Derketin 15:11 - Kurmanji Încîl

¹¹ Ma di nav îlahan de, Yekî wekî te heye ya Xudan? Di pîroziyê de rewnaq, Bi heybeta xwe hêjayî pesindanê. Ma kes heye wekî te kerametan dike?

Derketin 15:11 ပူးပေါင်းရင်းမြစ်များ

Samûêl II, 7:22

“Tu mezin î, ya Reb Xudan! Yekî wekî te tuneye. Ji xeynî te Xwedê tuneye! Me ev hemû bi guhên xwe bihîstine.

Padîşah I, 8:23

Wî got: “Ya Xwedayê Îsraêl Xudan, ne li jor li ezmanan ne jî li jêr li erdê Xwedayê wekî te heye. Tu bi dilsozî bi peymanê ve girêdayî dimînî ku te bi xulamên xwe yên bi tevahiya dilê xwe bi te re dimeşin re çêkir.

Dîrok I, 16:25

Çimkî Xudan mezin e û pir hêjayî pesindanê ye, Ji nav hemû îlahan, ê herî biheybet ew e.

Zebûr 113:5

Ma kî wek Xudan Xwedayê me ye? Li jorê rûdinê.

Zebûr 119:120

Bedena min dilerize ji tirsa te, Ez ditirsim ji dadbariyên te.

Zebûr 136:4

Tenê ew karên nedîtî dike; Kerema wî her û her e!

Zebûr 145:17

Xudan di hemû riyên xwe de dadperwer e, Di hemû karên xwe de keremdar e.

Zebûr 22:23

Ey hûn, yên ji Xudan ditirsin, jê re şûkûr bikin! Ey hûn, hemû nîjada Aqûb, wî berz bikin! Ey hûn, hemû nîjada Îsraêl, jê bitirsin!

Zebûr 35:10

Bi hemû dilê xwe weha bêjim: «Ma kesî wek te heye ya Xudan, Te xelas kir bindest ji destê zordaran, Bindest û hejar ji şêlînkaran?»

Zebûr 60:2

Te erd hejand, te erd çirand; Qelşên wê bi hev ve bizeliqîne, erd diheje.

Zebûr 66:5

Werin, karên Xwedê bibînin! Çi karên mezin kir li nav mirovan.

Zebûr 77:11

Ez li karên Xudan digerim, Herîqayên wî yên kevin bibîr tînim.

Zebûr 77:14

Xwedayê ku herîqeyan dike tu yî, Li nav gelan, te hêza xwe da nîşandan.

Zebûr 77:19

Riya te di deryayê de, Riyên te di avên mezin de bûn, Belê ne kifş bûn rêçên te.

Zebûr 86:10

Çimkî tu mezin î û karên nedîtî dikî, Xwedayê tenê tu yî.

Zebûr 86:8

Ya Reb, di nav îlahan de tunin yên mîna te, Ne jî karên wek karên te.

Zebûr 89:18

Çimkî mertalê me, yê Xudan e, Padîşahê me jî, Yê Pîroz ê Îsraêlê ye.

Zebûr 90:11

Kî bi hêza xezeba te dizane? Çimkî xezeba te, bi qasî tirsa ji te ye.

Derketin 18:11

Niha ez dizanim ku Xudan ji hemû îlahan mezintir e, bi taybetî bi quretiya ku wan li gelê Îsraêl dikir.”

Derketin 20:3

“Wê ji min pêve tu îlahên te tunebin.

Derketin 3:20

Ezê destê xwe dirêj bikim û bi kirina hemû karên nedîtî, li Misriyan bixim. Wî çaxî wê Firewn we berde.

Derketin 8:10

Wî got: “Sibê.” Mûsa got: “Baş e! Bi vî awayî tê bizanibî ku yekî wek Xwedayê me Xudan tuneye.

Derketin 8:6

Harûn destê xwe dirêjî ser avên Misrê kir, beq derketin û welatê Misrê dagirtin.

Derketin 9:14

Ji bo tu bizanibî li tevahiya dinyayê yekî wekî min tuneye, vê carê ezê hemû belayên xwe bişînim ser te, karmendên te û gelê te.

Îşaya 30:11

Xwe ji ser rê bidin alî, Ji rêçikan derkevin. Pîrozê Îsraêl ji pêş me rakin.’”

Îşaya 40:18

Hûn Xwedê dişibînin kê? Hûn wî dişibînin çi?

