Epesas 5:4 - Kunimaipa: Baiñetinavoz Tep Tokatit

⁴ ma modariz ñetï pekü pekü hazao, ñetï poñ tin bonoñ ok, povoz ari Kristoz homeamegiri ñetï pot nañ tovai haotunei, oñ ari tinam het Godiz biñ ravat nae nap mañovai sohozei.

Epesas 5:4 ပူးပေါင်းရင်းမြစ်များ

Mak 7:22

ma betezam nae nap bao, ma modapuzain etet zait tao, ma ñetï moreg hapanezao, heris bat hel batao, ma modariz ñetï horiv hapanezao, ma horiv tat tu naravao, ma hodadeo bonoriz zut tamah-pov.

Zon 6:23

Tahan Taiberias zei potakanañ añarab mod nari bout nañik helat Amip mañeo hat bereñ manahan añarab ahovokaro nah-poek totoi berevat emah.

Roma 1:28

Met paru Godiz non tinaoroz kaev ravat batiu tiu batat pot tohot hezarin pi etet bazei manat hezan kutariz zut ravat het, God darim natotuz ah ñeo hahan hez-horï map potuhar paru tovai samah.

2 Korin 9:15

Met Godiz eñizat anahavoz homei. Met dari pi tin nao nametaek masak ahov amauam anat pim rop meehan eñizapanez hat erah. Met dari pim pot tat eñizahavoz kapot rekot darihö map bar nakaotü, oñ orah rezah Godin, “Tin eteñ,” nen potam mañovai sohok.

Epesas 1:16

Tat orah rezah arimaz homet Godin ñetï biñao mañat pi eñizohopanez hat mañamoh.

Epesas 4:29

Met ñetï horï nañ ma paru nameñizotuz poñ arim modarin mañotunei, oñ ñetï biaviavonañ tinavohar arim modari hatevetet Kristoz tin homet hepanez poñihar mañohopekez arin ev añamoh.

Pilipai 4:6

Met honoñai tairatü aritï ou ravohopanez potuz ari home midin totunei, oñ orah rezah potuz Godin mañ mañohopeken eñizohopanez homet pimaz biñavonañ hezei.

Kolosi 3:8

Oñ petev ari nonair nai horï mod epotü amun betei, Modariz mogao tat gitait ravat ñe horiñ mañameg-pov, ma lop horirï homeameg-pov, ma modapuz ñetï pekü hamegiñir, ñetï moreg hamegiñ, map añamoh-epeñ maot tovai arim gizañikanañ haotunei. Met ari batam horï toog-epeñ havetet,

1 Tesalonaika 3:9

Met dei arim tin tameg-ñetiv hatevetet biñ pimau ravat, Godin arimaz homet ñetï biñao piin mañameg.

1 Tesalonaika 5:18

Pot tohot nonair nai tinavor horiv aritï berevohopanez potuz Godin, “Ni tin ok deimaz korav aravat hez,” pot mañohot hezei. Met ari Iesu Kristozari ok, povoz biñavonañ het pot piin mañohopekez God zait tat hez.

Pilemon 1:8

Met Onesimas nem rop bavatat tamoh-popuz homet ñetï epov nañomaz ev toh, met ne ev kakam zeimakeh hezaek, pi ni nevetet barezat ev emahan, ne Kristoz ñetiv piin mañoohon barotap batahan, deip honeo Kristoz homet hezaek, ne pim papapuz zut ravat hez. Met Iesu Kristohö ne pim gogovoz aban ahop ba ou navatat neñehan hez, povoz ne rekot ni Onesimasiz metookezat ñe kezao nañoh narab, oñ ne nimaz zait tat loporï nanamohoek ñe kezavonañ niin nanañotü, oñ ne masakavonañ ñetiv epat niin at nañom, Met ni rekot ne Onesimas meeman ak emapanen masak meteke? Erom, ne kakam zeimakeh het totoi abav ravomaz tohog, ganö ni Onesimas barezat ev emahavoz hat hañ horiv metooken ñetiv hapanen ne hatevetem hezavoz, ni nemaz zakep tat pi masak metookez ne ev nañoh.

Ibru 13:15

Met paru Godiz homet anumaihol bareñ elat mañaramah-pot dari natotü, oñ dari añarab eperi orah rezah Iesu Kristo darimaz hat ñomah-povoz homehot Godiz biñ ravat het, “Rotap pi abat ahovonañap ok,” pot modarin bar mañookazaek, pim abat pov an pap manat hepan.

2 Pita 2:18

Met paru, “Dei tinari ev,” pot hat ñetiñ haovai samah. Tat paru magei Iesuz homeo badae batat garos horï tooh-poñ betet tin hez-pori hatevetet maot parum mamog zait horiñinañ het toohat tohopanez mañamahan bogï tamah.

Zud 1:10

Oñ aban arinañ hezan hamoh-pori Maikel tin pot mañahavoz zut nak hezari ok. Tat paru tairavoz kapotaz tin hodad nat hez-povoz ñetï horï povor kao am hahot hez. Pot hamahari bol bedehol kapotaz hodad nat kut het betezam sat em tamahavoz zut, parumauz zaitivok berevamahat tamahan, horï poñihö tokat hañ horiv metapanen horiek sapanez nonor ba ou batamah.

Zud 1:13

Ma iverï ñai rezat dugdug tamahapuh elamahan kulupiñ emat ourah iv haravesik togü manat oraezan eteamegivoz zut, paru aban pot tamah-pori ourah horï tovai emamahan dari eteameg. Met zeiz nañ abarah berevat sat em tamahavoz zut, aban pori añarab moreg metohopanez hat zeisikaroh sat em tamah. Met paru pot tamahari map kutur manat hez-potak sat hepanez God hahan hez-poek betepanen sat pohazao het hepan.