Nyimbo 3:4 - Bhukhu la Kuyamba

⁴ Nin'chemelela kwa Chawuta nafala langu lentse, iye achindidayila ali paphili lake lakuyela. Selah

Nyimbo 3:4 ပူးပေါင်းရင်းမြစ်များ

Kuyamba 15:1

Pambuyo payibzi, fala la Chawuta lidabwela kwa Abhuramu m'masomphenya, lichiti, “Leka kugopa, pakuti ine ndine nchinjilizo yako, mpagalo wako un'zakhala ukulu kwene-kwene.”

Nyimbo 119:114

Pakubisala pangu nanchinjilizo yangu, ndimwe; nin'nyanganila mufala lanu.

Nyimbo 138:3

Pantsiku yandidachemela, imwe mudandidayila, mphamvu zamoyo wangu, imwe mudathimizila.

Nyimbo 18:3

Nin'chemelela kwa Chawuta uyo anfunika kudumbiziwa, anin'chiza kwaazondi wangu.

Nyimbo 2:6

“Ndidayikha mambo wangu paphili la Ziyoni, paphili lakuyela.”

Nyimbo 27:6

Tsapano nsolo wangu un'zasumusiwa, padzulu paazondi wangu adandizungunuka, nin'zapeleka ntsembe mutenti yake, ntsembe namafala yakukondwa. Nin'zayimba ndichipembeza Chawuta.

Nyimbo 28:7

Chawuta mphamvu zangu, nanchinjilizo yangu, mwayimwe ntima wangu un'themba. Ndidathandiziwa, ntima wangu unkuziwa, kuchoka munyimbo yangu, nimpeleka kutenda kwayiye.

Nyimbo 34:4

Ndidapsaga Chawuta, iye nkundidayila, adandipulumusa kubzinthu bzentse bzinin'gopsa.

Nyimbo 34:6

Uyu munthu mphayi adachemelela pomwe Chawuta adabva, achimuchiza mukushupika kwake kwentse.

Nyimbo 43:3

Tumilani kuwinika kwanu, nachadidi chanu, lekani bzinditsogolele! Lekani bzindibwezele pomwe kuphili lakuyela, kwamunkhala!

Nyimbo 50:15

Pomwe, chemela kwayine panthawe yakushupika kwako! Ine nin'zakupulumusa, iwe uchizandipembeza.”

Nyimbo 62:8

Imwe wanthu thembani na Mulungu nthawe zentse! Thululani ntima wanu patsogolo pake! Mulungu nipakupotela pathu.

Nyimbo 84:12

Imwe Chawuta wawankhondo, ali bwino munthu an'themba mwayimwe!

Nyimbo 89:19

Kale-kale imwe mukhalewa-lewa m'masomphenya, kwawantsisi wanu muchiti, “Ndidayikha thandizo kwawuyo ana mphamvu, ndakuza uyo adasankhuliwa muwanthu.

Nyimbo 91:15

Paan'chemela kwayine, nin'zamudayila, nin'zakhala naye mukushupika, nin'zamupulumusa ndichimulemekeza.

Nyimbo 99:9

Kuzani Chawuta Mulungu wathu! Kotamilani paphili lake lakuyela; pakuti Chawuta Mulungu wathu niwakuyela!