Matiu 7:20 - Kunimaipa: Baiñetinavoz Tep Tokatit

²⁰ Met zi hamoh-poñiz zut aban moreg pori arim ñaravatak emapanen parum tohopanezavon etet parum kapotaz zuam hodad ravat pot hapek, ‘Aban eperi zi horimedek ul horiñ badamahavoz zut moregari ev,’ pot parumaz hahopek,” pot mañah.

Matiu 7:20 ပူးပေါင်းရင်းမြစ်များ

Matiu 12:33

Pot mañat Iesu maot epat mañah, “Met zi tin hepanezamedek ul tinañ badapan, met zi horï hepanezamedek ul horiñ badapan. Met dari zi ul tinañin etet, ‘Zi tinamed ev,’ pot hameg, ma zi ul horiñin etet, ‘Zi horimed ev,’ pot hameg.

Matiu 7:16

Oñ ari parum tovai sohopanezavon etet parum kapotaz tin hodad ravepek. Met bi maborö getahavenañarepek zi ul tin nakazañ badapanen dari tavaka? Ma zen zen arañinañ betezañik zi ul tin nakaz nañ badapanen dari tavaka? Evo, rekot poñik ul tinañ navadotü.

Ruka 6:44

oñ dari zi ul tinañin etet, ‘Zi tinamed ev,’ pot hameg, met zi ul horiñin etet, ‘Zi horimed ev,’ pot hameg. Met bi mabororepek rekot tiompos uloñ navadotü, ma zen zen betezañik zi ul tin nakaz nañ navadotü.

Aposor 5:38

Povoz aban akari meekan berevat sapan. Met paru hamarah aban napuz kezavonañ tamah, povoz parum tamah-pov bon hatapan, oñ Godiz kezavonañ tamah, povoz ari aban nenarihö rekot bavon navatotü, oñ ganö ari aban akari bahorï metepekepuh Godihoen amun bahorï metepek hezavoz paru baverevat meepeken am sap.” Pot Gameliel hah.

Zemis 3:12

Ma avaramedek tiompot uloñ badapane? Ma begirih guz uloi erapane? Evo, pot bon. Met iv havë guaivetanañavok iv tin nakazao naholotug, tairaiz ari giz tapuñinañ ñetï horiñir tinañ hameg? Evo, pov tin bon.