Nyimbo 66:16 - Bhukhu la Kuyamba

¹⁶ Imwe mwentse mun'gopa Mulungu, bwelani mubve! Pomwe nin'zakuwuzani bzaadachita kumoyo wangu!

Nyimbo 66:16 ပူးပေါင်းရင်းမြစ်များ

Nyimbo 34:11

Bwelani, imwe wana mutetekele kwayine, ninkufundisani kugopa Chawuta.

Nyimbo 34:2

N'zimu wangu un'zasamwa mwa Chawuta, lekani amphayi abve, akondwe!

Nyimbo 66:5

Bwelani muwone bzidachitiwa na Mulungu! Nkugopsa lini kumweko kwamabasa yake kwawana wawanthu.

Nyimbo 71:15

Mulomo wangu un'zalewa bzakulungama bzanu, ntsiku yentse nin'zalewa bzachipulumuso chanu, pakuti nin'kwanisa lini kubziwelenga.

Nyimbo 71:18

Kufikila ndakalamba, kufikila ndachena nsolo, imwe Mulungu lekani kundisiya! Kufikila ndalalikila bzamphamvu zanu kum'badwe unango, mphamvu zanu, kwawentse am'bwela.

Nyimbo 71:20

Mudandiwonesa kushupika nanyathwa zizinji, koma mun'zandipasa mphamvu pomwe, mudandibweza kumbuto yawanthu wakufa.

Nyimbo 71:24

Nakutenepo, lilimi langu lin'zalewa-lewa bzachilungamo chanu ntsiku yentse, pakuti wale ampsaga kundipweteka anyazisiwa, adodomesewa.