Amos 7:17 - Kurmanji Încîl

¹⁷ “Loma Xudan wiha dibêje: ‘Wê jina te li bajêr bibe fahîşe Û wê kur û keçên te bên şûrkirin. Wê welatê te bi benê pîvanê bê pîvan Û tê li welatekî mirdar bimirî. Wê gelê Îsraêl esse ji welatê xwe bê ajotin.’”

Amos 7:17 ပူးပေါင်းရင်းမြစ်များ

Padîşah II, 17:6

Di neh saliya padîşahiya Hoşêya de Padîşahê Aşûrê Samerya stand û gelê Îsraêl sirgûnê Aşûrê kir. Wî ew li Halahê, li Gozana li ber keviya Çemê Xabûrê û li bajarên Medan da bicihkirin.

Zebûr 78:55

Wî milletan, qewirand ji pêş wan, Wî axa wan par kir, Li konên wan, Eşîrên Îsraêlê cîwar kir.

Îşaya 13:16

Wê zarokên wan li ber çavê wan, Li erdê bixin û perçe bikin. Wê malên wan bêne talankirin Û wê li jinên wan bêne tecawizkirin.

Îşaya 22:18

Te dîsa dîsa bizivirîne Û wek gogê bavêje diyarekî fireh. Li wê derê, tê bimirî, Li wê derê, wê erebeyên te yên birûmet bimînin. Tê şerma mala xweyê xwe bî.

Yêremya 14:16

Ew gelê ku pêxemberiyê ji wan re dikin, wê ji ber şûr û xelayê ber bi kuçeyên Orşelîmê ve bên avêtin. Wê kesekî wî gelî; jin, kur û keçên wî gelî veşêre tunebe. Çimkî ezê xerabiya wan bi ser wan de bînim.

Yêremya 20:6

Paşxûro! Tu û hemû mala te, hûnê jî herin sirgûnê. Tu û hemû dostên te ku te ji wan re pêxemberiya derewîn kiriye, hûnê herin Babîlê, li wir bimirin û bên veşartin.’”

Yêremya 28:12

Piştî Hananyayê Pêxember nîrê di stûyê Yêremyayê Pêxember de şikand, gotina Xudan ji Yêremya re hat û got:

Yêremya 28:16

Loma Xudan wiha dibêje: ‘Ezê te ji ser rûyê erdê bişînim. Ji ber ku te li dijî Xudan hînê serhildanê kir, tê îsal bimirî.’”

Yêremya 29:21

Xwedayê Îsraêl Xudanê Karîndar li ser Ahavê kurê Qolaya û Sîdqiyayê kurê Maesêya yê ku bi navê min pêxemberiya derewîn dikin, wiha dibêje: “Va ye ezê wan bidim destê Nebûxadnessarê Padîşahê Babîlê û wê li ber çavê we wan bikuje.

Yêremya 29:25

‘Xwedayê Îsraêl Xudanê Karîndar wiha dibêje: Te bi navê xwe ji tevahiya gelê Orşelîmê, Sefanyayê Kahin ê kurê Maesêya û tevahiya kahinên din re name şandiye. Gotinên nameyê ev bûn:

Lavijên Şînê 5:11

Li Siyonê jin, Li bajarê Cihûdayê keçên xama xera kirin.

Hoşêya 9:3

Wê li diyarê Xudan nemînin, Wê Efrayîm vegere Misrê Û wê li Aşûrê xwarina nepak bixwin.

Amos 6:7

Loma hûnê bibin pêşiyên herin sirgûnê, Wê şahiya kesên xwe vedizelînin biqede.

Amos 7:11

Çimkî Amos wiha dibêje: “‘Wê Yarovam bi şûr bimire, Wê gelê Îsraêl esse ji ser welatê xwe bê sirgûnkirin.’”

Amos 8:1

Tiştê ku Reb Xudan nîşanî min da ev bû: Selikeke fêkiyê havînê.

Amos 9:1

Min dît, Reb li ba gorîgehê sekinîbû. Wî got: “Li serikên stûnan bixe, bila binên wan bihejin, Li ser serê tevahiya gel wan perçe bike. Ezê saxmayiyan bidim ber şûran, Wê tu kes nereve, wê tu kes nefilite.

Amos 9:8

“Va ye, çavê Reb Xudan li ser padîşahiya gunehkar e. Ezê wê ji ser rûyê erdê tune bikim, Lê ezê Mala Aqûb bi tevahî tune nekim.” Ev e gotina Xudan.

Mîxa 1:16

Ji bo zarokên xwe yên xoşewîst, Porê xwe bînin xwarê, Wekî sîsarkan serê xwe rût bikin. Çimkî wê zarokên we ji ber we bêne sirgûnkirin.

Zekeriya 14:2

Ezê hemû miletan bînim ba hev ku li dijî Orşelîmê şer bikin. Wê bajar bê standin, mal bên talankirin û tecawizê jinan bê kirin. Nîvê kesên bajêr wê bên sirgûnkirin lê nîvê mayî wê neyên avêtin.