Derketin 15:16 - Kurmanji Încîl

¹⁶ Tirs û sawê bi ser wan de girt, Ew li ber zendê te yê mezin, Wekî kevir bêtevger man, Heta ku gelê te derbas bû, Heta ku ev gelê te derbas bû ya Xudan.

Derketin 15:16 ပူးပေါင်းရင်းမြစ်များ

Destpêk 35:5

Wan bar kir û tirsa Xwedê bi ser bajarên bi der û dora wan ve hat û kesî neda pey wan.

Samûêl II, 7:23

Li dinyayê miletekî ku bişibe gelê te Îsraêl tuneye. Tu rabûyî ku wan rizgar bikî û wan bikî gelê te. Te bi karên mezin û tirsehêz nav û deng da. Te miletên din û îlahên wan, ji ber gelê xwe qewitandin ku te ew ji bo xwe ji Misrê rizgar kiribû.

Zebûr 105:38

Bi çûyina wan Misir şa bû, Çimkî tirsa Îsraêliyan ketibû ser wan.

Zebûr 74:2

Koma ku te ji berê ve kiribû ya xwe, Ji bo ku ji te re mîras bimîne, rizgar ke, Û Çiyayê Sîyonê yê ku tu lê rûniştî yî, bibîr bîne.

Zebûr 89:14

Bingeha textê te, dadperwerî û rastdarî ye, Kerem û dilsozî li pêş te rê ve diçin.

Derketin 11:7

Lê wê seyek jî li ba gelê Îsraêl û heywanên wan devê xwe veneke. Bi vî awayî hûn bizanibin Xudan çawa ferq û meyliyekê di navbera gelê Îsraêl û Misriyan de çêkiriye.

Derketin 15:13

Ji gelê ku te rizgar kir re, Tu bi kerema xwe bûyî rêber. Te riya dera xwe ya pîroz, Bi hêza xwe nîşanî wan da.

Derketin 15:5

Avên kûr ew daqurtandin Wekî kevir ew ketin binî.

Derketin 15:6

Destê te yê rastê ya Xudan, Xweyî hêzeke mezin e. Destê te yê rastê ya Xudan, Dijmin diperçiqand.

Derketin 18:8

Mûsa her tiştê ku Xudan ji bo xatirê Îsraêliyan bi Firewn û Misriyan kiriye, tengasiyên ku di rê de kişandibûn û Xudan ew çawa rizgar kirine, yek bi yek ji xezûrê xwe re gotin.

Derketin 20:2

“Ez Xwedayê te Xudan im ku tu ji welatê Misrê, ji warê koletiyê deranî.

Derketin 23:20

“Va ye, ez li pêşiya te milyaketekî dişînim ku di rê de te biparêze û te bibe axa ku min amade kiriye.

Derketin 23:22

Lê heke tu bi rastî jî guh bidî dengê wî û her tiştê dibêje bikî, ezê ji dijminên te re bibim dijmin û ji neyarên te re bibim neyar.

Derketin 23:27

Ezê tirs û sawa xwe li pêşiya te bişînin û her gelê ku tê li dijî wan herî, şaş bikim. Ezê bikim ku hemû dijminên te ji ber te birevin.

Derketin 6:7

Ezê we bikim gelê xwe û bibim Xwedayê we. Hûnê bizanibin ku ez Xwedayê we Xudan im û min hûn ji bin barê Misriyan deranî.

Îşaya 51:10

Ma yê ku deryayê, avên deryayê kûr û ziwa kir, Yê ku binê deryayê kir rê Ku kesên rizgar bûne derbas bibin, ne tu yî?

Îşaya 63:12

Û zendê berziya wî ya li milê rastê yê Mûsa dimeşand li ku ye? Ka Yê ku avê kir du şeq Û navekî herheyî ji xwe re çêkir li ku ye?

Yêremya 31:11

Çimkî Xudan ji bo Aqûb berdêl da Û ji destê hêzdartir ew rizgar kir.

شُله رسولا 20:28

Îcar hay ji xwe û ji hemû keriyê ku Ruhê Pîroz hûn di nav de kirine çavdêr, hebin. Şivantiya civîna bawermendan a Xwedê bikin a ku wî bi xwîna Kurê xwe bi dest xistiye.

Dubarekirina Şerîetê 11:25

Wê tu kes li ber we nesekine. Wê Xwedayê we Xudan çawa ku soz daye we, li tevahiya welatê ku pehniya piyê we lê bikeve, wê tirs û sawa we serdest bike.

Dubarekirina Şerîetê 2:25

Ji îro û pêve ezê tirs û sawa we bixim dilê hemû gelên li bin ezmanan. Gava nav û dengê we bibihîzin, wê ji tirsan bilerizin.’

Dubarekirina Şerîetê 2:4

Li gel emir bike û bêje: ‘Hûnê di sînorê Esawiyên birayên xwe re derbas bibin ku li Seîrê dijîn. Wê ji we bitirsin lê hay ji xwe hebin

Dubarekirina Şerîetê 32:6

Ya gelê bêaqil û ne şehreza! Ma bergîdana Xudan wiha tê dayîn? Ma ew ne bavê ku tu afirandî, Çêkirî û ava kirî?

Dubarekirina Şerîetê 32:9

Çimkî para Xudan gelê wî ye Û ziriyeta Aqûb mîrasa wî ye.

نامَ بُ تیتوس 2:14

Wî xwe ji bo me feda kir, da ku me ji her neheqiyê rizgar bike û ji xwe re paqij bike û bike gelê ku ji bo kirinên qenc bi xîret e.

Yêşû 2:9

Ji wan re got: “Ez dizanim ku Xudan welat daye we. Tirs û sawa we ketiye ser me hemûyan. Hemû şêniyên welêt ji tirsa we dihelin.

Yêşû 4:24

Bi vî awayî bila hemû gelên dinyayê bizanibin destê Xudan hêzdar e û hûn jî hergav ji Xwedayê xwe Xudan bitirsin.’”

Petrûs I 2:9

Lê hûn «nifşekî bijartî, kahînên Padîşahiyê, miletekî pîroz û gelê Xwedê bi xwe ne, da ku hûn karên wî yên hêjabilind bidin bihîstin.» Wî, hûn ji tariyê gazî ronahiya xwe ya nedîtî kirine.

Petrûs II 2:1

Lê çawa ku di nav gelê Îsraêl de pêxemberên derewîn hebûn, wisa wê di nav we de jî mamosteyên derewîn hebin. Ewê bi dizî hînkirinên wêranker bînin hundir û heta ewê wî Xudanê ku ew kirrîne jî înkar bikin. Lê belê ewê zûka helakê bînin ser xwe.

Samûêl I, 2:9

Xudan gavên dilsozên xwe diparêze, Lê xerab di tariyê de tune dibin, Mirov tenê bi hêza xwe bi ser nakeve.

Samûêl I, 25:37

Dotira rojê gava Naval hat ser hişê xwe, jina wî yek bi yek her tiştî jê re got. Wî çaxî dilê Naval sekinî û bû mîna kevirekî.