Derketin 1:11 - Kurmanji Încîl

¹¹ Îcar Misriyan serkar danîn ser wan ku bi suxreya giran eziyetê li wan bikin. Wan ji bo Firewn, Pîtom û Ramsêsê ava kirin ku bajarên embarî bûn.

Derketin 1:11 ပူးပေါင်းရင်းမြစ်များ

Destpêk 15:13

Xudan ji Avram re got: “Baş bizanibe ku wê ziriyeta te li welatekî xerîb bijî û çar sed salan bibe kole û zilmê bibîne.

Destpêk 47:11

Ûsiv bav û birayên xwe li welatê Misrê bi cih kirin û çawa ku Firewn emir kiribû, li dera herî baş a welêt, li herêma Ramsêsê milk da wan.

Padîşah I, 9:19

hemû bajarên xwe yên embarî, bajarên xwe yên ji bo erebe û hespên xwe û çawa dixwest Orşelîm, Lubnan û bajarên din ava bike, ew der jî ava kirin. Herwiha wî tevahiya welatê di bin destê xwe de ava kir.

Zebûr 105:13

Ji ba milletekî diçûn ba yekî din, Ji welatekî diçûn welatekî din.

Zebûr 129:1

Niha bila Îsraêl bêje: «Ji xortaniya min vir ve, gellek tengahî dan min.

Zebûr 129:2

Ji xortaniya min vir ve, gellek tengahî dan min, Belê wan ez têk nebirim.

Zebûr 68:13

Heta ji bo yên we yên li gomê vezeliyayî, Kevokeke bazkzîvîn, Û purtên wê bi zêrê zer rapêçandî heye.»

Zebûr 81:6

«Min pişta te, ji bar dûr kir, Destên te ji selikê azad bûn,

Derketin 1:14

Wan bi karên giran ên xerc û kelpîçan û hemû karên cotkarî, jiyan li wan kirin jehr. Di hemû karên xwe de bi darê zorê ew dan xebatê.

Derketin 2:11

Paşê Mûsa mezin bû, rojekê ew çû nav gelê xwe û barê wan ê giran dît. Wî dît ku yekî Misrî, li birayekî wî yê Îbranî dixe.

Derketin 3:7

Xudan got: “Min tengasiya gelê xwe ya li Misrê ji nêzîk ve dît û hewara suxrevanan a ji destê serkaran bihîst. Ez bi êşa wan dizanim.

Derketin 5:10

Serkarên suxrevanan û karmendên gel derketin. Wan ji gel re got: “Firewn wiha dibêje: ‘Ezê kayê nedim we.

Derketin 5:15

Gava karmendên gelê Îsraêl hatin ba Firewn, wan lava kir û got: “Tu çima li xulamên xwe wiha dikî?

Derketin 5:8

Lê ji wan bixwazin ku bi qasî berê kelpîçan çêkin, hejmara kelpîçan kêm nekin. Çimkî ew tiral in. Loma diqîrin û dibêjin: ‘Em herin û ji Xwedayê xwe re qurban serjê bikin.’

Methelokên 27:4

Xezeb xedar e, hêrs jî lehî ye, Lê kî dikare li ber hesûdiyê bisekine?

Hejmartin 20:15

Bav û kalên me çûbûn Misrê, em demeke dirêj li wê derê man û Misriyan xerabî bi me û bav û kalên me kir.

Dubarekirina Şerîetê 26:6

Misriyan bi me re xerabî û eziyet kirin. Wan bi zorê karê giran bi wan da kirin.