Amos 9:11 - Kurmanji Încîl

¹¹ “Wê rojê ezê holika Dawid a ketî ji nû ve çêkim. Ezê cihên wê yên qelişî dagirim Û wêraneyên wê ji nû ve rakim. Ezê wê wekî rojên berê ava bikim.

Amos 9:11 ပူးပေါင်းရင်းမြစ်များ

Eyûb 1:10

Ma te ew, mala wî û her tiştê wî ji her alî ve sinc nekir? Te karên destê wî bereket kirin. Hebûna wî li welêt zêde bû.

Zebûr 143:5

Ez rojên borî bibîr tînim, Bi kûrî li ser hemû karên te difikirim, Ez li karên destê te difikirim û ji xwe diçim.

Zebûr 80:12

Bo çi te xera kir sêncên wê? Hemû rêwî tirî jêdikin ji wê,

Zebûr 89:40

Te hemû dîwarên wî xera kir, Wêran kir hemû kelehên wî.

Îşaya 16:5

Wê di konê Dawid de Textek bi dilovanî bê xurtkirin. Wê li ser têxt kesê dilsoz rûne, Serwerê ku li heqiyê bigere Û di kirina edaletê de bilezîne.

Îşaya 5:5

Niha tişta ku ezê bi rezê xwe bikim ez ji we re bêjim. Ezê sinca wî rakim. Wê wî bixwin û biqedînin. Ezê dîwarên wî hilweşînim. Wê di bin lingan de biperçiqînin.

Îşaya 58:12

“Wê kesê ji te, wêraneyên kevin ava bike, Tê li ser bingeha nifşan bilind bikî. Wê ji bo te: ‘Dagirtiyê qelîştokên dîwêr, Avakarê kuçeyên ku niştecih tê de rûnin’ bê gotin.

Îşaya 63:11

Paşê gelê wî rojên berê yên Mûsa bi bîr anî. Ka Yê ku ew bi şivanên kerî re ji deryayê deranî li ku ye? Ka Yê ku Ruhê xwe yê Pîroz xist nav wan

Îşaya 65:9

Ezê ji Aqûb ziriyetekê Û ji çiyayên xwe re ji Cihûdayê wêrisekî derxim. Kesên min hilbijartin wê wir mîras bistînin Û xulamên min li wê derê rûnin.

Yêremya 18:9

Di gaveke din de jî ez li ser miletekî yan padîşahiyekê bêjim ku daçikînim û ava bikim.

Yêremya 30:9

Lê wê xulamiya Xwedayê xwe Xudan Û Dawidê Padîşahê ku ezê deynim ser wan bikin.”

Yêremya 46:26

Ezê wan bidim destê Nebûxadnessarê Padîşahê Babîlê û xulamên wî ku li pey kuştina wan in. Lê paşê, wekî berê wê mirov li Misrê rûnin.” Ev e gotina Xudan.

Lavijên Şînê 5:21

Me li xwe bizivirîne ya Xudan, emê vegerin, Rojên me yên borî, wekî berê teze bike.

Hoşêya 3:5

Paşê wê Îsraêlî vegerin û li Xwedayê xwe Xudan û padîşahê xwe Dawid bigerin. Di rojên pêş de, wê xwe bispêrin tirs û kerema Xudan.

Ovadya 1:17

“Lê kesên filitîn, Wê li Çiyayê Siyonê bicivin Û wê ew der bibe cihekî pîroz. Wê Mala Aqûb dîsa bibe xweyê milkê xwe.

Mîxa 5:2

“Lê tu, Bêtlehema Efrata! Tu di nav binemalên Cihûda de biçûk î, Lê ji bo min wê serwerê gelê Îsraêl ji nav te derkeve. Koka wî ji demên berê û rojên qedîm ve ye.”

Mîxa 7:11

Roj tê ku wê sûrên te bên avakirin, Wê rojê wê sînorên te gelek berfireh bibin.

Mîxa 7:14

Ya Xwedê! Bi gopalê xwe Ji gel û keriyê xwe re şivantiyê bike Ku li daristanê û li welatê berdar tenê dimîne. Wekî dema berê, bila niha jî li Başan û Gîladê biçêrin.

Mîxa 7:8

Ya dijminê min! Gava bikevim şa nebe, ezê dîsa rabim! Çaxê ez li taristanê jî rûnim, Wê Xudan bibe ronahiya min.

Zekeriya 12:7

“Wê Xudan pêşî konên Cihûdayê rizgar bike ku berziya Mala Dawid û şêniyên Orşelîmê, ji Cihûdayê mezintir nebe.

Zekeriya 14:10

Tevahiya welêt, ji Gevayê heta Rîmmona başûrê Orşelîmê, wê bibe mîna Deşta Eravayê. Lê wê Orşelîm bilind be û ji Dergehê Binyamînê heta Dergehê Yekemîn, heta Dergehê Goşeyê û ji Birca Hananêlê heta mehserên padîşah li cihê xwe bimîne.

Zekeriya 6:12

Jê re bêje: ‘Xudanê Karîndar wiha dibêje: Va ye mirovê bi navê gulî! Wê ji cihê xwe şax vede û Perestgeha Xudan ava bike.

Hejmartin 24:18

Edoma ku jê re dijmin e, wê bibe milkê wî, Wê Seîr bê standin. Lê wê Îsraêl mezin bibe.