Derketin 12:11 - Kurmanji Încîl

¹¹ Hûnê bi vî awayî wî bixwin: Divê pişta we girêdayî, çaroxa we di lingê we de û gopalê we di destê we de be. Divê hûn wî zû bixwin. Çimkî ev Cejna Xudan a Derbasbûnê ye.

Derketin 12:11 ပူးပေါင်းရင်းမြစ်များ

Padîşah II, 23:21

Padîşah li tevahiya gel ferman kir û got: “Ji Xwedayê xwe Xudan re wekî ku di vê Nivîsa Peymanê de hatiye nivîsandin Cejna Derbasbûnê bikin.”

Derketin 12:13

Xwîna li ser xaniyên we, wê ji bo we bibe nîşan. Gava ez xwînê bibînim ezê di ser we re derbas bibim. Gava ez ji bo helakirinê li welatê Misrê bixim, wê tu bela neyê serê we.

Derketin 12:21

Mûsa hemû rîspiyên gelê Îsraêl civandin û ji wan re got: “Rabin ji bo malbatên xwe pez hilbijêrin û wekî qurbana Derbasbûnê serjê bikin.

Derketin 12:27

wê gavê ji wan re bêjin: ‘Ev qurbana Cejna Xudan a Derbasbûnê ye. Çimkî gava Xudan li Misriyan xist, di ser malên me re derbas bû û em xilas kirin.’” Gelê Îsraêl deverû çû erdê û perizî.

Derketin 12:43

Xudan ji Mûsa û Harûn re got: “Rê û rêbazên Cejna Derbasbûnê ev in: Divê tu xerîb jê nexwe.

Îşaya 52:12

Çimkî hûnê bi lez dernekevin, Hûnê bi rev neçin. Çimkî wê Xudan li pêşiya we here, Xwedayê Îsraêl wê parêzvanê li pey we be.

Lêwiyî 23:5

Ber êvara çardehê meha pêşî, wê bibe Cejna Derbasbûnê ya Xudan.

Hejmartin 28:16

Roja çardehê meha pêşî, Cejna Derbasbûnê ya Xudan e.

Hejmartin 9:1

Di meha pêşî ya sala diduyan a derketina ji welatê Misrê de, Xudan li Beriya Sînayê ji Mûsa re got:

Lûqa 12:35

«Bila pişta we girêdayî be û qendîlên we pêketî bin.

Lûqa 15:22

Lê bav ji xulamên xwe re got: ‹Bilezînin û herin xiftanê herî qenc bînin û li wî bikin, gustîlkekê bikin tiliya wî û pêlavekê bixin lingên wî.

Lûqa 2:41

Dê û bavê wî her sal di Cejna Derbasbûnê de diçûn Orşelîmê.

Lûqa 7:38

Ew ji pişt ve li ber lingên wî rawesta, bi girîn dest pê kir, lingên wî bi hêstiran şil kirin û ew bi porê serê xwe ziwa kirin. Wê lingên wî ramûsandin û rûnê bîhnxweş li wan da.

Korîntî I, 5:7

Xwe ji hevîrtirşkê kevin pak bikin ku hûn bibin hevîrê nû, wek ku hûn bê hevîrtirşk in. Çimkî berxê me yê Cejna Derbasbûnê Mesîh hatiye gorîkirin.

Efesî 6:15

û lingên xwe ji bo Mizgîniya aştiyê bi amadebûnê pêlav bikin û li cihê xwe bisekinin.

Dubarekirina Şerîetê 16:1

“Meha Avîvê pêk bînin û Cejna Derbasbûnê ya Xwedayê xwe Xudan pîroz bikin. Çimkî di meha Avîvê de Xwedayê we Xudan bi şev hûn ji Misrê deranîn.

Yêşû 5:10

Gava gelê Îsraêl li Gîlgala li Deştên Erîhayê kon vedabû ango di êvara çardehê mehê de, Cejna Derbasbûnê pîroz kir.

Petrûs I 1:13

Ji ber vê yekê li ser hişê xwe bin, amade û hişyar bin. Hemû hêviya xwe bi wê keremê ve girê bidin, ku hûnê bi xuyabûna Îsa Mesîh bistînin.