Derketin 15:26 - Kurmanji Încîl

²⁶ Mûsa got: “Heke hûn bi baldarî guhê xwe bidin dengê Xwedayê xwe Xudan û ya ku li ber çavê wî rast e bikin, guh bidin emrên wî û miqateyê hemû qanûnên wî bin, ezê wan nexweşiyên ku min dane Misriyan, yekê jî nedim we. Çimkî yê ku şifayê dide we ez im, ez Xudan im.”

Derketin 15:26 ပူးပေါင်းရင်းမြစ်များ

Padîşah I, 11:33

Çimkî wan dev ji min berda, perizîn Eştoreta îlaha Saydayiyan, Kemoşê îlahê Moaviyan û Molekê îlahê Emmoniyan. Wekî bavê wî Dawid tiştên di çavê min de rast in kirin, nekirin. Wan qanûn û rêbazên min pêk neanîn û di riya min de nemeşiyan.

Padîşah I, 11:38

Heke tu jî çawa ku xulamê min Dawid hemû tiştên ez emir dikim guhdarî bikî, di riya min de bimeşî, tiştên di çavên min de rast in bikî û emir û qanûnên min bi cih bînî, ezê bi te re bim û wekî min ji bo Dawid kir, ezê ji bo te jî xanedaneke saxlem ava bikim û welatê Îsraêl bidim te.

Padîşah II, 2:21

Çû ber kaniya avê, xwê avêtê û got: “Xudan wiha dibêje: ‘Min av paqij kir. Êdî tu caran wê mirin û bêberî jê çênebe.’”

Padîşah II, 20:5

“Vegere û ji Hîzqiyayê serwerê gelê min re bêje: ‘Xwedayê bavkalê te Dawid Xudan wiha dibêje: Min duaya te bihîst, min hêsirên çavên te dîtin. Ezê esse te sax bikim. Tê di roja sisêyan de herî Mala Xudan.

Padîşah II, 22:2

Wî tiştên di çavê Xudan de rast in kirin. Ew di riya Dawidê bavkalê xwe de meşiya. Wî xwe neda aliyê çep û rastê.

Eyûb 5:18

Çimkî ew diêşîne, ew dipêçe, Ew birîndar dike û destên wî baş dikin.

Zebûr 103:3

Yê ku hemû sûcên te dibexşîne, Yê ku ji hemû nexweşînên te re şîfayê tîne,

Zebûr 147:3

Ew dilşikestiyan baş dike, Û birînên wan dipêçe.

Zebûr 81:9

Wê di nav we de îlahên xerîb nebin, Hûnê neperizin îlahek din!

Derketin 12:29

Nîvê şevê Xudan li hemû nixuriyên li welatê Misrê xistin. Ji nixuriyê Firewn ê li ser têxt bigire heta nixuriyê girtiyê hepsê, wî hemû nixuriyên mirov û heywanan kuştin.

Derketin 19:5

Li ser vê yekê heke hûn bi baldarî guh bidin dengê min û bi peymana min ve girêdayî bimînin, hûnê di nav hemû gelan de bibin milkê min bi xwe. Çimkî tevahiya dinyayê ya min e.

Derketin 19:6

Hûnê ji bo min bibin padîşahiya kahinan û miletekî pîroz. Gotina ku tê ji gelê Îsraêl re bêjî ev e.’”

Derketin 20:2

“Ez Xwedayê te Xudan im ku tu ji welatê Misrê, ji warê koletiyê deranî.

Derketin 23:25

Hûnê xulamiya Xwedayê xwe Xudan bikin. Ezê nan û ava te pîroz bikim û nexweşiyan ji nav te rakim.

Îşaya 55:3

“Guh bidin, werin ba min. Bibihîzin ku canê we bijî! Ezê peymaneke herheyî bi we re çêkim, Ji bo xatirê dilovaniya min a dilsoz a ji Dawid re.

Îşaya 57:18

“Min riyên wan dîtin, lê ezê şifayê bidim wan. Ezê rêberiya wan bikim. Ezê bi teseliyê bergîdana wan bidim, Kesên ji wan şînê dikin jî ezê teselî bikim.

Yêremya 11:7

Çimkî ji roja ku min bav û kalên we ji welatê Misrê deranî heta îro min bi dil ew hişyar kirin. Min gelek caran ew hişyar kirin ku guh bidin dengê min.

