Nyimbo 143:7 - Bhukhu la Kuyamba

⁷ Kulumizani kundidayila, imwe Chawuta! N'zimu wangu wamalidwa! Lekani kubisa nkhope yanu kwayine, pakuti ningakhale ninga wale aniyenda kudindi.

Nyimbo 143:7 ပူးပေါင်းရင်းမြစ်များ

Nyimbo 102:2

Lekani kubisa nkhope yanu kwayine, ntsiku yakushupika kwangu! Teyani khutu lanu kwayine! Ndidayileni mwakukulumiza pantsiku yanin'chemela,

Nyimbo 22:24

Pakuti alibe kunyoza panango kunyantsiwa, nanthamu zawakushupika, Alibe kum'bisila nkhope yake, koma paakhalila, iye adadayila.

Nyimbo 27:9

Lekani kubisa nkhope yanu kwayine. Lekani kubweza mulanda nawukali wanu, pakuti ndimwe thandizo langu. Lekani kunditaya panango kundilamwa, Mulungu wachipulumuso changu!

Nyimbo 28:1

Kwayimwe Chawuta, nin'chemela! Mwala wangu, lekani kufunga makutu yanu, pakuti mukandinyamalila, nin'zachita ninga wale aniyenda kudindi.

Nyimbo 40:17

Koma ine ndine mphayi, pomwe ninsaya, Mfumu aninkumbuka. Ndimwe thandizo langu nachipulumuso changu. Lekani kuchedwa Mulungu wangu.

Nyimbo 69:17

Lekani kubisa nkhope yanu kwayine mulanda wanu! Pakuti ndili panyathwa, kulumizani kundidayila!

Nyimbo 69:18

Fendelani pafupi namoyo wangu mundilombole! Nathangwe laazondi wangu, ndilomboleni!

Nyimbo 69:3

Ndaneta nakuchemelela, pakhosi patowuma. M'maso mwatochita n'dima, nakudikhila Mulungu wangu.

Nyimbo 70:5

Koma ine ndine mphayi, palibe chandinacho. Imwe Mulungu kulumizani kubwela kwayine! Ndimwe thandizo langu, mpulumusi wangu. Imwe Chawuta lekani kuchedwa!

Nyimbo 71:12

Imwe Mulungu, lekani kukhala kutali nayine! Mulungu wangu, kulumizani kubwela kuzandithandiza.

Nyimbo 84:2

N'zimu wangu unsuwa, yinde untopa bzintalo bza Chawuta. Ntima wangu nanyama yangu bziniyimba bzichikondwa, kwa Mulungu wamoyo.