Amos 4:1 - Kurmanji Încîl

¹ Ya çêlekên Başanê yên li Çiyayê Sameryayê, Guh bidin vê gotinê! Ya jinên ku zordariyê li belengazan dikin, hejaran diperçiqînin Û ji mêrên xwe re dibêjin: “Bîne, em vexwin!”

Amos 4:1 ပူးပေါင်းရင်းမြစ်များ

Padîşah I, 16:24

Omrî du telant zîv da kesekî bi navê Şemer û Girê Sameryayê jê kirî. Wî li ser gir bajarekî ava kir. Ji ber ku navê xweyê berê yê wî girî Şemer bû, Omrî navê bajêr kir Samerya.

Eyûb 20:19

Çimkî wan belengaz şikandin û tenê hiştin, Wan xaniyên ku ava nekiribûn bi zorê standin.

Eyûb 24:4

Ew hejaran ji rê averê dikin, Tevahiya bindestên welêt tev xwe vedişêrin.

Zebûr 12:5

Ji ber bindestiya mexdûran, Ji nalîna feqîran, Xudan dibêje: «Niha ezê rabim, Aştiya ku wan bêrî kiriye ava kim.»

Zebûr 140:12

Ez dizanim, Xudan doza bindestan dajo, Ji bo hejaran dibe daddar.

Zebûr 22:12

Boxeyan dor pêçane li min, Boxeyên Başan ên hêç, dor girtine li min.

Methelokên 22:7

Dewlemend li ser feqîran dibe serwer Û deyndar dibe xulamê xweyê deynan.

Waiz 4:1

Îcar ez zivirîm û min li hemû zilm û zordariyên li ser rûyê erdê tên kirin nihêrî. Min hêsirên bindestan dîtin, Kesê ku dilê wan aş bike tuneye. Hêz li aliyê zordaran e, Kesê ku li ber dilê wan dide tuneye.

Waiz 5:8

Heke tu dibînî li welatekî zordestî li feqîran tê kirin, heqî û edalet tê binpêkirin, tu li vê yekê şaş nemîne. Çimkî di ser yê bilind de bilindtir heye û di ser wan de jî hê bilindtir hene.

Îşaya 28:1

Wey li taca quretiya serxweşên Efrayîmê Û kulîlka çilmisî ya xweşikî û rewnaqiya wê Ku li ser deşta bi ber e. Wey li taca wan kesan ku li ber şerabê têk çûne.

Îşaya 5:8

Wey li wan kesan ku heta cih namîne zeviyan li zeviyên xwe, Xaniyan li xaniyên xwe zêde dikin. Êdî tenê hûn di nav vî welatî de rûdinin.

Îşaya 56:12

Ew dibêjin: “Werin em şerabê bînin Û têra xwe meyê vexwin. Wê sibê jî wekî îro be Û wê gelekî zêdetir be.”

Îşaya 58:6

Ma rojiya ku min hilbijart ne ev e? Sistkirina werîsên xerabiyê, Vekirina nîran, berdana bindestan Û şikandina her cure nîran ne ev e?

Yêremya 50:11

“Ya talankarên mîrasa min! Tevî ku hûn şa û dilgeş dibin, Tevî ku hûn wekî çêlekeke li mêrgê dipengizin Û wekî hespan dihîrin,

Yêremya 50:27

Hemû conegayên wê bikujin, bila herin serjêbûnê! Wey li wan! Çimkî roja wan, Dema cezakirina wan hat!

Yêremya 51:34

“Nebûxadnessarê Padîşahê Babîlê em têk birin, Wî em daqurtandin, kirin taximê vala Û wekî cinawirê deryayê em daqurtandin. Wî zikê xwe bi xweşiyên me tije kir, Lê paşê em vereşandin.

Yêremya 6:6

Çimkî Xudanê Karîndar wiha dibêje: “Daran bibirin û li dijî Orşelîmê palan ava bikin, Ev bajarê ku divê bê cezakirin, Di nav wê de, ji xeynî zordestiyê tiştek tuneye.

Yêremya 7:6

heke hûn zordariyê li xerîb, sêwî û jinebiyan nekin, li vir xwîna bêsûcan nerijînin û li pey îlahan neçin ku xisarê didin we,

Yoêl 3:3

Li ser gelê min pişk avêt. Wan kur wekî destmiza fahîşeyan dan, Ji bo şerabê keçik firotin û vexwarin.

Amos 3:1

Ya gelê Îsraêl! Gotinên Xudan ên li dijî we bibihîzin! Wî li dijî tevahiya gelê ku ji welatê Misrê deranî, got:

Amos 3:3

Ma bêyî ku li hev bikin, du mirov bi hev re diçin?

Amos 5:11

Loma ji ber ku hûn belengazan di bin lingan de diperçiqînin Û bi zorê genim ji wan distînin, Hûnê li xaniyên ku we ji kevirên necirandî ava kirin, rûnenin Û şeraba rezên xweşik ên ku we danîne venexwin.

Amos 6:1

Wey li bêxemên Siyonê Û kesên di nav ewlehiya Çiyayê Sameryayê de ne! Wey li navdarên miletên mezin Ku Mala Îsraêl xwe spartiye wan.

Amos 6:6

Tas bi tas şerabê vedixwin, Zeyta herî xweş li xwe didin Û li ser wêranbûna Ûsiv xemgîn nabin!

Melaxî 3:5

“Ji bo dîwanê ezê nêzîkî we bibim. Ezê li dijî sêrbazan, zinakaran, sondxwarên derewîn, li dijî kesên ku zordariyê li karker, jinebî û sêwiyan dikin, kesên neheqiyê li dijî xerîban dikin û li dijî kesên ji min natirsin, yekser bibim şahid” Xudanê Karîndar dibêje.

Hejmartin 21:33

Piştre vegeriyan û di riya Başanê re çûn. Ogê Padîşahê Başanê bi artêşa xwe re hat pêşiya wan ku li Edreiyê şerê wan bike.

Dubarekirina Şerîetê 24:14

“Çi ji birayên te, çi jî, ji xerîbekî li bajarên welatê we dijî, tê keda bindest û hejaran nexwî ku bi pere karê te dikin.

Dubarekirina Şerîetê 28:33

Wê miletekî ji bo te nenas berê axa te û hemû keda te bixwe. Wê herdem zor li te bê kirin û tê bêyî şikandin.