Zon 11:53 - Kunimaipa: Baiñetinavoz Tep Tokatit

⁵³ Met pot paru topourat hahaekanañ Iesu bat urapanez nonoroz mel tovai sooh.

Zon 11:53 ပူးပေါင်းရင်းမြစ်များ

Matiu 12:14

Tahan Parisi abanari etet mogao tat berevat Iesu ur ñomapanez ñetiv nae nap mañooh.

Matiu 16:21

Met pot Saimonin bar mañahaekanañ Iesu pim mañairooh-abanarin pimau ur ñomapanez ñetiv ba ou batat mañohot het epat mañah, “Met ne Zerusalem zeitak soman paru aban anumaihol bareñ elat mañaramahariz ahorir, aban ñetï kateñiz mañairaholor, aban korav ahö modari kakam ahov netapan. Tat paru mod narin mañapanen ne navat ur noñomapanen, aliz nasikaro bon tapanen zeirevaizasik maot bavirirï navatapanen bal haom,” pot mañah.

Matiu 22:46

Pot mañahan paru hañiv mañapanez bapap tah, povoz porahanañ paru maot piin at ñe modañ namañ, am heh.

Matiu 26:4

Tat poek Iesu kilam demat basat ur ñomapanez nae nap mañah.

Matiu 26:59

Pot tahan Zuda kaunsor aban ahö pori map topourat hehan Iesu basahaek pi ur ñomapanez zait tah, povoz añarab narin mañahan emat ñetï moreg povor kao ahoam pimaz haoh, oñ paru ñetï moreg haoh-poñ napuhö nao haohan modapuhö modao haohan pim horï tahavoz rotapuv ou narav. Tahan aban nañariv em rouvat

Mak 14:1

Met aliz nasikaro bon tapanen Zuda darimeri meñizahan tin hehavoz homet anumair gipiz arö tapanez aliz pos met berë tu nak hepanez poñ nohopanez aliz poñ totoi ravah. Tahan aban anumaihol bareñ elat mañaroohariz ahorir aban ñetï kateñiz mañairahol topourat Iesu kilam demat basat ur ñomapanez nae nap mañah.

Mak 3:6

Tahan Parisi abanari etet kaev ravat bal hat berevat parum gavmaniz aban ahop Erod popuz hahan hehat tovai emooh-porinañ honeo ravat Iesu ur ñomapanez ñetiv nae nap mañah.

Zon 11:47

paru Parisi aban porir aban anumaihol bareñ elat mañaroohariz ahorihö Zuda kaunsor aban ahori em topourapanez as hahan emat topourahan epat mañah, “Met aban akap gog kezañ tamahag, dari tair tat pi bagaa batakan gog pim tamah-akañ maot natotü, oñ am betet hepan?

Zon 12:10

Met paru Zuda narizaro Lasarus baval hahavoz homet aban anumaihol bareñ elat mañaroohariz ahori betet Iesuzahar homeo badae batah, povoz aban ahö pori Lasarus amun honeo ur ñomapanez ñetiv hah.

Zon 7:1

Pot mañahapuh Iesu Galili zei posik am hehapuh Zuda aban ahori pi Zudia zeisik sapanen bat urapanez haohavoz pot homeh, Ne Galili zei epes betet Zudia zeisik petev maot nasotü, oñ eveam hem. Pot homet Iesu am Galili zeisik het sa em tohot añarab batin batohot heh.

Aposor 5:33

Pita pot hat gaa tahan paru kaunsor aban ahö pori kez ravat mogao ahoam tahapuh paru aposorohol ur ñomapanez nae nap mañah.

Aposor 9:23

Tahapuh het tokat aliz houloñ bon tahan Zuda aban ahori topourat Sol ur ñomapanez ñetiv nae nap mañooh.