Dadger 8:27 - Kurmanji Încîl

²⁷ Gîdyon ji zêr êfodek çêkir û ew bir Ofraya bajarê xwe. Tevahiya gelê Îsraêl li wir ev pût heband. Ev ji bo Gîdyon û malbata wî bû dafikek.

Dadger 8:27 ပူးပေါင်းရင်းမြစ်များ

Zebûr 106:35

Belê bi miletan re ketin nav hev, Û karên wan hîn bûn.

Zebûr 106:39

Bi vî awayî, bi kirinên xwe, xwe herimandin, Bi karê xwe re bêbextî kirin.

Zebûr 73:27

Çimkî, va ye yên ji te dûr in tune dibin, Tê, hemû yên ku ji te diqetîn û ne dilsoz in, tune bikî.

Derketin 23:33

Wê li welatê te rûnenin. An na wê bikin ku tu li dijî min gunehan bikî. Çimkî heke tu xulamiya îlahên wan bikî, wê ji bo te bibe dafik.”

Derketin 32:4

Harûn zêr ji wan standin, bi amûra qewirandinê şikil dayê û jê golikekî rijandî çêkir. Wî çaxî gel got: “Ya gelê Îsraêl, îlahê te yê ku tu ji welatê Misrê deranî ev e.”

Derketin 34:16

Tê keçên wan ji kurên xwe re neyînî. Çimkî gava keçên wan biperizin pûtên xwe, wê bikin ku kurên te bêbextî bikin û bi wan re biperizin pûtên wan.

Îşaya 8:20

Vegerin şerîet û şahidiya Xudan! Kesên li gorî van nebêjin, wê li wan nebe şeveq.

Hoşêya 2:2

“Erzê diya xwe bişikênin, erzê wê! Çimkî êdî ew ne jina min e, Ez jî ne mêrê wê me. Bila zinakariyê ji ser rûyê xwe, Fahîşetiyê jî, ji sing û berê xwe bavêje.

Hoşêya 3:4

Çimkî gelê Îsraêl wê demeke dirêj bê padîşah û serek, bê qurban û kevirbel, bê êfod û pûtê malê bimînin.

Dubarekirina Şerîetê 12:5

Lê divê hûn herin wê derê ku wê Xwedayê we Xudan ji bo navê wî tê de be, ji nav hemû eşîrên we hilbijêre.

Dubarekirina Şerîetê 7:16

Hûnê hemû gelên ku wê Xwedayê we Xudan bide destê we tune bikin. Li ber wan nekevin û xulamiya îlahên wan nekin. Çimkî wê ev ji bo we bibe dafik.

Dubarekirina Şerîetê 7:25

Hûnê pûtên îlahên wan bişewitînin. Hûnê çav bernedin zêr û zîvên ser wan û ji bo xwe hilnedin. An na hûnê bikevin dafikê. Çimkî ev ji Xwedayê we Xudan re kirêt in.

Dadger 17:5

Perestgeheke Mîxa hebû. Wî êfodek û çend heb pûtên malê çêkiribûn û kurekî xwe jî wekî kahin kifş kiribû.

Dadger 18:14

Pênc zilamên ku sixûriya herêma Layîşê dikir, ji birayên xwe re got: “Hûn dizanin ku di yek ji van malan de, êfodek, pûtên malê û pûtekî rijandî hene? De ka bêjin, hûnê çi bikin!”

Dadger 18:17

pênc zilamên ku sixûriya herêmê dikir ketin hundir. Wan êfod, pûtên malê û pûtên rijandî û qewirandî hildan. Kahin jî li ba şeş sed çekdaran li ber dergeh disekinî.

Dadger 2:2

Divê hûn bi şêniyên welêt re peymanekê çênekin. Gorîgehên wan jî hilweşînin.’ Lê we guhdariya dengê min nekir. We çima wisa kir?

Dadger 2:3

Loma ez dibêjim: ‘Ezê ji ber we wan neqewitînim. Wê ji bo we bibin dijmin û îlahên wan jî, ji bo we bibin dafik.’”

Dadger 6:11

Paşê milyaketê Xudan hat. Ew li bajarê Ofrayê, li bin darberûya Yoaşê Aviyezerî rûdinişt. Gîdyonê kurê Yoaş di mehsera tirî de genim dikuta ku ji Mîdyaniyan veşêre.

Dadger 6:24

Gîdyon li wir ji Xudan re gorîgehek çêkir û navê wê Yahwe-Şalom danî. Gorîgeh heta îro jî li bajarê Ofraya Aviyezeriyan e.

Dadger 8:26

Giraniya guharên zêrîn ên ku Gîdyon standin, hezar û heft sed şekel bû. Bi ser de, wî heyvik, gerdenî û kincên binevşî yên ku padîşahên Mîdyaniyan li xwe dikirin û zincîrên ku ji stûyê deveyan derxistibûn, standin.

Dadger 8:28

Mîdyanî li ber gelê Îsraêl têk çûn û careke din serê xwe ranekir. Di dema Gîdyon de welat çil salan di nav aştiyê de ma.