Daniyêl 2:35 - Kurmanji Încîl

³⁵ Hesin, gil, tûnc, zêr û zîv bi hev re perçe bûn. Wekî hûrikên kaya bênderê hûr bûn û bayê ew bi xwe re birin. Herçî kevirê li peyker ket, bû çiyayekî mezin û tevahiya rûyê erdê tije kir.

Daniyêl 2:35 ပူးပေါင်းရင်းမြစ်များ

Eyûb 6:17

Gava germ dibe nayê dîtin, Di kelakela germê de, di cihê xwe de tune dibe.

Zebûr 103:16

Ba di ser re derbas dibe, tune dibe, Êdî ciyê wî, wî nas nake.

Zebûr 22:27

Wê çar aliyên dinê bibîr bîne û vegere Xudan, Û hemû milet wê li pêş te herin ser çokan.

Zebûr 37:10

Di nêz de wê dawiya yê xerab bê, Tu bigerî jî, wê neyê dîtin ciyê wî.

Zebûr 37:36

Belê derbas bû, êdî tune bû, Ez lê geriyam nehat dîtin, çûbû.

Zebûr 46:9

Şeran dide rawestin li çar aliyên dinê, Kevan dişikêne, perçe dike riman. Dişewitîne erebên cengê, bi agiran.

Zebûr 66:4

Wê hemû dinya biperize te, Wê ji te re lavijan bêjin, Lavijan bêjin ji bo navê te.»

Zebûr 86:9

Ya Xudan, hemû miletên ku te afirandine wê werin, Biperizin te, li ber te bigerin, Û ewê berzî bidin navê te.

Îşaya 11:9

Wê tu kes li ser tevahiya çiyayê min ê pîroz, Xisarê nede û wêran neke. Çimkî çawa av deryayan tije dike, Dinya jî wê bi zanîna Xudan tije bibe.

Îşaya 8:9

Gelno, helak bibin û bişikên! Kesên li welatên dûr, guhdar bin. Bila herkes tevdîra şer bike, lê hûnê bişikên. Belê, bila herkes tevdîra şer bike, lê hûnê bişikên.

Daniyêl 2:44

“Di rojên wan padîşahan de wê Xwedayê Ezmanan padîşahiyeke wiha ava bike ku tu caran hilneweşe û qet nekeve destê miletekî din. Wê ev padîşahî, hemû padîşahiyan perçe bike, biqedîne û wê her û her bimîne.

Hoşêya 13:3

Loma wê bibin mîna mija serê sibê, Mîna xunava zû radibe û diçe. Wê bibe wekî hûrika kaya li bênderê ku bi bagerê re radibe Û dûyê ji kulekê hildifûre.

Mîxa 4:13

Xwedê dibêje: “Ya Siyona keç! Rabe gêre bike! Çimkî ezê qiloçên te bikim hesin Û simên te bikim tûnc. Tê pir miletan hûr hûr bikî. Û tevahiya qezenca zordariyê bidî Xudan. Tê dewlemendiya wan bidî Rebê tevahiya dinyayê.

Zekeriya 12:3

Wê rojê ezê Orşelîmê ji bo hemû miletan bikim kevirekî giran. Her kesê rake, wê bi awayekî xedar birîndar bibe. Wê hemû miletên dinyayê, li dijî Orşelîmê bibin yek.”

Korîntî I, 15:25

Çimkî, divê Mesîh hukumdariyê bike heta ku Xwedê hemû dijminan bike bin lingên wî.

Peyxam 11:15

Milyaketê heftan li boriyê xist û li ezmên dengên mezin çêbûn ku digotin: «Padîşahiya dinyayê bû ya Xudanê me û ya Mesîhê wî. Ewê her û her padîşahiyê bike».

Peyxam 12:8

lê bi ser neketin û li ezmên êdî ji bo wan cih nema.

Peyxam 20:11

Hingê min textekî mezin ê spî û yê li ser wî rûniştibû dît. Erd û ezmên ji ber wî bazdan û cihek ji bo wan peyda nebû.