Îşaya 40:25

Yê Pîroz dibêje: “Hûn min dişibînin kê Ku ew hempayê min be?”

Îşaya 46:9

Tiştên di demên berê de bûne bi bîr bînin, Çimkî ez Xwedê me û yekî din tuneye. Ez Xwedê me û yekî wekî min tuneye.

Îşaya 57:15

Çimkî Yê berz û bilind, yê ku her û her heye û navê wî pîroz e, wiha dibêje: “Ez hem li dera bilind û pîroz rûdinim Û hem jî bi kesên şikestî û nefsbiçûk re me. Ez ruhê nefsbiçûkan Û dilşikestiyan nû bikim.

Îşaya 6:3

Yekî gazî yê din dikir û digot: “Pîroz e, pîroz e, pîroz e Xudanê Karîndar. Rûmeta wî tevahiya dinyayê dadigire.”

Yêremya 10:16

Para Aqûb ne wekî wan e, Çimkî Yê ku şikil dide her tiştî ew e Û Îsraêl eşîra mîrasa wî ye. Navê wî Xudanê Karîndar e.

Yêremya 49:19

“Va ye, wekî şêrê ku ji nav deviyên Çemê Şerîayê dertê mêrga avî, Ezê jinişkave Edomê ji cihê wê biqewitînim. Kesê ez hilbijêrim, ezê li ser wan bikim serwer. Gelo, yê wekî min heye? Ma kî dikare dozê li min veke? Şivanê li ber min bisekine kî ye?

Lêwiyî 19:2

“Bi tevahiya civaka Îsraêl re bipeyive û ji wan re bêje: ‘Pîroz bin, çimkî ez Xwedayê we Xudan pîroz im.

Mîxa 7:18

Ma îlahekî wekî te heye ku sûcan dibexişîne Û serhildanên saxmayiyên gelê xwe efû dike?! Ji ber ku tu bi dilovaniyê şa dibî, Tu heta hetayê bi hêrs namînî.

Lûqa 12:5

Lê ez nîşanî we bidim ku hûnê ji kê bitirsin: Ji wî bitirsin, ku piştî dikuje, dikare bavêje dojehê; erê, ez ji we re dibêjim ku ji wî bitirsin!

Dubarekirina Şerîetê 1:30

Xwedayê we Xudan ku li pêş we diçe wê ji bo we şer bike. Wê ji bo we bi awayê li ber çavê we, li Misrê,

Dubarekirina Şerîetê 3:24

‘Ya Reb Xudan, te tenê destpê kir, mezinahiya xwe û destê xwe yê hêzdar nîşanî min da. Li erd û ezmanan, Xwedayekî wekî te heye ku karên te yên mezin bike?

Dubarekirina Şerîetê 33:26

“Yeşûrûno, yê wekî Xwedê tuneye! Tenê ew li ezmanan û li ewran siwar bûye Ku alîkariya te bike.

Dubarekirina Şerîetê 4:34

Ma tu îlahekî wekî ku Xwedayê we Xudan li ber çavê we li Misrê kir, bi ceribandinan, bi nîşanan, bi kerametan, bi şer, bi destê hêzdar û zendê dirêjkirî, bi kirinên mezin û tirsdar, çû û ji nav miletekî, ji bo xwe miletekî din deranî?

Peyxam 13:4

Hingê mirov ji ejder re çûn ser çokan, çimkî wî desthilatiya xwe da cenawir. Mirov perizîn cenawir û gotin: «Gelo kî mîna cenawir e? Û kî dikare bi wî re şer bike?»

Peyxam 15:4

Ya Xudan, kî natirse Û rûmetê nade navê te? Çimkî bi tenê tu pîroz î, Hemû milet wê bên Û li ber te herin ser çokan, Çimkî karên te yên dadperwer eşkere bûn.»

Peyxam 4:8

Û ji çar afirîdan her yek ji wan şeş baskên wî hebûn, hawirdora wî û hundirê wî bi çavan tije bû. Bi şev û bi roj bê rawestin dibêjin: «Pîroz, pîroz, pîroz, Xudan, Xwedayê karîndarê her tiştî, Yê ku Hebû, Yê ku Heye û Yê ku Wê Bê.»

Samûêl I, 2:2

Di pîroziyê de yekî mîna Xudan tuneye, Ya Xudan, yê wekî te tuneye, Zinarekî wekî Xwedayê me tuneye.