Derketin 17:14 - Kurmanji Încîl

¹⁴ Xudan ji Mûsa re got: “Tu vê wekî bîranînekê di nivîseke de binivîse û di guhê Yêşû de jî bibêje ku ezê navê Emalêqiyan bi tevahî ji ser rûyê erdê rakim.”

Derketin 17:14 ပူးပေါင်းရင်းမြစ်များ

Samûêl II, 1:1

Piştî mirina Şawûl, Dawid li Emalêqiyan xist, bi ser ket û vegeriya Zîqlagê. Du rojan li wir ma.

Samûêl II, 8:12

Çimkî wî Aramî, Moavî, Emmonî, Filîstî û Emalêqî û Hadadezerê kurê Rehovê Padîşahê Sovayê talan kirin.

Dîrok I, 4:42

Ji wan, ji eşîra Şimûn pênc sed kes çûn Çiyayê Seîrê. Pelatya, Naerya, Refaya û Ûzziyêlê kurên Yîşî serekên wan bûn.

Dîrok I, 4:43

Wan kesên ji Emalêqiyan sax filitîne û reviyane, girtin kuştin. Heta niha jî ew li wir dimînin.

Ezra 9:14

“Ma em dîsa emrên te bişikênin û bi gelên ku tiştên kirêt dikin re bibin merivên hev? Ma heta ku tu me biqedînî û kesên saxmayî nemîne, tê li me hêrs nebî?

Eyûb 18:17

Bîranîna wan li dinyayê winda dibe, Di kuçeyan de navê wan namîne.

Eyûb 19:23

“Xwezî gotinên min bihatana nivîsandin, Xwezî bibûna nivîs.

Zebûr 9:6

Dijmin neman, her û her xerab in, Te ji binî hilweşand bajarên wan, Êdî qet nayê gotin ji navê wan.

Derketin 12:14

Wê ev roj ji bo we bibe roja bîranînê. Hûnê wê wekî cejna Xudan pîroz bikin. Hûnê vê rojê di nav nifşên xwe de wekî qanûneke herheyî pîroz bikin.

Derketin 13:9

Ev, wê li ser destê we wekî nîşanekê, li ser eniya we wekî nîşaneke bîranînê bimîne ku Şerîeta Xudan li ser zimanê we be. Çimkî Xudan bi destê xwe yê hêzdar hûn ji Misrê deranîn.

Derketin 17:13

Yêşû gelê Emalêqî bi devê şûr têk birin.

Derketin 24:4

Mûsa hemû gotinên Xudan nivîsî. Ew serê sibê zû rabû û wî li qûntara çiyê gorîgehek çêkir. Wî li gorî duwanzdeh eşîrên Îsraêl, duwanzdeh kevirbel çikandin.

Derketin 32:33

Xudan ji Mûsa re got: “Her kî ku li dijî min guneh kiribe, ezê navê wî ji nivîsa xwe derxim.

Derketin 34:27

Xudan ji Mûsa re got: “Van peyvan binivîse. Çimkî min bi te re û bi Îsraêl re li gorî van peyvan peyman çêkir.”

Methelokên 10:7

Bibîranîna rastan bereket e, Lê navê xeraban wê birize.

Yêremya 30:2

“Xwedayê Îsraêl Xudan wiha dibêje: ‘Hemû gotinên min ji te re gotin ji bo xwe di nivîsekê de binivîse.’”

Yêremya 36:2

“Tomarekê hilde û hemû gotinên min ên ji rojên Yoşiya vir ve li dijî gelên Îsraêl û Cihûda û miletên din ji te re gotin, binivîse.

Hejmartin 24:20

Gava Balam Emalêqî dîtin, dest bi mesela xwe kir û got: “Emalêqî di nav miletan de yekem e, Lê wê di dawiyê de tune bibe.”

Hejmartin 33:2

Li ser fermana devê Xudan, Mûsa beş bi beş ev rêwîtî nivîsî. Rêwîtiyên gelê Îsraêl ev bûn:

Dubarekirina Şerîetê 31:9

Mûsa ev Şerîet nivîsî û da kahinan –ku Lêwiyî bûn û Sindoqa Peymanê hildigirtin– û hemû rîspiyên Îsraêliyan.

Yêşû 4:7

Wî çaxî hûnê ji wan re bêjin: ‘Çemê Şerîayê li ber Sindoqa Peymana Xudan hat birîn. Erê gava Sindoqa Peymanê derbas dibû, av hat birîn. Ev kevir wê her û her ji bo gelê Îsraêl bîranîna vê yekê bin.’”

Samûêl I, 15:18

Xudan tu şandî û got: Here û Emalêqiyên sûcdar bi tevahî tune bike û kit ji wan nehêle.

Samûêl I, 30:1

Dawid û zilamên xwe roja sisêyan gihîştin bajarê Zîqlagê. Di vê navberê de Emalêqiyan êrîşî herêma Negev û Zîqlagê kiribû. Wan Zîqlag şewitandibûn.

Samûêl I, 30:17

Dawid roja din, ji serê sibê heta danê êvarê li wan xist û kitek ji wan nehişt. Bi tenê çar sed xort xilas bûn ku li deveyan siwar bûbûn û reviyabûn.