Yêremya 17:24

Lê gotina Xudan ev e: “‘Heke hûn baş guh bidin min, Roja Septê di dergehên vî bajarî re bar derbas nekin, qet kar nekin û bi vî awayî Roja Septê pîroz bihesibînin,

Yêremya 30:17

Çimkî ezê dîsa te baş bikim Û şifayê bidim derbên te.” Ev e gotina Xudan. “Çimkî wan got: ‘Ew ji Siyonê re sirgûn dibêjin. Êdî tu kes lê napirse.’”

Yêremya 33:6

“‘Lê ezê şifa û rihetiyê bidim wî bajarî û baş bikim. Ezê şifayê bidim wan û bikim ku di nav aştî û ewlehiyeke berfireh de bijîn.

Yêremya 7:23

Lê min ev li wan emir kir û got: Hûn guhdariya dengê min bikin û ezê bibim Xwedayê we, hûnê jî bibin gelê min. Di hemû riyên ez li we emir dikim de bimeşin ku qencî bi we bibe.

Yêremya 8:22

Gelo li Gîladê melhem tuneye? Gelo li wir hekîm tuneye? Çima birîna gelê min ê delal nehate dermankirin?

Hoşêya 11:3

Lê min Efrayîm hînî meşê kir. Min ew dan ber singê xwe, Lê fêm nekirin ku min şifa da wan.

Hoşêya 6:1

Werin, em li Xudan vegerin. Wî em perçe kirin, Wê me baş jî bike. Wî em birîndar kirin, Wê birîna me jî bipêçe.

Lêwiyî 26:13

Ez Xwedayê we Xudan im ku min hûn ji koletiya ji welatê Misrê deranîn. Min darên nîrê li ser stûyê we şikandin û hûn bi serbilindî da meşandin.

Lêwiyî 26:3

“‘Heke hûn li gorî qanûnên min rêve herin û emrên min bikin û pêk bînin,

Hejmartin 12:13

Mûsa hêvî û lava ji Xudan kir û got: “Ya Xwedê, ez lava dikim şifayê bide Miryamê.”

Dubarekirina Şerîetê 12:25

Hûnê xwînê nexwin û ji ber ku hûn tiştê di çavê Xudan de rast e dikin, wê qencî bi we û zarokên we yên li pey we bên, bê kirin.

Dubarekirina Şerîetê 12:28

Baş guhdariya tevahiya van gotinên ez li we emir dikim bikin ku qencî bi we û zarokên li pey we tên bibe. Çimkî hûnê wan tiştan bikin ku di çavê Xwedayê we Xudan de qenc û rast in.

Dubarekirina Şerîetê 13:18

Hûnê guhdariya dengê Xwedayê xwe Xudan bikin. Hûnê emrên ku îro ez li we dikim pêk bînin û tiştên di çavê Xudan de rast in bikin.

Dubarekirina Şerîetê 28:27

Wê Xudan bi kunêrên Misrê, kunêrên din, xur û gurîtî li te bixe û wê ev nexweşî baş nebin.

Dubarekirina Şerîetê 28:58

“Heke tu hemû gotinên vê Şerîetê yên di vê nivîsê de hatine nivîsandin pêk neyînî û ji navê Xwedayê xwe Xudan ê bi rûmet û heybet netirsî,

Dubarekirina Şerîetê 28:60

Wê hemû nexweşiyên Misrê yên tu jê ditirsî vegerîne ser te û wê li ser te bimînin.

Dubarekirina Şerîetê 32:39

“‘Bibînin ku ez, ez ew im, Ji xeynî min Xwedê tuneye! Ez dikujim, ez vedijînim, Ez birîndar dikim, ez sax dikim Û kesê ji destê min rizgar bike tuneye.

Dubarekirina Şerîetê 5:1

Mûsa gazî tevahiya gelê Îsraêl kir û ji wan re got: “Ya gelê Îsraêl! Guh bidin qanûn û rêbazên ku îro ji we re dibêjim. Hûnê hînê wan bikin. Hay ji van tiştan hebin û pêk bînin.

Dubarekirina Şerîetê 7:15

Wê Xudan her cure nexweşiyê ji we dûr bixe. Ew nexweşiyên ku hûn ji Misrê dizanin, wê yek ji wan jî bi ser we de neyîne. Wê tevahiya van nexweşiyan bide kesên ku ji we nefret dikin.