Nyimbo 27:4 - Bhukhu la Kuyamba

⁴ Chinthu chibodzi chandakumbila kwa Chawuta, chanimpsaga, kuti ndizakhale munyumba ya Chawuta kwawumoyo wangu wentse, kuti ndiwone kukoma ntima kwa Chawuta, kuti ndibvunze mu Tembele yake.

Nyimbo 27:4 ပူးပေါင်းရင်းမြစ်များ

Nyimbo 23:6

Chadidi, kukoma kwanu nantsisi zanu bzin'zanditeyela, muntsiku zangu zentse zawumoyo. Pomwe nin'zakhala munyumba mwa Chawuta, kufika lini nalini.

Nyimbo 26:6

Nin'zasamba manja yangu ndilibe mulandu, ndichiyenda kazungunuka mbuto yanu yakupelekela ntsembe, Chawuta.

Nyimbo 26:8

Chawuta ninfuna nyumba yamun'khala, mbuto in'khala ndemela yanu.

Nyimbo 27:8

Ntima wangu uniti kwayimwe, “Nin'zapsaga nkhope yanu, imwe Chawuta!” Ntima wangu uniti kwayimwe, “Nimpsaga nkhope yanu Chawuta.”

Nyimbo 50:2

Mulungu aniyetima kuchoka paphili la Ziyoni, phili labwino kwene-kwene.

Nyimbo 65:4

Niwakudala bzawo wanthu wam'munsakhula, muchiwabwelesa pafupi, kuti akhale muntalo chanu, tin'zakhuta nakukoma kwanyumba yanu, kwa Tembele yanu yakuyela.

Nyimbo 84:10

Pakuti ntsiku ibodzi mubzintalo bzanu, niyabwino kuposa ntsiku sawuzande zakukhala kunango. Nkhasa bzangu kukhala nkhalilizi wapansuwo wanyumba ya Mulungu, pana kukhala m'matenti yawakuyipa.

Nyimbo 84:4

Niwakudala awo an'khala munyumba yanu, an'khala achikudumbizani! Selah.

Nyimbo 90:17

Lekani chifundo cha Mfumu Mulungu wathu chikhale payise! Mukhazikise mabasa yamanja yathu kwayise, yinde, khazikisani mabasa yamanja yathu.