Derketin 12:14 - Kurmanji Încîl

¹⁴ Wê ev roj ji bo we bibe roja bîranînê. Hûnê wê wekî cejna Xudan pîroz bikin. Hûnê vê rojê di nav nifşên xwe de wekî qanûneke herheyî pîroz bikin.

Derketin 12:14 ပူးပေါင်းရင်းမြစ်များ

Padîşah II, 23:21

Padîşah li tevahiya gel ferman kir û got: “Ji Xwedayê xwe Xudan re wekî ku di vê Nivîsa Peymanê de hatiye nivîsandin Cejna Derbasbûnê bikin.”

Zebûr 111:4

Xudan, karên xwe yên nedîtî da bibîranîn, Ew dilovan û keremdar e.

Zebûr 135:13

Ya Xudan, navê te her û her dimîne, Ya Xudan, bîranîna te, her û her didomîne.

Derketin 12:17

Hûnê Cejna Nanê Şikeva pîroz bikin, çimkî min hûn ref bi ref wê rojê ji welatê Misrê deranî. Hûnê nifş bi nifş vê rojê wekî qanûneke herheyî pîroz bikin.

Derketin 12:24

“Hûnê vê ji bo xwe û ji bo zarokên xwe wekî qanûneke herheyî pîroz bikin.

Derketin 12:43

Xudan ji Mûsa û Harûn re got: “Rê û rêbazên Cejna Derbasbûnê ev in: Divê tu xerîb jê nexwe.

Derketin 12:6

Hûnê heta roja çardehê mehê wî xweyî bikin. Wê rojê ber êvarê, wê hemû civaka Îsraêl a kombûyî wan serjê bike.

Derketin 23:15

Tê Cejna Nanê Şikeva pîroz bikî. Çawa ku min li te emir kiriye, di rojên kifşkirî yên meha Avîvê de heft rojan nanê şikeva bixwe. Çimkî tu di wê mehê de ji Misrê derketî. “Bila tu kes destvala neyê pêşberî min.

Derketin 27:21

Wê Harûn û kurên xwe ji êvarê heta serê sibê, li hizûra Xudan qendîlê pêxistî bihêlin ku li Konê Hevdîtinê, li derveyî perdeya li ber Sindoqa Şahidiyê. Wê ev ji bo hemû nifşên gelê Îsraêl, qanûneke herheyî be.”

Derketin 5:1

Piştre Mûsa û Harûn çûn ba Firewn. Wan jê re got: “Xwedayê Îsraêl Xudan wiha dibêje: ‘Gelê min berde. Bila li beriyê ji min re cejnê bike.’”

Lêwiyî 23:6

Roja panzdehan a heman mehê jî Cejna Nanê Şikeva ya Xudan e. Hûnê heft rojan nanê şikeva bixwin.

Zekeriya 6:14

Ji bo bîranîna Helday, Toviya, Yedaya û Yoşiyayê kurê Sefanya, wê tac li Perestgeha Xudan were dayîn.

Hejmartin 10:8

Divê kurên Harûnê Kahin li boriyê bixin. Wê ev di nav nifşên we de qanûneke herheyî be.

Hejmartin 15:15

Wê ev yek ji bo tevahiya civakê, ji bo we û xerîbên di nav we de, di nav nifşên we de qanûneke herheyî be. Li hizûra Xudan hûn çawa bin, wê xerîbên di nav we de jî wisa bin.

Hejmartin 16:40

Çawa ku Xudan bi riya Mûsa gotiye, ev yek ji bo gelê Îsraêl bû bîranîneke ku kesekî ne ji ziriyeta Harûn e nêzîk nebe û li ber Xudan bixûrê pênexe û ya ku hatiye serê Qorax û alîgirên wî neyê serê wî jî.

Hejmartin 18:8

Xudan axaftina xwe ya bi Harûn re wiha domand: “Ez berpirsiyariya hemû pêşkêşiyan didim te ku ji min re tên kirin. Hemû pêşkêşiyên pîroz ên ku gelê Îsraêl didin min, ez wekî para herheyî didim te û kurên te.

Metta 26:13

Bi rastî ez ji we re dibêjim, ev Mizgînî li ku dera dinyayê bê dayîn, ev tiştê ku vê jinikê kir jî wê ji bo bîranîna wê bê gotin.»

Lûqa 22:19

Piştre wî rahişt nanekî, şikir kir û şikand. Wî ew da destê wan û got: «Ev bedena min e, ku di ber we de hatiye dayîn. Vê yekê ji bo bîranîna min bikin.»

Dubarekirina Şerîetê 16:1

“Meha Avîvê pêk bînin û Cejna Derbasbûnê ya Xwedayê xwe Xudan pîroz bikin. Çimkî di meha Avîvê de Xwedayê we Xudan bi şev hûn ji Misrê deranîn.

Dubarekirina Şerîetê 16:11

Hûnê li hizûra Xwedayê xwe Xudan, bi kur û keçên xwe, xulam û xadimên xwe, Lêwiyiyên li bajarên xwe, xerîbên nav xwe û bi sêwî û jinebiyên xwe re li dera ku wê Xudan ji bo navê wî tê de be hilbijêre, şa bibin.

Dubarekirina Şerîetê 6:8

Wekî nîşanekê wan bi destê xwe ve girê bidin, wekî berenîkekê li ser eniya xwe bixin.

Yêşû 4:7

Wî çaxî hûnê ji wan re bêjin: ‘Çemê Şerîayê li ber Sindoqa Peymana Xudan hat birîn. Erê gava Sindoqa Peymanê derbas dibû, av hat birîn. Ev kevir wê her û her ji bo gelê Îsraêl bîranîna vê yekê bin.’”

Samûêl I, 30:25

Ji wê rojê û pê ve Dawid ev yek ji bo gelê Îsraêl kir rê û rêbaz ku ev tişt îro jî heye.