Derketin 12:12 - Kurmanji Încîl

¹² “‘Ezê wê şevê di welatê Misrê re derbas bibim. Hem ji mirovan û hem jî, ji heywanan, hemû yên pêşî bikujim û tevahiya îlahên Misrê dadbar bikim. Ez Xudan im.

Derketin 12:12 ပူးပေါင်းရင်းမြစ်များ

Dîrok I, 14:12

Filîstiyan îlahên xwe li wir hiştin û li gorî fermana Dawid, ew hatin şewitandin.

Zebûr 135:8

Wî ji mirov heta heywanan, Hemû nuxwiriyên Misirê kuştin.

Zebûr 82:1

Li civata Xwedê, Xwedê radiweste, Di nav îlahan de dadbariyê dike.

Zebûr 82:6

«Min got, ‹Hûn îlah in, Û hemû kûrên Yê Berz in!›

Zebûr 91:7

Li ba te hezar, Li milê te yê rastê deh hezar bikevin jî, Lê ew nêzikî te nabe.

Zebûr 95:3

Çimkî Xudan, Xwedayekî mezin e, Di ser hemû îlahan de ew padîşahê mezin e.

Derketin 12:23

Xudan ji bo li Misriyan bixe wê derbas be. Gava ew li serder û kêlekên deriyên we xwînê bibîne, wê di ser re derbas bibe û wê nehêle yê helak dike bikeve malên we û li we bixe.

Derketin 18:11

Niha ez dizanim ku Xudan ji hemû îlahan mezintir e, bi taybetî bi quretiya ku wan li gelê Îsraêl dikir.”

Derketin 21:6

wê xweyê wî, wî derxe hizûra Xwedê. Wê wî nêzîkî derî yan kêleka derî bike û guhê wî bi dirêşikê qul bike. Bi vî awayî, wê tevahiya jiyana xwe xulamiya wî bike.

Derketin 22:28

“Tê nifir li Xwedê nekî û naletê li serekê gelê xwe jî nekî.

Derketin 6:2

Xwedê careke din ji Mûsa re got: “Ez Yahwe me.

Derketin 9:6

Dotira rojê Xudan gotina xwe kir. Hemû keriyên Misriyan telef bûn, lê heywanekî gelê Îsraêl jî nemir.

Îşaya 19:1

Peyama li ser Misrê: Va ye, Xudan li ewrê bi lez siwar bûye Û diçe Misrê. Pûtên Misrê li ber wî dilerizin, Dilê Misriyan di nava wan de dihele.

Yêremya 43:12

Wê êgir berde malên îlahên Misrê. Wê wan bişewitîne û sirgûn bike. Çawa ku şivanek kulavê xwe li xwe dipêçe, wê welatê Misrê jî wisa bipêçe. Piştre wê ji wir bi xêr û silamet derkeve.

Yêremya 43:13

Wê kevirbelan bişikêne ku li Mala Rojê ya li Misrê ne. Wê perestgehên îlahên Misrê jî bişewitîne.’”

Yêremya 46:25

Xwedayê Îsraêl Xudanê Karîndar dibêje: “Va ye ezê Amonê îlahê Tebesê, Firewn, Misir, hemû îlahên wê û padîşahên wê, erê ezê Firewn û kesên pê ewle ne ceza bikim.

Amos 5:17

Wê li hemû rezan bibe şîn, Çimkî ezê di nava we re derbas bibim” dibêje Xudan.

Sefanya 2:11

Wê Xudan li dijî wan tirsdar be, Wê tevahiya îlahên dinyayê bihelîne. Wê hemû miletên li keviyên deryayê Ji cihê xwe biperizin wî.

Hejmartin 33:4

Wê gavê Misriyan kurên xwe yên pêşî vedişartin ku Xudan ew kuştibûn. Xudan îlahên wan jî dadbar kiribûn.

Samûêl I, 5:3

Dotira rojê Aşdodî zû rabûn û wan dîtin ku Dagon serdevkî li ber Sindoqa Xudan ketiye erdê. Wan Dagon hilda, danî cihê wî.

Samûêl I, 6:5

Loma jî çawa ku kunêr û mişkan vî welatî xera dikin, hûn jî wisa bikin. Bi vê yekê, Xwedayê Îsraêl rûmetdar bikin. Dibe ku Xwedayê wan cezayê li ser we, welatê we û îlahên we kêmtir bike.