Dadger 20:28 - Kurmanji Încîl

²⁸ û Pînehasê kurê Êlezarê kurê Harûn li ber wê nobedarî dikir.– Wan got: “Em dîsa li dijî Binyamîniyên pismamên xwe şer bikin an na?” Xudan got: “Şer bikin, çimkî ezê wan sibê bidim destê we.”

Dadger 20:28 ပူးပေါင်းရင်းမြစ်များ

Samûêl II, 6:3

Sindoqa Xwedê, ji mala Avînadavê li ser gir hildan û danîn ser erebeyeke nû. Herdu kurên Avînadav, Ûzza û Ahyo erebeya nû ya ku Sindoqa Xwedê li ser bû, diajotin. Ahyo li pêşiya Sindoqê dimeşiya.

Ezra 7:5

kurê Avîşûayê kurê Pînehasê kurê Êlezarê kurê Harûnê Serkahin rabû.

Derketin 6:25

Kurê Harûn Êlezar, ji keçên Pûtiyêlê yek ji xwe re anî û ji wê Pînehas çêbû. Li gorî binemalên xwe serekên malbatên Lêwî ev in.

Yêremya 10:23

Ya Xudan, ez dizanim riya mirovan Ne di destê wan de ye. Gava dimeşin, ew nikarin gavên xwe rasterast bavêjin.

Dubarekirina Şerîetê 10:8

Wê gavê Xudan eşîra Lêwî veqetand ku heta îro Sindoqa Peymanê hilgirin, li hizûra wî bisekinin, xulamiyê bikin û bi navê wî pîroz bikin.

Dubarekirina Şerîetê 18:5

Çimkî Xwedayê we Xudan ew ji nav hemû eşîran hilbijart ku ew û kurên wî hergav li hizûra wî bin û bi navê wî xizmetê bikin.

Yêşû 22:13

Gelê Îsraêl Pînehasê kurê Êlezarê Kahin şand Gîladê, ba eşîrên Gad, Rûbên û nîveşîra Minaşşe.

Yêşû 24:33

Êlezarê kurê Harûn mir û wan ew li Gîvayê veşart. Ew der li herêma çiyayî ya Efrayîmê bû ku dabû Pînehasê kurê wî.

Yêşû 7:7

Piştre Yêşû got: “Ya Reb Xudan! Ma te ev gel di Çemê Şerîayê re derbas kir ku me bidî destê Amoriyan û me tune bikî? Xwezî em ji halê xwe razî bûna û li wî aliyê Çemê Şerîayê bimana!

Dadger 1:2

Xudan got: “Bila eşîra Cihûda here. Min welatê Kenanê da destê wan.”

Dadger 19:16

Evarê, kalemêrek ji karê zeviya xwe vedigeriya. Ew ji herêma çiyayî ya Efrayîmê bû, lê li Gîvayê dima. Xelkê bajêr Binyamînî bûn.

Dadger 7:9

Wê şevê Xudan ji Gîdyon re got: “Rabe, êrîşî artêşgehê bike. Çimkî min ew dan destê te.

Samûêl I, 14:37

Şawûl ji Xwedê pirsî: “Ez bidim pey Filîstiyan? Tê wan bidî destê gelê Îsraêl?” Lê Xwedê wê rojê bersiva wî neda.

Samûêl I, 30:8

Dawid bi Xudan şêwirî û got: “Ez bidim pey êrîşkarên siwarî, gelo ezê bigihîjim wan?” Xudan jê re got: “Bide pey wan tê bigihîjî wan û tê êsîran rizgar bikî.”