Derketin 13:12 - Kurmanji Încîl

¹² divê hûn berê pêşî yê zik, zarokên kur ji bo Xudan veqetînin. Divê nixuriyê heywanên we, yên nêr ji Xudan re bin.

Derketin 13:12 ပူးပေါင်းရင်းမြစ်များ

Nehemya 10:36

“Li gorî Şerîeta hatiye nivîsandin, ji bo kahinên ku di Mala Xwedayê me de xizmetê dikin, emê kurên xwe û heywanên xwe yên pêşî, dewar û pezên xwe yên pêşî bînin Mala Xwedayê me.

Nehemya 10:37

“Emê hevîrê xwe, pêşkêşiyên rakirina dexil, her cure fêkiyên daran, şeraba nû û zeytê yên pêşî ji bo embarên Mala Xwedayê me bînin bidin kahinan. Emê dehyekên axa me ji bo Lêwiyiyan jî bînin. Çimkî di hemû bajarên me yên çewlikî de Lêwiyî dehyekan distînin.

Derketin 13:1

Xudan ji Mûsa re got:

Derketin 13:2

“Tevahiya kurên pêşî ji bo min pîroz bikin. Li Îsraêlê hemû berê pêşî yê zik, dixwazî mirov, dixwazî heywan be, yê min e.”

Derketin 22:28

“Tê nifir li Xwedê nekî û naletê li serekê gelê xwe jî nekî.

Derketin 22:29

“Tê di dayîna dexlê xwe û ava mehsera xwe de bi derengî nekevî. “Tê nixuriyên xwe yên kur bidî min.

Derketin 34:19

“Her nixurî yê min e. Çi dewar, çi pez, her nixuriyê te, yên min in.

Derketin 34:20

Tê ji bo dehşikê pêşî pezekî fîdyeyê bidî. Heke tu fîdyeyê nedî, tê stûyê dehşikê bişikênî. Divê tu ji bo hemû nixuriyên xwe fîdyeyê bidî. “Bila tu kes destvala neyê hizûra min.

Lêwiyî 27:26

“‘Her heywanê pêşî ku hatiye dinyayê, yê Xudan e. Tu kes nikare heywanekî pêşî ji Xudan re kifş bike. Çi dewar, çi pez, hemû êdî yê Xudan in.

Hejmartin 18:15

Dixwazî mirov, dixwazî heywan, her berê pêşî yê ku ji Xudan re tê pêşkêşkirin wê ya te be. Lê tê ji bo her kurê pêşî esse berdêlê bistînî. Tê ji bo nixuriyê heywanên qirêj jî berdêlê bistînî.

Hejmartin 3:12

“Va ye min di şûna kurên pêşî yên ji zikên Îsraêliyan de ji nav gelê Îsraêl Lêwiyî hilbijartin. Wê Lêwiyî yên min bin.

Hejmartin 3:13

Çimkî her yê pêşî yê min e. Roja min li welatê Misrê li hemû kurên pêşî xist, min ji gelê Îsraêl çi mirov, çi heywan ji bo xwe her yê pêşî veqetandin. Ez Xudan im.”

Hejmartin 8:17

Ji ber ku di nav gelê Îsraêl de, çi mirov, çi heywan, hemû berên pêşî, yên min in. Roja ku min li welatê Misrê li hemû kurên pêşî xist, min ew ji xwe re veqetandin.

Lûqa 2:23

wek ku di Şerîeta Xudan de hatiye nivîsîn: «Her zarokê nêr ê nixurî wê nedrê Xudan be»

Dubarekirina Şerîetê 15:19

“Ji pez û dewarên xwe, hûnê her pêşiyê nêr ji bo Xwedayê xwe Xudan veqetînin. Hûnê bi pêşiyê dewarên xwe kar nekin, pêşiyê pezê xwe jî hevring nekin.