Roma 16:6 - Kunimaipa: Baiñetinavoz Tep Tokatit

⁶ Met añ nap Maria pi ari tin hepekez hat gog ahot tovai emamahapuz homet amun, “Ni tin hekez ne zait toh,” pot piin ev mañoh.

Roma 16:6 ပူးပေါင်းရင်းမြစ်များ

Matiu 27:55

Met añ nari Iesu meñizohopanez Galili zeis betet pinañ honeo emooh-pori hotoh herï rouvat etet heh.

Matiu 5:47

Met paru aban Godiz hodad nat hezari parum kapotak nenarinañ toutat ñetiv hahot hez, oñ modariz paru kaev ravat hez. Met ari amun parum tamahat tovai ari patariz kaev ravat arim kapotak nenarinañ toutat ñetiv hahopek, povoz tin ravapane? Evo, tin naravotü.

Roma 16:12

Met añ nañariviz abatavokaro Tripina met modap Triposa, poñariv parup darim Amipuz homet gogot tin tamahañarivir añ modap Pesis nem saupuz zut ravat hezap pi amun darim Amipuz gogot tamah, poriz homet ne epat hamoh, “Ari mapori tin hepekez ne zait toh.” Pot parun mañoh.

Roma 16:5

Ma parupimatak Iesuz añarab tairari togü manat daasir mañeo hamah-poriz amun homet, “Paru tin hepan,” pot ne homet ev menamoh. Met aban nap pim abatao Epanitas pi Esia zeisik garos Iesuz homeo badae batahap ok, met ne pimaz homet ñetï biñao hat, “Tin hekez ne zait toh,” pot ev piin mañoh.

Roma 16:7

Met aban nañariv Andoronikasir Zunias parup Zuda nem modañariv batam Iesuz homeo badae batat hehan ne tokat parupim tah-taput tooh, met dei honeo kakam zeimakeh emerizahan heg. Met nem aposor aban modari parupimaz tin hodad hez, poñariviz homet, “Arip am tin hezei,” pot parupin ev mañoh.

1 Tesalonaika 5:12

Deim bosir sau, katë mod epov arin añakan hatevetei. Met darim Amip arim aban korav ahori het eñizat tin sohopekez ñetiv añohopanez hat ba ou batat meñehan hezaek, paru gog tinao tat ari eñizamah, povoz parumaz zait tat añohopanezat tovai sohot, parum irih tin het tohozei. Tat lop honerinañ het tin honeo hezei.