Dadger 3:7 - Kurmanji Încîl

⁷ Gelê Îsraêl tiştên di çavê Xudan de xerab in, kirin. Wan Xwedayê xwe Xudan ji bîr kir û xulamiya îlahên Baal û Aşêrayê kir.

Dadger 3:7 ပူးပေါင်းရင်းမြစ်များ

Padîşah I, 16:33

Ahav pûtê Aşêrayê jî çêkir. Wî ji tevahiya padîşahên Îsraêlê yên berê zêdetir, Xwedayê Îsraêl Xudan hêrs kir.

Padîşah I, 18:19

Niha tevahiya Îsraêlê pê bihesîne ku tevî çar sed û pêncî pêxemberên Baal û çar sed pêxemberên Aşêrayê ku li ser sifreya Îzabelê xwarin dixwin, li Çiyayê Karmelê li ba min bicivîne.”

Padîşah II, 23:14

Wî kevirbel şikandin, pûtên Aşêrayê birîn û cihên wan bi hestiyên mirovan dagirtin.

Padîşah II, 23:6

Wî pûtekî Aşêrayê ji Mala Xudan derxist derveyî Orşelîmê, bir Newala Qîdronê û ew li wê derê şewitand, perçiqand û kir xwelî. Xweliya wê li ser tirbên miriyên xelkê de avêt.

Zebûr 106:35

Belê bi miletan re ketin nav hev, Û karên wan hîn bûn.

Zebûr 106:36

Bi ser de perizîn pûtên wan, Bi vî awayî ketin dafika wan.

Zebûr 106:7

Li Misirê, bav û kalên me, Karên te yên nedîtî te fêm nekirin, Wan zêdebûna qenciyên te fêm nekir, Li deryayê, li keviyê Derya Sor serî rakirin.

Derketin 34:13

Hûnê gorîgehên wan hilweşînin, kevirbelên wan perçe bikin û pûtên wan ên Aşêrayê bibirin.

Yêremya 23:27

Ew bi xewnên ku ji hev re dibêjin, dixwazin navê min bi gelê min bidin jibîrkirin, çawa ku bav û kalên wan ji bo Baal navê min jî, ji bîr kir.

Dubarekirina Şerîetê 16:21

“Hûnê nêzîkî gorîgeha Xwedayê xwe Xudan a ku hûn ji bo wî çêdikin, tu darekê neçikînin ku pûtekî Aşêrayê be.

Dubarekirina Şerîetê 4:9

“Lê hay ji xwe, hay ji canê xwe baş hebin ku tiştên we bi çavê xwe dîtin ji bîr nekin û di hemû rojên jiyana xwe de ji dilê xwe dernexin. Van bi zarok û neviyên xwe bidin zanîn.

Dubarekirina Şerîetê 8:11

Hay jê hebin ku hûn Xwedayê xwe Xudan ji bîr nekin û van emir, rêbaz û qanûnên ku ez îro li we dikim pêk bînin.

Dubarekirina Şerîetê 8:14

wê gavê qure nebin. Xwedayê xwe Xudan ê ku hûn ji welatê Misrê, ji warê koletiyê deranîn ji bîr nekin.

Dubarekirina Şerîetê 8:18

Xwedayê xwe Xudan bi bîr bînin ku ji bo civandina wî mal û milkî hêz daye we. Wî li gorî wê peymanê kir ku ji bav û kalên we re sond xwaribû û îro jî girêdayî dimîne.

Dadger 3:12

Gelê Îsraêl careke din tiştên di çavê Xudan de xerab in, kirin. Ji bo ku wisa kirin, Xudan li dijî wan Eglonê Padîşahê Moavê hêzdar kir.

Dadger 3:8

Hêrsa Xudan li dijî gelê Îsraêl rabû û wî ew da destê Kûşan-Rîşatayîmê Padîşahê Aram-Naharayîmê. Gelê Îsraêl heşt salan xulamiya Kûşan-Rîşatayîm kir.

Dadger 6:25

Wê şevê Xudan ji Gîdyon re got: “Tu conegayê bavê xwe, conegayê diduyan ê heft salî hilde. Gorîgeha Baal ku bavê te çêkiriye, hilweşîne û pûtê Aşêrayê yê li ba gorîgehê, jêke.

Dadger 8:33

Piştî mirina Gîdyon, gelê Îsraêl averê bû û pûtên Baal hebandin. Wan Baal-Berîtî ji xwe re kir îlah.

Dadger 8:34

Gelê Îsraêl, Xwedayê xwe Xudan ê ku wî ew ji destê hemû dijminên derdorê rizgar kiribû, bi bîr neanî.

Samûêl I, 12:10

Wan ji Xudan re kir hewar û got: ‘Me guneh kir, me dev ji Xudan berda û me ji pûtên Baal û Eştoretê re xulamî kir. Lê niha me ji destê dijminên me rizgar bike, emê xulamiyê ji te re bikin.’

Samûêl I, 12:9

Lê wan Xwedayê xwe Xudan ji bîr kir. Ji ber vê yekê Xudan, ew dan destê Sîserayê fermandarê artêşa Hasorê, Filîstiyan û Padîşahê Moavê. Wan jî li dijî bav û kalên we şer kir.