dubarekirina Şerîetê 6:16

Çawa ku we li Massayê kir, hûnê Xwedayê xwe Xudan neceribînin.

Dubarekirina Şerîetê 9:22

“We li Tavêrayê, li Massayê û li Qîvrot-Hattaawayê Xudan hêrs kir.

Yêşû 22:31

Li ser vê yekê Pînehasê kurê Êlezarê Kahin ji eşîrên Gad, Rûbên û nîveşîra Minaşşe re got: “Îro em dizanin ku Xudan di nav me de ye, çimkî we pê re nedilsozî nekir. Bi vî awayî we gelê Îsraêl ji destê Xudan rizgar kir.”