Matiu 7:12 - Kunimaipa: Baiñetinavoz Tep Tokatit

¹² Met batam Mosesir propet abanariz menahan hez-poñiz kapot pot hez, met arim modarihö tin tairao etohopanez ari homet zait tat hepekez potam paru metohozei,” pot mañah.

Matiu 7:12 ပူးပေါင်းရင်းမြစ်များ

Matiu 5:17

Met pot mañat Iesu maot epat mañah, “Met ñetï modao ev añomaz toh. Met Mosesir propet abanariz ñetï menahan hez-poñ betet bavon batomaz emoh, pot nemaz ari homeamegi? Evo, pot bon, oñ paru nemaz menahan hez-poñihar tovai sohoman ñetï poñiz rotapuv ou ravohopanez hat ne ev emoh.

Ruka 6:31

Met arim modarihö tin tairao etohopanez ari homet zait tat hepekez potam paru metohozei.

1 Timoti 1:5

Met ñetï tin epov ni parun badede mañeken, paru hatevetet baval hat tovai emohopan, povoz parum loporizaro baim ravat hepanen, tin Iesuz homeo badae batat het epat hahopan, “Met dei Godiz zaitivok tovai sookaz home nen povonañ hek.” Met paru pot hat tohopanezaek lop tinarizaror home tinavonañ het paru nae nap loporizaro manat meñizovai sohopan.

Zemis 2:8

Met Baiñetinavoz Tepatak Godiz ñetï katë ahov epat menahan hez, “Nimauz homet zakep tat hezavoz zut, añarab modariz homet zakep tat tin metohoz.” Met Godiz ñetï katë pov hatevetet baval hahopek, povoz tin ravohopan.