Dadger 2:14 - Kurmanji Încîl

¹⁴ Li ser vê yekê hêrsa Xudan li dijî gelê Îsraêl rabû û wî ew dan destê talankarên wan. Wî ew firotin destê dijminên derdora wan ku nikaribûn li ber dijminên xwe bisekinin.

Dadger 2:14 ပူးပေါင်းရင်းမြစ်များ

Samûêl II, 24:1

Xudan dîsa ji gelê Îsraêl hêrs bû, Dawid li dijî wan sor kir û got: “Here, gelê Îsraêl û gelê Cihûda bijmêre.”

Samûêl II, 7:11

ji rojên min dadger li ser gelê Îsraêl kirş kirin, êdî zordarî nekin. Ezê ji ber tevahiya dijminên te rihetiyê bidim te. “‘Ez Xudan dibêjim, ezê ji te re malekê ava bikim.

Padîşah II, 13:3

Xudan li dijî Îsraêlê hêrs bû û gelek caran ew dan destê Hazaêlê Padîşahê Aramê û Ben-Hadadê kurê Hazaêl.

Padîşah II, 17:20

Xudan tevahiya ziriyeta Îsraêl red kir. Heta ku ji hizûra xwe bavêje, ew ceza kir û da destê talankaran.

Nehemya 9:27

Loma te ew dan destê dijminên wan, wan ew tengezar kirin. Di dema tengasiyên xwe de ji te re kir hewar, te ji ezmanan bihîst. Li gorî rehma xwe ya mezin, te xilaskar dan wan, wan jî ew ji destên dijminên wan rizgar kirin.

Zebûr 44:11

Te em kirin wek miya ku tê şerjêkirin, Û te em li nav miletan belav kirin.

Zebûr 44:12

Te pirr erzan firot gelê xwe, Û bi buhayê wan kar nekir.

Îşaya 42:24

Ma kî Aqûb da şelandin? Ma kî Îsraêl da destê talankaran? Ew Xudan e ku me li dijî wî guneh kir, Ma ne wisa ye? Wan nexwest di riyên wî de bimeşin, Wan guhdariya Şerîeta wî nekir.

Îşaya 50:1

Xudan wiha dibêje: “Ka ew nivîsa jinberdanê? Ka yê ku min diya we pê berda? Min hûn firotin kîjan deyndarê xwe? Va ye hûn ji ber xerabiyên xwe hatin firotin, Ji ber serhildanên we diya we hat berdan.

Yêremya 37:10

Hûn tevahiya artêşa Kildaniyan a li dijî we şer dike, têk bibin û tenê birîndarên wan li konê xwe jî bimînin, wê dîsa rabin û vî bajarî bişewitînin.’”

Lêwiyî 26:17

Ezê bi hêrs berê xwe bidim we ku dijminên we, we têk bibin. Kesên ku ji we nefret dikin wê li ser serê we bibin serwer. Kesek li pey we nekeve jî hûnê birevin.

Lêwiyî 26:28

ezê bi xezeba xwe li dijî we derkevim û ji ber gunehên we, ezê we heft qat ceza bikim.

Lêwiyî 26:37

Bêyî ku kes li pey wan ketibe, çawa ku ji ber şûr direvin, wê bi ser hev de bikevin. Hêza we ya ku hûn li ber dijminên xwe bisekinin, wê tunebe.

Hejmartin 32:13

Îcar hêrsa Xudan li dijî gelê Îsraêl rabû û heta tevahiya wî nifşê ku tiştên di çavê Xudan de xerab in kiribûn qedand, wî ew çil salan li beriyê da gerandin.

Hejmartin 32:14

“Nexwe hûn, ya ziriyeta gunehkaran! Hûn ketin şûna bavê xwe û hûn hêrsa Xudan a dijwar li dijî gelê Îsraêl zêdetir dikin.

Dubarekirina Şerîetê 28:20

“Ji ber ku te bi her karê destê xwe yên xerab dev ji Xudan berda, heta tu helak û tune bî, wê Xudan naletê, tirsa mezin û neserketinê bi ser te de bîne.

Dubarekirina Şerîetê 28:25

“Wê Xudan te li ber dijminên te bide şikandin. Tê di riyekê de derkevî pêşiya wan, lê tê di heft riyan de ji ber wan birevî. Tê ji bo hemû padîşahiyên dinyayê bibî mijareke sawê.

Dubarekirina Şerîetê 28:58

“Heke tu hemû gotinên vê Şerîetê yên di vê nivîsê de hatine nivîsandin pêk neyînî û ji navê Xwedayê xwe Xudan ê bi rûmet û heybet netirsî,

Dubarekirina Şerîetê 32:30

Heke Zinarê wan ew nefirota, Heke Xudan ew neda dest, Çawa zilamekî hezar kesan diqewitandin Û du kesan deh hezar didan revandin?

Yêşû 23:16

Heke hûn peymana ku Xwedayê we Xudan li we emir kiriye binpê bikin, herin xulamiya îlahan bikin û li ber wan herin ser çokan, wê hêrsa Xudan li dijî we rabe û hûnê yekser li ser vî welatê qenc ê ku daye we tune bibin.”

Dadger 1:19

Xudan bi eşîra Cihûda re bû. Wan herêma çiyayî ji xwe re kir milk, lê ew nikaribûn şêniyên deştê biqewitînin. Çimkî erebeyên wan ên şer ên hesin hebûn.

Dadger 1:34

Amoriyan nehişt ku eşîra Dan berjêrî deştê bibe, lê wan ew li herêma çiyayî asê hiştin.

Dadger 10:7

Hêrsa Xudan li dijî gelê Îsraêl rabû û wî ew dan destê Filîstî û Emmoniyan.

Dadger 2:20

Li ser vê yekê hêrsa Xudan li dijî gelê Îsraêl rabû. Wî got: “Ji ber ku vî miletî peymana min a ku min li bav û kalên wan emir kir xera kir û guhdariya dengê min nekir,

Dadger 3:12

Gelê Îsraêl careke din tiştên di çavê Xudan de xerab in, kirin. Ji bo ku wisa kirin, Xudan li dijî wan Eglonê Padîşahê Moavê hêzdar kir.

Dadger 4:2

Xudan gelê Îsraêl da destê Yavînê Padîşahê Kenanê ku li Hasorê serwerî dikir. Fermandarê artêşa wî, Sîsera bû ku li Haroşet-Goyîmê rûdinişt.