Zud 1:4 - Kunimaipa: Baiñetinavoz Tep Tokatit

⁴ Met arin añoh-epovoz kapot ev, Met aban nari parum lop horirizaro ba iz batat ñetï moregao arin añapanen, parunañ honeo ravepekez hat arim ñaravatak emat hez. Met aban hamoh-pori Godiz ñetivoz tin hom namee het epat moreg hamah, “Met dari Godiz masakavok samegiek, pi darim horiñ ol betet hañiv naetotuz hahan hez, povoz darimauz zaitivok takaz tairañ am tovai sohok.” Pot paru haovai Iesu Kristo darim ahö nenap ravat hez-pop kos rez manat, “Pi darim ahö bonop ak,” pot hamah. Met aban pot hahopanez pori rotap hañiv bat horï ravapanez batam ñetiv hamenahan hez.

Zud 1:4 ပူးပေါင်းရင်းမြစ်များ

Matiu 13:25

Tat kuturutak pi au unun orahan aban pimaz kaev ravat heh-nap emat av posik sisiñ buñ amun betet maot sah.

Zon 17:3

Met añarab pohao het hepanezavoz nonor epat hez. Paru ni God tin nenapuz hodad het ne Iesu Kristo nimauhö nemeeñin ev hamarah er horat hez-epopuz hodad tat homeo badae batohopan, povoz pohao tin het hepan.

Aposor 11:23

Tahapuh Banabas Antiok zeitak sat berevat etehapuh añarab Godihö masakao manahan tin hehavoz pi biñ ravat parun epat mañah, “Ari Iesu darim Amipunañ tin ñod rezat het kez tat pim ñetiv baval hat sohozei.”

Aposor 15:24

Met deihanañ aban nari parumauz zaitivok ok emat ñetï honoñai nao arin añahan ari home midin tat arim loporizaroh ba in balavï teg. Met deihö aban pori namee, oñ parumam emat ñetï okov arin ok añah.

Galesia 5:13

Nem bosir sau, batam horï povor kao toogin birepenañ demamegivoz zut edemahan ari hegiek, God ba ou avatat ba evilahapuh tinaek eñeh. Oñ, “Ne tinaek ev hez,” pot hat batam arim horï toog-poñ betezam maot tepek hezavoz tinam homei. Tat nae nap zakep tat loporï manohozei.

Epesas 4:14

Met pot tapanen añarab narihö ñetï moreg hamahan, ñaro nari hatevetet barotap batamahavoz zut dari natotü. Met rotap aban horiri emat Godiz ñetï nak-povor kao moregam añohopanen zi taeñ teptepivok basat em tamahavoz zut, dari basat em takan darim hodadeo in balavï tapan hezavoz, tinam homet het ñetï moreg añohopanez poñ barotap navatotü.

1 Timoti 5:8

Met aban nap Iesuz homeo badae batat hepanepuh pim ab kap uitakariz tin korav ravat naketuz pop pi Godiz katë hahan hez-pov elat aban horip ravat hepanen, pim horivohö añarab Godiz hodad nat hepanez poriz horiv ritou metat ahö ravat hepan.

2 Timoti 2:12

Met daritï honoñai nañ emohopanez porah boi tat dari tin tovai sohok, povoz pi hapanen pinañ honeo korav ahori ravat hek. Ma pi kos rez manat dari, “Pimaz unun,” pot hak, povoz pi zu taput dari kos rez anat, “Ne arimaz unun,” pot darin añapan.

2 Timoti 3:6

Met aban hahö-porihanañ nari modariz zeiñik lokat añ hodadeo bonorin ñetï moregañ mañamahan hatevetet barotap batamah. Met añ pori parum garos horï tooh-nañiz homeamahan loporizaroh an pap manamahan paru Godiz ñetï rotapuv hatevetet tin bahorë hat hepanez pap tat ñetï betez navor nao modarihö hamahan hatevetet zuam bamah. Povoz aban hamoh-pori ñetï moregañ mañamahan paru zuam hatevetet bamah.

1 Pita 2:16

Met ari batam zait horiñiz kohat lopotak hegiekanañ God maot ba everevahan ari tin hez, povoz ganö ni nap epat hometun, Met pi ba neverevahan ne tin ev hezaek, rekot kilam horï goe nañ tohom, pot hat totun, oñ ni Godizap raveñivoz homet pim irih tin het tohoz.

1 Pita 2:8

Met epat amun menahan hez, Met bah por hepanen añarab tin et narë sohot bah porah eñahol urat ñodohopan. Aisaia 8:14 Pot menahan hez, met God pim ñeo elohopanez pori bah porah urat ñodohopanez batam pimauhö hahan hezaek petev taput tamah. Met paru Godiz ñetivoz barotap navat hez, povoz ok ñodat hañ horiv bamah.

1 Pita 4:18

Met ev menoh-epovoz zut batam epat menahan hez, Met añarab tin tovai samahari abarah sat hepanez, “Tinaek ak,” hat boi tat tovai sohopanezaek, paru añarab pi kos rez manat horï tamah-pori tair tat tin poek sapan? Evo, rekot nasotü. Sindaun 11:31 Pot batam menahan hez.

2 Pita 2:10

Met añarab horï tohopanez mapori hañ horiv metapan, oñ añarab tairari Godiz hahan hezañ, “Betezañ ok,” pot hat betet parumauz heriñiz zait horiñiz berevamahat tamah-pori hañ horï ahoñ tokat metapan. Met aban moreg etohopanez hamoh-pori parumauz abatañ bat hel batat parum zaitivok tohot abarah enzol tin hez-poriz ñaihet nat, oñ paru poriz ñetï horiñ hat, “Betezari ak,” pot paru hat batiu tiu batamah.

2 Pita 3:7

Met abarar hamarar nonair nai petev hez-epotuz God epat hahan hez, “Met tokat ne haoman it ahoñad ou ravat nonair nai okotü ñadat bavon batapan.” Pot hat pi et bameet hez. Met añarab God kos rez manamah-pori ñevok bizat horï tamahavoz hañiv metapanen ñadat bon tapanez porah nonair naitü amun map ñadat bon tapan.

1 Zon 2:22

Met aban nap pi Iesuz epat hapan, “Met Kristo God ba ou batat meepanen erapanez batam hahan hez-pop pi Iesu bonop ok.” Pot hapanez aban popuz epat hapek, “Met aban okop pi moreg hamahap ok.” Met pi tairap Iesuz pot hapanez pop Kristozap narav het pir Papap kos rez manat okat hapan.

Zud 1:15

Tapanepuh ev hamarah añarab hez-mapori ñevok evizat an etapan. Tat tairari pimaz hom namee het betezam horï povor kao tamah, ma Godiz kaev ravat pimaz ñetï horiv hamah-pori hañ horiv metapan.” Met aban arinañ petev hez-poriz tamahavoz Inok batam pot hahan menahan hez.

Zud 1:18

“Met Kristo maot erapanez aliz metë pos totoi ravovai sohopanen, aban nari Godiz hom namee het parumauz zaitivok homehopanezat tovai sohopanez pori het ari pimaz zait tat hepekezariz kek hat ñebul arin añohopan.”

Ñetï Tokatizañ 15:4

Met deihanañ tairap nim kezavoz homet ñaihet natotü? Evo, pop bon. Met ni nenap tinaharam hezan mod nap nim zut bon, povoz nim kezavoz homet, ‘Nem ahop ok,’ pot niin nanañ hepanez nap bon, oñ nim tinaharam tovai sameñ-pov ou ravahan, añarab maporizaro etehaek, paru nim nakoe emat nim abatao bat hel batat biñ nañohot hepan.”